بەيسەنبى, 24 مامىر 2018
635 0 پىكىر 11 قاڭتار, 2018 ساعات 09:28

ەمومالي راحمون: تاجىكستان ەشقاشان كورشىلەرىنە قيانات جاساعان ەمەس

تاجىكستان ەشقاشان كورشىلەرىنە قيانات جاساعان ەمەس جانە ايماق ەلدەرىنىڭ ينتەگراتسياسىنا، ەكولوگيا مەن سۋ رەسۋرستارى وبلىسىنداعى بەيبىتشىلىككە ۇمتىلادى. تاجىكستان پرەزيدەنتى تاجىكستان ەمومالي راحمون دۋشانبەدە وزبەك پرەمەر-ءمينيسترى ابدۋللا اريپوۆپەن كەزدەسۋدە وسىلاي دەپ مالىمدەدى.

رەسمي اقپاراتقا قاراعاندا، تاجىك پرەزيدەنتى مەن وزبەك پرەمەرى ەكى ەل اراسىنداعى ساۋدا شەكتەۋلەرىن الىپ تاستاۋ، ازاماتتاردىڭ ەلگە كىرىپ-شىعۋىن جەڭىلدەتۋ، تاريفتەردى ازايتۋ جانە باسقا دا ماسەلەلەردى تالقىلادى.

تاجىكستان پرەزيدەنتىنىڭ ءباسپاسوز حاتشىسى ابدۋفاتتوح شاريفزودانىڭ حابارلاۋىنشا، دۋشانبەدە تاجىكستان مەن وزبەكستان اراسىندا ساۋدا-ەكونوميكالىق ارىپتەستىك جونىندەگى ۇكىمەتارالىق كوميسسيانىڭ بەسىنشى وتىرىسى ءوتتى.

حابارلارعا قاراعاندا، وزبەك پرەزيدەنتى شاۆكات ميرزياەۆ كوكتەمنىڭ باسىندا تاجىكستانعا رەسمي ساپارمەن بارادى. بۇعان دەيىن ميرزياەۆ وزبەكستان مەن تاجىكستان اراسىنداعى دوستىق قاتىناستى جاڭعىرتاتىنىن مالىمدەگەن.

Abai.kz

0 پىكىر