سارسەنبى, 17 قاڭتار 2018
654 9 پىكىر 13 قاراشا, 2017 ساعات 08:44

ترامپ سايلاۋعا ارالاسۋ تۋرالى ىستە ارنايى قىزمەتتەرگە سەنەتىنىن ايتتى

اقش پرەزيدەنتى دونالد ترامپ 2016 جىلعى اقش پرەزيدەنتى سايلاۋىنا رەسەيدىڭ ىقتيمال ارالاسۋى تۋرالى ءىستى تەرگەۋدە امەريكالىق ارنايى قىزمەتتەرگە سەنەتىنىن مالىمدەدى. بۇل تۋرالى ول 12 قاراشادا ۆەتنام استاناسى حانويدا جۋرناليستەرگە بەرگەن ءباسپاسوز ءماسليحاتىندا حابارلاعان.

ترامپ مۇنى رەسەي پرەزيدەنتى ۆلاديمير پۋتينگە سەنەتىنى تۋرالى سوزىنە قاتىستى كوممەنتاري سۇراعان جۋرناليستەرگە جاۋابىندا ايتقان. سەنبى كۇنى ترامپ رەسەي پرەزيدەنتى ۆلاديمير ءپۋتيننىڭ اقش-تاعى سايلاۋعا كرەملدىڭ ارالاسپاعانى جايلى ايتقانىنا سەنەتىنى تۋرالى مالىمدەگەن.

بۇعان دەيىن اق ءۇي باسشىسى Twitter الەۋمەتتىك جەلىسىندەگى پاراقشاسىندا وڭتۇستىك-شىعىس ازيا ەلدەرى سامميتىندە رەسەي پرەزيدەنتىمەن كەزدەسكەنى تۋرالى كوممەنتاري جاريالاعان.

ترامپ پۋتين ەكەۋى سيريا ماسەلەسىن "جاقسى تالقىلاعانى" تۋرالى جازعان. سونىمەن بىرگە ترامپ سولتۇستىك كورەياعا قاتىستى داعدارىستى شەشۋگە ءپۋتيننىڭ كومەگى مەن قىتايدىڭ جاردەمىنە ءۇمىت ارتاتىنى تۋرالى دا جازعان.

بۇدان وزگە ترامپ رەسەي سيريا مەن ۋكراينا ماسەلەلەرىن رەتتەۋگە رەسەي ەلەۋلى كومەك جاسايدى دەپ ۇمىتتەنەتىنىن جازعان.

اقش پەن رەسەي پرەزيدەنتتەرى سەنبى كۇنى ۆەتنامنىڭ دانانگ قالاسىندا وتكەن وڭتۇستىك-شىعىس ازيا ەلدەرى ءسامميتى بارىسىندا كەزدەسكەن. ولار سيرياداعى جانجالدى بەيبىت رەتتەۋ بويىنشا بىرلەسكەن مالىمدەمەنى قۋاتتاپ، "يسلام مەملەكەتى" ەكسترەميستىك توبىن ءبىرجولاتا جەڭگەنشە وعان قارسى كۇرەستى جالعاستىرۋ تۋرالى ۋاعدالاسقان.

ۆەتنامداعى سامميت كەزىندە اقش پەن رەسەي پرەزيدەنتتەرى رەسمي ەكىجاقتى كەلىسسوز وتكىزگەن جوق. وعان پرەزيدەنتتەردىڭ "جۇمىس كەستەسىنىڭ سايكەس كەلمەۋى" سەبەپ بولعانى حابارلاندى.

Abai.kz

9 پىكىر