سەيسەنبى, 20 اقپان 2018
46 - ءسوز 1549 19 پىكىر 9 قاڭتار, 2018 ساعات 09:04

ورىسقۇل، ارابقۇل، تۇرىكقۇل...

قازاق ساناسى وزگەرمەي اركىمگە قۇل بولىپ جۇرە بەرەدى. ورىستان قاشىپ ارابقا قۇل بولادى، ودان قاشىپ تۇرىككە، كەرەك بولسا، قىتايعا دا... وعىز دوعاننىڭ جازعانى وسىعان ءبىر دالەل.

مەنەن ەكى سىنىپ تومەن وقىعان اۋىلداس ءىنىم وتە ءبىلىمدى، بەلسەندى بولىپ ءوستى. ءارتۇرلى اۋداندىق، وبلىستىق جارىستارعا بىرگە قاتىساتىن ەدىك. سوزگە شەشەن، ويى دا جۇيرىك-تۇعىن. كەيىن كتل-گە ءتۇستى دە، سول بەلسەندىلىگىن باسقا باعىتتا قولدانا باستادى. بىرنەشە جىلدان كەيىن ول ىنىممەن اۋىلدا كەزدەيسوق كەزدەسىپ قالدىم. قازاقتاردان تۇرىكتەردى جوعارى قويادى، ءوز ۇلتىن مەنسىنبەيدى، ۇستازىمنىڭ ەڭبەگىن قازاق تىلىنە اۋدارۋىم كەرەك، ونى كىتاپ ەتىپ شىعارۋىم قاجەت دەپ، سونى وزىنە ۇلى ماقسات كورىپ ءجۇر. بىزدە جالپى وسىندايلارعا قارسى قازاقشىل ەتىپ شىعاراتىن ۇلتتىق مەكتەپ بار ما ءوزى؟

وعىز دوعان:

ورىسقۇلدار مەن ارابقۇلدارعا قوسىپ تۇركياقۇلداردى دا جەك كورەمىن دەگەنىم ءۇشىن، كەيبىر دوستارىم ماعان رەنجىپ قالىپتى...

سىزدەر، تۇركيانى جاقسى كورسەڭىزدەر، مەن قۋانامىن. "تۇركياقۇلدار" دەگەنىم، بۇل تۋعان جەرىم تۇركيامدى جاقسى كورەتىندەر ەمەس البەتتە... مىسالىعا، مەن قازاق حالقىن وتە جاقسى كورەمىن دەپ "قازاققۇل" بولمايمىن عوي...

وندا، "تۇركياقۇل" دەگەنىمىز نە؟

ءبىر كۇنى ىستامبۇلدا ءبىر وتباسىنا قوناققا باردىق. كۇيەۋى تۇرىك، ايەلى قازاق...
بالالارى ءبىر اۋىز قازاقشا بىلمەيدى... جارايدى، دەدىم...

سول ايەل، قازاقشا ءبىلىم العانىنا قاراماستان، قازاقشا سويلەسەم ماعان تۇرىكشە جاۋاپ بەرەدى... جارايدى، دەدىم...

ءشاي ءىشىپ وتىرعاندا تۇرىك كۇيەۋى "ەكى-اق شەگى بار" دەپ كۇلىپ، مازاقتاپ، دومبىرانى كەمسىتە باستادى... قاتىنى بولسا، ول دا كۇلىپ كۇيەۋىنە قوسىلدى... ەندى، جارايدى دەي المادىم!..

مەن قارسىلىق بىلدىرگەندە جاڭاعى ەركەك ابدەن قۇتىرىپ، قازاق حالقىن جامانداي ءتۇستى... جاڭاعى قاتىن بولسا "دۇرىس، دۇرىس" دەپ ونى قولدادى...
مەن سول كۇنى ولارمەن كادىمگىدەي ۇرىسىسىپ، بوقتاسىپ داستارحاننان تۇرىپ شىعىپ كەتكەنمىن...

ەندى، وسى تۇرىك كۇيەۋى ساتقىن يت، قازاقسىماق قاتىن ساتقىن تۇركياقۇل ەمەي، نەمەنە؟!

ارمان اۋباكىر

Facebook-تەگى پاراقشاسىنان

19 پىكىر