سەنبى, 18 قاراشا 2017
402 0 پىكىر 13 قاراشا, 2017 ساعات 08:42

وزبەك ميگرانتتارى فسب-نىڭ رۇقساتىنسىز رەسەيدەن كەتە الماي وتىر

رەسەيدىڭ سامارا وبلىسىندا شەتەلدىك ازاماتتاردى ۋاقىتشا ۇستاۋ ورتالىعىنداعى وزبەك ميگرانتتارى فەدەرالدى قاۋىپسىزدىك قىزمەتىنىڭ (فسب) رۇقساتىنسىز وتانىنا كەتە الماي وتىر. ولاردىڭ ايتۋىنشا، ادەتتە ارنايى قىزمەتتىڭ تەكسەرۋىنەن وتكەندەر ۇيىنە ءوز اقشاسىمەن قايتادى.

22 جاستاعى دۋربەكتىڭ بۇل ورتالىقتا قامالىپ وتىرعانىنا ەكى ايدان اسقان.

"10 قازاندا مەنى وزگە ۇستالعاندارمەن فسب قىزمەتكەرلەرى وسى جەرگە اكەلدى. سوسىن ءبىزدى ميگراتسيا زاڭىن بۇزدى دەپ سوتتادى. بىزگە قانداي دا ءبىر قۇجاتقا قول قويۋىمىزدى سۇرادى. وسىدان كەيىن ون كۇن ىشىندە رەسەيدەن كەتۋىمىز كەرەك بولعان. ءبىز بيلەتتى دە ساتىپ الىپ، دايىن وتىرعانبىز. بىراق بىزگە كەتۋگە رۇقسات جوق دەدى", – دەيدى دۋربەك.

دۋربەكتىڭ ايتۋىنشا، تاياۋدا عانا شەتەلدىكتەردى ۋاقىتشا ۇستاۋ ورتالىعىنان 35 وزبەكستان ازاماتىن رەسەي-قازاق شەكاراسىنا جىبەرگەن. الايدا ولاردى دا ەلىنە قايتۋعا رۇقسات بەرمەگەن.

رەسەيدىڭ ادام قۇقىقتارى جونىندەگى ۋاكىلى تاتيانا موسكالكوۆا ۇكىمەتتەن ميگرانتتارعا ەلدەرىنە قايتۋ ءۇشىن قارجىلاي كومەك كورسەتۋىن سۇراعان. ومبۋدسمەننىڭ سوزدەرىنشە، مەملەكەتتىك بيۋدجەتتەن بولىنەتىن قارجىنىڭ جەتىسپەيتىندىگىنەن، شەتەلدىكتەردى وتانىنا دەپوراتسيالاۋ پروتسەسى ۇزاققا سوزىلىپ جاتىر.

Abai.kz

0 پىكىر

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 9984
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 18071