سەيسەنبى, 20 اقپان 2018
534 1 پىكىر 11 قاڭتار, 2018 ساعات 09:23

ۋنيۆەرسيتەت دوتسەنتى وزبەك دەپۋتاتتارىن ۇلتتىق كيىم كيۋگە مىندەتتەۋىن ۇسىندى

وزبەكستان ۇلتتىق ۋنيۆەرسيتەتىنىڭ دوتسەنتى، يننوۆاتسيالىق تەحنولوگيالار ورتالىعى ديرەكتورىنىڭ ورىنباسارى ميرياكۋب حايداروۆ پارلامەنت دەپۋتاتتارىنا ۇلتتىق كيىم نەگىزىندە درەسس-كود ۇسىنۋدى ەنگىزدى.

دوتسەنتتىڭ پىكىرىنشە، پارلامەنت دەپۋتاتتارى ەۋروپالىق كيىم كيمەۋلەرى كەرەك. ول حالىق قالاۋلىلارى جۇمىسقا ۇلتتىق كيىممەن بارۋى كەرەك دەپ ەسەپتەيدى. مىسالى، جازدا جىبەك شاپانمەن، ال قىستا ماقتادان توقىلعان نەمەسە بارقىت شەكپەن كيۋلەرى كەرەك.

"زاڭ شىعارۋشى پالاتا ۇلتتىق كيىم ۇلگىسىن بەكىتسە، جوعارعى پالاتا كيىم ۇلگىلەرى وبلىستىق دەپۋتاتتار كەڭەسىندە بەكىتە الادى. جەرگىلىكتى ورگاندار ءوز ايماقتارىنىڭ كيىمىن كيگەنى ءجون. سول سەبەپتى فەرعانالىقتار سۇرقانداريالىقتاردان وزگەشە كيىنەدى", - دەپ جازدى حايداروۆ 8 قاڭتاردا Podrobno.uz سايتىندا جاريالانعان ماقالادا.

ونىڭ پىكىرىنشە، وزبەكتەر ۇلتتىق قۇندىلىقتارى مەن ءداستۇرىن ءاردايىم ساقتاۋى كەرەك. ءبىرىنشى بولىپ مۇنداي ءداستۇردى دەپۋتاتتار باستاعانى دۇرىس، دەپ ەسەپتەيدى ول.

Abai.kz

1 پىكىر