جۇما, 29 ناۋرىز 2024
قورعان 3647 0 پىكىر 18 جەلتوقسان, 2017 ساعات 12:18

قىتايدا ءولىم جازاسىنا كەسىلگەن قازاقستان ازاماتى ەلگە ورالدى

قازاقستان سىرتقى ىستەر مينيسترلىگىنىڭ ءباسپاسوز حاتشىسى ءانۋار جايناقوۆتىڭ Facebook-تە جازۋىنا قاراعاندا، قىتايدا ەسىرتكى زاتتارى كونترابانداسىمەن اينالىستى دەپ ايىپتالىپ، ءولىم جازاسىنا كەسىلگەن قازاقستان ازاماتى ەلگە قايتارىلعان.

اقمولا وبلىسىنىڭ 1989 جىلى تۋعان تۇرعىنى قىتايدىڭ ءۇرىمجى قالاسىنان ەتاپپەن جەتكىزىلگەن.

قازاقستان باس پروكۋراتۋراسى قىتايدا سوتتالعان قازاقستاندىق جازاسىن ءوز ەلىندە وتەيتىنىن حابارلادى.

جايناقوۆتىڭ اقپاراتىنا قاراعاندا، قازاقستاندىق ازامات 2009 جىلى قىتايدىڭ گۋانچجوۋ قالاسىندا ەسىرتكى تاسىمالدادى دەگەن كۇدىكپەن ۇستالىپ، ءولىم جازاسىنا كەسىلگەن. بىراق ءولىم جازاسىن ورىنداۋ ەكى جىلعا شەگەرىلىپ، 2011 جىلى ول جازا ءومىر بويىنا باس بوستندىعىنان ايىرۋ جازاسىمەن الماستىرىلعان.

سوتتالۋشىنى ەلىنە قايتارۋ پروتسەسىمەن قىتايداعى قازاقستان ەلشىلىگى، باس پروكۋراتۋرا مەن قىتايدىڭ ادىلەت مينيسترلىگى اينالىسقان.

ءسىم مالىمەتى بويىنشا، بيىل قازاقستانعا قىتايدا سوتتالعان بۇدان وزگە ءتورت قازاقستاندىق، ال 2015 جىلدىڭ تامىزىنان بەرى بارلىعى 15 سوتتالعان ازامات قايتارىلعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544