بەيسەنبى, 24 مامىر 2018
880 12 پىكىر 10 قاڭتار, 2018 ساعات 10:19

نازارباەۆ: قازاقستان دامىعان 30 ەلدىڭ قاتارىنا كىرۋى ءتيىس

قازاقستان پرەزيدەنتى نۇرسۇلتان نازارباەۆتىڭ "ماڭىزدى مالىمدەمەسى" 10 قاڭتاردا باسپاسوزدە جاريالاناتىن ءداستۇرلى جولداۋىنىڭ انونسى بولىپ شىقتى. نازارباەۆتىڭ التى مينۋتتىق ءسوزىن 9 قاڭتاردا بىرنەشە مەملەكەتتىك تەلەارنا كورسەتتى.

قازاقستان باسشىسى 30 دامىعان ەلدىڭ قاتارىنا كىرىپ، ء"تورتىنشى ونەركاسىپ رەۆوليۋتسياسى داۋىرىندە" دامۋ ءۇشىن الدىدا تۇرعان "ون مىندەت" تۋرالى ايتتى. ولاردىڭ ىشىندە جاڭا تەحنولوگيالار سالاسىندا ەل يندۋسترياسىن ۇزدىكتەر قاتارىنا ءىلىندىرۋ، رەسۋرس پوتەنتسيالىنىڭ تيىمدىلىگىن ارتتىرۋ، قارجى سەكتورىن قايتا وڭدەۋ، جەمقورلىقپەن كۇرەس جانە ادام كاپيتالىنىڭ ساپاسىن كۇشەيتۋ بار.

بۇدان بولەك نازارباەۆ ەڭبەك وتىلىمىنە سايكەس بازالىق زەينەتاقى مولشەرىن 1,8 ەسە كوبەيتۋ، جاڭا باعدارلامالار بويىنشا قايتا وقىعان مۇعالىمدەر جالاقىسىن 30-50 پايىزعا ارتتىرۋ جونىندە ايتتى.

پرەزيدەنت "تەز ءوسىپ كەلە جاتقان قالالاردىڭ ماسەلەلەرى مەن ينۆەستورلاردىڭ قىزىعۋشىلىعىن ارتتىراتىن" "سمارت سيتي" تەحنولوگياسىن دامىتۋعا نيەتتى ەكەنىن ءبىلدىردى.

مەملەكەتتىك اقپارات قۇرالدارى جاريا بولماي تۇرىپ "ماڭىزدى مالىمدەمە" دەپ تانىستىرعان سوزىندە نازارباەۆ بيىلعى بۇۇ-نىڭ قاۋىپسىزدىك كەڭەسىنە توراعا بولۋ مەن ۇلتتىق قوردىڭ 22 ميلليارد دوللارىنىڭ بۇعاتتالعانى تۋرالى ايتپادى.

پرەزيدەنت بىلتىر دا ءداستۇرلى جولداۋى باسپاسوزدە جاريالانار الدىندا ورتالىق تەلەارنالاردان مالىمدەمە جاساعان.

Abai.kz

12 پىكىر