بەيسەنبى, 24 مامىر 2018
862 3 پىكىر 11 قاڭتار, 2018 ساعات 09:30

تۇركىمەنستاندا 300 ملن دوللارعا قوناق ءۇي تۇرعىزىلادى

تۇركىمەنستان پرەزيدەنتى گۋربانگۇلى بەردىمۇحامەدوۆ اشحابادە جاڭا قىمبات قوناق ۇيلەر تۇرعىزۋعا بۇيرىق بەردى. مەملەكەتتىك تدح اقپارات اگەنتتىگىنىڭ حابارلاۋىنشا، مۇنداي شەشىمىن ول 9 قاڭتاردا تىكۇشاقپەن قالا ارالاۋ كەزىندە ايتتى.

رەسمي اقپارات بويىنشا، ىسكەر ورتالىعى بار جاڭا قوناق ءۇي حالىقارالىق اۋەجايعا جاقىن ماڭدا تۇرعىزىلادى. نىسان 6,9 گەكتارعا ورنالاسادى، 9 قاباتتان تۇرادى، وندا 90 ءنومىر، سونىمەن بىرگە ساۋدا ورتالىقتارى بولادى. مەملەكەت باسشىسى ونى "قاراقۇم" دەپ اتادى.

ەكىنشى قوناق ءۇي كوپەتداگ بوكتەرىندە بوي كوتەرەدى. بيلىك عيماراتتار قۇنىن اتامادى. ولاردىڭ كىمدەردىڭ تۇرعىزاتىنى دا بەيمالىم. تۇركىمەنستان استاناسىندا جاڭا قوناق ۇيلەر قۇرىلىسىنا تەندەر جاريالانعانبادى.

"قوناق ۇيلەر قۇرىلىسى تەندەرسىز جۇرەدى. ونى فرانتسۋزدىڭ "بۋيگ" كومپانياسىنا تاپسىرعان، قۇنى - 300 ملن دوللار", - دەپ حابارلادى ازاتلىك دەرەككوزى.

دەرەككوز بۇل قوناق ۇيلەردىڭ ءۇش جىلدان سوڭ اشحابادتا وتەتىن حالىقارالىق كونفەرەنتسيا قارساڭىندا سالىنىپ ءبىتۋى ءتيىس ەكەنىن ايتتى. قۇرىلىس ماتەريلدارىن اكەلگەن. قۇرىلىس شىعىندارى 500 ملن دوللاردان اسىپ كەتۋى مۇمكىن.

"بۋيگ" (Bouygues) تۇركىمەنستاندا 1993 جىلدان بەرى ىستەيدى. كومپانيا اشحابادتا پرەزيدەنتتىك سارايدى، پارلامەنتتىك عيماراتتى، «يىلدىز» قوناق ءۇيىن، جينالىس سارايىن جانە باسقا دا عيماراتتاردى تۇرعىزعان.

Abai.kz

3 پىكىر