جۇما, 29 ناۋرىز 2024
جاڭالىقتار 4552 0 پىكىر 30 قاراشا, 2017 ساعات 02:07

ەلوردادا اقىن عالي ورمانوۆتى ەسكە الۋ كەشى ءوتتى

"جاستار" تەاترىندا اقىن، پۋبليتسيست، اعارتۋشى عالي ورمانوۆتىڭ 110 جىلدىعىنا ارنالعان "عالي عيبراتى" ادەبي-مۋزىكالىق ەسكە الۋ كەشى بولىپ ءوتتى، دەپ حابارلايدى ەلوردا اكىمدىگىنىڭ مەديا ورتالىعى.

ءىس-شارانى  "رۋحاني جاڭعىرۋ" باعدارلاماسى اياسىندا استانا قالالىق ءبىلىم باسقارماسى مەن № 7 عالي ورمانوۆ اتىنداعى مەكتەپ ۇيىمداستىردى.

"بۇگىن ءبىز ءۇشىن ەرەكشە كۇن، اقىننىڭ بارلىق شىعارماسى مەن جۇمىستارىن  جىلدار بويى وسى مەكتەپكە جيناپ توپتاستىردىق. ءبىز 120 ادام شاقىردىق، ولاردىڭ اراسىندا ءماجىلىس دەپۋتاتتارى، قوعام قايراتكەرلەرى جانە مۇعالىمدەر مەن وقۋشىلار، جۋرناليستەر بار", - دەيدى № 7 مەكتەپ-گيمنازيانىڭ ديرەكتورى جانات ايتوۆا.

تەاتر حولىندا ءپۋبليتسيستىڭ بارلىق ەڭبەكتەرى قويىلدى. كورمەنى عالي ورمانوۆتىڭ قىزى جاميعا ورمانوۆانىڭ ءوزى اشتى. باستى ماقساتى - كوپشىلىكتى اقىننىڭ شىعارماشىلىعى مەن ءومىرىن تانىستىرۋ، قازاق پوەزياسىن دامىتۋعا قوسقان ەرەكشە ۇلەسىن ناسيحاتتاۋ.

"ەڭ باستىسى اكە اتىنا كىر كەلتىرمەي، ابىرويمەن ءومىر ءسۇرۋ كەرەك. ول وتە ادال ادام ەدى. ءوز ار-ۇياتىنان اتتاپ باسىپ، ءوزى تۋرالى جار سالۋعا قۇلشىنبايتىن قاراپايىم ەدى", - دەپ ەسكە الادى اعارتۋشىنىڭ قىزى جاميعا ورمانوۆا.

كەش كونتسەرتكە ۇلاسىپ، كەلگەن قوناقتارعا مەرەكەلىك باعدارلاما ۇسىنىلدى. ساحنادا بەيبىت قورعان، استانا قالالىق اكىمدىگىنىڭ "سارىارقا" حالىق اسپاپتار ءانسامبلى، "ناز" بي ءانسامبلى جانە باسقا دا تانىمال ورىنداۋشىلار ونەر كورسەتتى.

ءپۋبليتسيستىڭ ەڭ العاشقى كىتابى 1934 جىلى جارىق كوردى. سودان بەرى جازۋشىنىڭ  جيىرماعا جۋىق ولەڭ جيناعى، وچەرك، اڭگىمەلەرى باسىلدى. ونىڭ اراسىندا "شەڭبەر", ء"شاۋىلدىر", "بۋكسير", "ولجابەك", "قۇربىلار قۇپياسى", "انا", ء"ومىر داستانى", "وي كوزىمەن", "جۇرەك - تاۋ", "وتتى وزەن" جانە باسقالارى. 1950 جانە 1961 جىلدارى عالي ورمانوۆتىڭ تاڭداۋلى شىعارمالارى جەكە كىتاپ بولىپ باسىلىپ شىقتى.

ەرعالي بەرىكۇلى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564