سەنبى, 18 قاراشا 2017
46 - ءسوز 832 4 پىكىر 13 قاراشا, 2017 ساعات 08:02

پلاتون مەنىڭ دوسىم، بىراق اقيقات ودان قىمبات"

شيرەك عاسىردان بەرى جۋرناليستيكانىڭ "وتىمەن كىرىپ كۇلىمەن شىعىپ" ءجۇرىپ جيناقتاعان ءارى اۋداندىق گازەتتىڭ كوررەكتورلىعىنان باستاپ قالالىق، وبلىستىق باسىلىمدا، رەسپۋبليكالىق جەكەمەنشىك جانە مەملەكەتتىك اقپارات قۇرالىندا جۇمىس ىستەپ كەلە جاتقان تاجىريبەمە سۇيەنە وتىرىپ بىردەن ايتسام بۇگىنگى ءباسپاسوزدىڭ "باس اۋرۋىنا" اينالعان توك شوۋ كوڭىلىمنەن شىققان جوق. نەگە؟ بىرىنشىدەن تاقىرىپ اشىلعان جوق. بولماسا تاقىرىپتى تىم اۋقىمدى ەتىپ ايقايلاتىپ قويماي "تەلەارناداعى جولبيكە جۇرگىزۋشىلەر قايدان پايدا بولدى؟" دەپ شەڭبەردى قىسقالاۋ سىزۋ كەرەك ەدى. ابدەن جاۋىر بولعان تاقىرىپ بۇل توك شوۋدىڭ دا التىن ۋاقىتىنىڭ كوپ بولىگىن الىپ تاعى شيىرلاي ءتۇستى.

ەكىنشىدەن سپيكەرلەر دۇرىس تاڭدالماعان. تورتەۋدىڭ ۇشەۋى تەلەارنادا تەر توككەندەر، بىرەۋى عانا گازەتتى جاقسى بىلەدى. جۋرناليستيكانىڭ باستاۋى گازەتتەن باستالادى دەسەك تە "بۇرىن شىققان مۇرتتان كەيىن شىققان ساقال وزعان" زاماندا تەلەارنانىڭ تەگەۋرىنى، ىقپالى قانشالىقتى زور دەگەنمەن قازىرگىنىڭ تۇز كوزىرى-اقپاراتتىق پورتالدىڭ جەلكەنىن كەرىپ ەسكەگىن ەسكەن ءبىر ادام وسى تالقىلاۋدىڭ بەل ورتاسىندا بىلەك سىبانۋى كەرەك ەدى.

ۇشىنشىدەن جۋرناليستيكا فاكۋلتەتىن اشۋ، جابۋ ماسەلەسى "مايشاممەن" تالقىلانعان تۇستا وسى ماماندىققا جاقسىلى-جاماندى شاكىرت دايارلاۋعا اتسالىپ جۇرگەن ءبىر ۇستاز مىندەتتى تۇردە قاتىسۋى قاجەت بولاتىن. بۇگىندە كولدەنەڭنەن قوسىلعان كوك اتتىلار ءار سالادا دا از ەمەستىگىن ەسكەرسەك وندا ادىلدىك ءۇشىن وقۋ ورىندارىنداعى بارلىق ماماندىققا تۇساۋ سالۋعا ءتيىسپىز، ال ارمان شوراەۆتىڭ جۋرناليستيكا فاكۋلتەتىن جابۋ تۋرالى ويى سۋدا مالتي المايتىن ادامعا ءجۇزۋدى ۇيرەتۋدىڭ ورنىنا توبەسىنەن باسىپ تۇنشىقتىرا ءتۇسۋ بولىپ شىقپاي ما؟

تورتىنشىدەن بۇل جولى ايتىلعان وتكىر پىكىرلەر دۇرىس شىعار، بىراق اقپارات سالاسىندا وڭ وزگەرىستەر بارىن دا مۇلدەم جوققا شىعارماي نەلىكتەن جۋرناليستەر ارقىلى ەلدىڭ، قوعامنىڭ دامۋىنا قوسىپ جۇرگەن جاقسى جاقتار، جاڭاشا باستامالار تارازىعا تارتىلمادى؟ باسقالاردىڭ توپىراق شاشىپ جۇرگەنى ازداي ولارمەن جارىسىپ ء"وز كورىمىزدى ءوزىمىز قوسىلا قازعاننان" نە ۇتامىز؟

بەسىنشىدەن وزىمىزبەن ارالاس-قۇرالاس جۇرگەن ارىپتەسىمىز-دوسىمىز بەرىك ءۋالي باسقالارىن ايتپايمىن ءدال وسى جولعى توك شوۋدا تىكەلەي وزىنە قابىرعاسىنان قويىلعان ناقتى سۇراقتارعا جاۋاپ بەرە العان جوق. ءبۇيتىپ قوجاناسىر سياقتى ءوزى وتىرعان "بۇتاقتى كەسكەنشە" دۇرىسى "كوتەرە الماس شوقپاردى بەلگە بايلاماۋ"... "پلاتون مەنىڭ دوسىم، بىراق اقيقات ودان قىمبات" دەگەن وسىندايدا ايتىلسا كەرەك ءسىرا!

التىنشىدان تەلەارنا تىزگىنىن ۇستاعان ەرلان قاريندى جاڭادان امەريكا اشقان ادامعا تەڭەۋ اسىرا سىلتەۋ سياقتى. ۇلتتىق ارنا شەرxان مۇرتازا، عالىم دوسكەن باسقارعان جىلدارى داڭقى قالاي دۇركىرەگەنىن ەل ۇمىتا قويعان جوق، ۇمىتپايدى دا. ارىپتەستەر پوزنەر-پوزنەر دەپ اۋىزدارىنىڭ سۋى قۇرىعانشا مىسال ءۇشىن تاعى ەكى-ءۇش ادامدى ايتساق، الدىڭعى بۋىننان نۇرتىلەۋ يمانعاليۇلىنىڭ، كەيىنگى بۋىننان قاسىم امانجولدىڭ قالاي تەلەسۇقبات قۇراتىنىن تالاي جاستار جاتا-جاستانا ءالى ايتاتىنىن شىنىمەن ەستىمەي ءجۇر مە؟

جەتىنشىدەن...وسىلاي ايتا تۇسسەك بۇل تاقىرىپقا قاتىستى ون ساۋساقتى دا بۇگىپ تۇرىپ وي ايتا بەرۋگە بولادى. بۇل جولى وسىمەن شەكتەلەيىن. ارينە، جۇرت جابىلا ماقتاۋعا كوشكەندە قارسى پىكىر قوزعاسام ءوز ءسوزىم وزىمدىكى. اقيقات پىكىرتالاستان تۋادى.

عالىمجان ەلشىباي

Facebook-تەگى پاراقشاسىنان

 

4 پىكىر
Бақытбек 2017-11-14 10:49:49
Мына төменде, пікір айтқан Мейрамбайдан кейін бұл жерде бірдеңе жазудың өзі ұят екен.
Байқуат 2017-11-13 21:14:48
Берік Уәли ток-шоуды тікелей эфир форматына сай жүргізе алмайды.Себебі,оның бойында батылдық, жауапкершілікті мойнымен көтерер өжеттік жоқ. Тікелей эфир ,ол қатал ой-пікір алаңы. Тікелей эфир ол жан-жақты көзқарастар тоғысы, конфликтілер ошағы болуы шарт. Меніңше беріктің орнын Нартай Аралбай алмастыру керек.Немесе әлі "сынып үлгермеген" Дархан Әбдік. Ал Бекең ренжімесін, ол кешегі күннің баласы,жалтақ,биліктің асырандысы.
Мейрамбай 2017-11-13 10:12:50
Қазақстандағы қазақ тілді телеарналарда ТОК - ШОУ - ларды ұйымдастырып жүргізудің өзі басы артық дүние. Біздің ұлттық болмысымызға сәйкес емес, халқымыздың мыңдаған жылдар бойына қатпарланып қалыптасқан ДҮНИЕТАНЫМЫНА жат ток-шоулардың қажеті қанша?! (инородный тело) Қазір, кейбір қазақ тілді әлеуметтік мәселелерді көтеретін телебағдарламаларды тыңдау-қарау мүмкін емес. Үйде отырып, құлағымызға дейін қызарып кетеді. "Өзі ұялмаған - басқаның бетін шиедей қылады" деген осы екен. Жүргізуші тележурналисттің де қатысушылардың да сөздері жасанды. Пласстмасовый. Мимикалары да жасанды. Құдды бір 19-ғасырдағы нашар спектакльді көріп отырған сияқты күй кешесің. Ал, кейбір бағдарламалар (атын атап, түсін түстемей -ақ қойайын) тіптті жиркенішті. Біздер, телебағдарламалар арқылы көрермендерге ашық ақппарат, шадман көңіл күй, болашаққа қажетті өміршеңдік пен қүш - жігер, эстетикалық ләззат сыйлауымыз қажет емес пе еді?????? Жастар мен надандау қазақтарды "білдіртпей" тәрбиелеуді айтпағанның өзінде. Н.Иманғалитегі мен Қ.Аманжол сынды тележурналисттерге жететін журналисттер жоқ. Өкінішті. Әсіресе "Шынның жүзі" (Ш.Мұртазамен сұхбат) қазақ телебағдарламасының асқан шыңы, шедевр - деуге болады. Түзеліңдерші енді, айналып қана кетейіндер?! Әйтпесе, көретін телеканал қалмай барады. PS.Және бір айта кететін мәселе: - төмендегідей қате сөздерді айтпаңдаршы, түзетіңдерші?! ; -"Ашты" (дұрысы - ашщы), "Айланып келейік" (дұрысы - айналып келейік), "Алдыға тептті" (дұрысы - алға тепті) "Чащы өсіп кеткен" (дұрысы - шашы өсіп кеткен) .
Мейрамбай 2017-11-13 10:12:49
Қазақстандағы қазақ тілді телеарналарда ТОК - ШОУ - ларды ұйымдастырып жүргізудің өзі басы артық дүние. Біздің ұлттық болмысымызға сәйкес емес, халқымыздың мыңдаған жылдар бойына қатпарланып қалыптасқан ДҮНИЕТАНЫМЫНА жат ток-шоулардың қажеті қанша?! (инородный тело) Қазір, кейбір қазақ тілді әлеуметтік мәселелерді көтеретін телебағдарламаларды тыңдау-қарау мүмкін емес. Үйде отырып, құлағымызға дейін қызарып кетеді. "Өзі ұялмаған - басқаның бетін шиедей қылады" деген осы екен. Жүргізуші тележурналисттің де қатысушылардың да сөздері жасанды. Пласстмасовый. Мимикалары да жасанды. Құдды бір 19-ғасырдағы нашар спектакльді көріп отырған сияқты күй кешесің. Ал, кейбір бағдарламалар (атын атап, түсін түстемей -ақ қойайын) тіптті жиркенішті. Біздер, телебағдарламалар арқылы көрермендерге ашық ақппарат, шадман көңіл күй, болашаққа қажетті өміршеңдік пен қүш - жігер, эстетикалық ләззат сыйлауымыз қажет емес пе еді?????? Жастар мен надандау қазақтарды "білдіртпей" тәрбиелеуді айтпағанның өзінде. Н.Иманғалитегі мен Қ.Аманжол сынды тележурналисттерге жететін журналисттер жоқ. Өкінішті. Әсіресе "Шынның жүзі" (Ш.Мұртазамен сұхбат) қазақ телебағдарламасының асқан шыңы, шедевр - деуге болады. Түзеліңдерші енді, айналып қана кетейіндер?! Әйтпесе, көретін телеканал қалмай барады. PS.Және бір айта кететін мәселе: - төмендегідей қате сөздерді айтпаңдаршы, түзетіңдерші?! ; -"Ашты" (дұрысы - ашщы), "Айланып келейік" (дұрысы - айналып келейік), "Алдыға тептті" (дұрысы - алға тепті) "Чащы өсіп кеткен" (дұрысы - шашы өсіп кеткен) .

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 9984
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 18071