جۇما, 24 قاراشا 2017
دەپ جاتىر 3177 20 پىكىر 14 قاراشا, 2017 ساعات 09:04

الماتىداعى اباي، سەيفۋللين، ماقاتاەۆ، اۋەزوۆ كوشەلەرىنىڭ اتاۋى وزگەرۋى مۇمكىن

الماتى اكىمدىگى قالاداعى 100-دەن استام كوشەنىڭ اتاۋىن وزگەرتۋدى ۇسىندى. الماتى اكىمدىگى ونوماستيكالىق كوميسسياسىنىڭ شەشىمى بويىنشا، تۇركسىب اۋدانىنداعى پاركوۆايا كوشەسى نۇر الەم، المالى اۋدانىنداعى 6-لينيا كوشەسى نۇرلى جول، الاتاۋ اۋدانىنىڭ "اقبۇلاق" ىقشام اۋدانىنداعى ازتم كوشەسى حان شاتىر كوشەسى دەپ وزگەرتۋ ۇسىنىلعان.

قالاداعى كەيبىر كوشەلەرگە سوۆەت وداعىنىڭ باتىرلارى ساعادات نۇرماعامبەتوۆتىڭ، تالعات بيگەلدينوۆتىڭ، سۋرەتشىلەر سەرگەي كالمىكوۆتىڭ، جازۋشىلار گەرولد بەلگەردىڭ، شىڭعىس ايتماتوۆتىڭ، ءانشى ەرمەك سەركەباەۆتىڭ جانە كەنەسارى حاننىڭ ەسىمدەرى بەرىلمەك. بۇعان قوسا قايتالاناتىن اباي، سەيفۋللين، ماقاتاەۆ، اۋەزوۆ كوشەلەرىنىڭ اتاۋىن دا وزگەرتۋ ۇسىنىلىپ وتىر.

الماتىدا سونىمەن قاتار نۇرسايا، التىن ادام، اۋليەاتا، ەر توستىك، ارىستانباب، اقمونشاق دەپ اتالاتىن كوشە اتاۋلارى دا پايدا بولماق.

كوشە اتاۋلارىن وزگەرتۋدى الماتى تۇرعىندارى 24 قاراشاعا دەيىن تالقىلاي الادى.

Abai.kz

20 پىكىر

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 10434
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 18676