بەيسەنبى, 28 ناۋرىز 2024
4212 55 پىكىر 13 قاراشا, 2017 ساعات 08:46

قازاقستان قىرعىزستاننىڭ كەيبىر تاعام ونىمدەرىن كىرگىزۋگە تىيىم سالدى

قازاقستان "تەحنيكالىق رەگلامەنت تالابىنا سايكەس كەلمەيتىندىكتەن" قىرعىزستاننىڭ بىرنەشە كومپانياسىنىڭ تاماق ونىمدەرىن اكەلۋگە جانە ساتۋعا تىيىم سالدى. بۇل تۋرالى 10 قاراشادا قازاقستان دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ كوميتەتىنىڭ باسشىسى، ەلدىڭ باس سانيتار دارىگەرى جانداربەك بەكشين مالىمدەدى.

ونىڭ ايتۋىنشا، ءسۇت ونىمدەرىن شىعاراتىن "اق ءسۇت" كومپانياسىنىڭ، "كۋليكوۆسكي" كونديتەرلىك كاسىپورنىنىڭ جانە ىرىمشىك وندىرەتىن "ەميلە" كومپانياسىنىڭ كەي ونىمدەرىنە تىيىم سالىنعان. وسىعان دەيىن قازاقستان قىرعىزستاندىق "تم ريحا", "ۆيمم-بيل-دامم" كومپانيالارىنىڭ ونىمدەرىن يمپورتتاۋدى توقتاتقان.

"بىلتىر قىرعىز ونىمدەرىنىڭ ءتورت پايىزى تەحنيكالىق رەگلامەنتكە سايكەس كەلمەسە، بيىل بۇل كورسەتكىش ون پايىزدى قۇرادى. ياعني، ونىمدەردىڭ ساپاسى مەن قاۋىپسىزدىگى ەكى جارىم ەسەگە تومەندەدى", – دەپ اتاپ وتكەن بەكشين.

قازاقستاننىڭ باس سانيتار دارىگەرى سونىمەن بىرگە قىرعىزستاندىق ءونىم وندىرۋشىلەر تاۋاردى قازاقستانعا كونتراباندالىق جولمەن ەنگىزۋدى دە توقتاتپاي وتىر دەدى.

قازاقستان اۋىل شارۋاشىلىعى مينيسترلىگىنىڭ مالىمەتى بويىنشا، قازاقستان تارابى قازاننىڭ 21-ءى مەن 28-ءى ارالىعىندا "زاڭ تالاپتارىن بۇزعانى انىقتالعان" 100 توننادان اسا ءونىمدى ەل اۋماعىنا وتكىزبەي قويعان.

جەنەۆادا 10 قاراشادا دۇنيەجۇزىلىك ساۋدا ۇيىمى (دسۇ) كەڭەسىنىڭ وتىرىسىندا قىرعىزستاننىڭ قازاقستانمەن شەكاراداعى جاعدايعا بايلانىستى شاعىمى قارالدى.

Abai.kz

55 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3531