جۇما, 29 ناۋرىز 2024
ءسۇيىنشى! 3570 4 پىكىر 12 قاڭتار, 2018 ساعات 07:45

ەلوردادا قايىم مۇحامەدحانوۆتىڭ اتىنا كوشە بەرىلدى

 

بۇگىن استانا قالاسىنداعى قايىم مۇحامەدحانوۆ، 37ا كوشەسى بويىندا ساعات 11:00-دە قازاق تەحنولوگيا جانە بيزنەس ۋنيۆەرسيتەتى مەن «بايان باتىر» قوعامدىق قورى  «قايىم مۇحامەدحانوۆ - عالىم، ازامات، پاتريوت» تاقىرىبىندا رەسپۋبليكالىق عىلىمي سەمينار وتكىزەدى.

سەمينار جۇمىسىنا قازاقستاندىق اتاقتى عالىمدار، پەداگوگتار، ستۋدەنتتەر، قوعامدىق جانە مەملەكەتتىك قىزمەتكەرلەر، قايىم مۇحامەدحانوۆتىڭ شاكىرتتەرى – تۇرسىن جۇرتباي، عاريفوللا ەسىم، ەربول ىرگەباي، اقىن نەسىپبەك ايتوۆ جانە تاعى باسقالار قاتىسادى. سەميناردا قايىم مۇحامەدحانوۆتىڭ ءومىرى، وتان الدىنداعى قىزمەتى مەن ەڭبەگى تالقىعا سالىنادى.

سەمينار شەڭبەرىندە قازاق تەحنولوگيا جانە بيزنەس ۋنيۆەرسيتەتى عيماراتى الدىندا استانا قالاسىندا قايىم مۇحامەدحانوۆ اتىنداعى كوشەنىڭ اشىلۋىنا وراي سالتاناتتى شەرۋ وتەدى.

ق.مۇحامەدحانوۆ – قازاق كسر مەملەكەتتىك ءانۇرانىنىڭ ءسوز جازعان اقىن،  قازاقستان رەسپۋبليكاسى مەملەكەتتىك سىيلىعىنىڭ لاۋرەاتى، قازاقستان تاۋەلسىزدىگىنىڭ رۋحاني نەگىزىن قۇرايتىن عىلىمي-مادەني قۇندىلىقتاردى اشۋعا جانە ساقتاۋعا ۇلكەن سەپتىگىن تيگىزگەنى ءۇشىن كوپتەگەن لاۋىزىمدار مەن ماراپاتتارعا يە بولعان تۇلعا. ول - اباي مەملەكەتتىك مۋزەيىنىڭ نەگىزىن قالادى (1940 ج.), ابايتانۋ، شاكارىمتانۋ، اۋەزوۆتانۋ، الاشتانۋ عىلىمىن باستاپ بەرگەن  اقىن، جازۋشى، دراماتۋرگ، اۋدارماشى. اباي جانە شاكارىم سوزدەرىنىڭ تۇپنۇسقاسىن ساقتاعان مايتالمان پەداگوگ، تىيىم سالىنعان كەزەڭگە قاراماستان جۇزدەگەن جازبالاردى ساقتاپ قالعان تۇلعا.

ق.مۇحامەدحانوۆ – قازاق كسر حالىقتىق اعارتۋ ءىسىنىڭ ۇزدىگى، كسرو اعارتۋ سالاسىنىڭ ۇزدىگى، سەمەي،  اياگوز قالالارىنىڭ جانە شىعىس قازاقستان وبلىسى جاڭاسەمەي، اباي اۋداندارىنىڭ قۇرمەتتى ازاماتى. كوپتەگەن لاۋىزىمدار مەن ماراپاتتاردىڭ يەگەرى: اباي حالىقارالىق اكادەمياسىنىڭ التىن مەدال لاۋرەاتى (لوندون، 1995 ج.), قازاقستان جازۋشىلار وداعىنىڭ اباي حالىققارالىق سىيلىعىنىڭ ءبىرىنشى لاۋرەاتى (1996 ج.), قازاقستان جازۋشىلار وداعىنىڭ «الاش» حالىقارالىق ادەبيەت سىيلىعىنىڭ العاشقى لاۋرەاتى، قازاقستان جازۋشىلار وداعى سىيلىعىنىڭ لاۋرەاتى.

1951 جىلى اباي مەكتەبىن ساقتاپ قالۋ ارەكەتتەرى ءۇشىن رەپرەسسيا مەن ازاپتى باستان كەشىرىپ، ءوز يەديالارىنان باس تارپاعانى ءۇشىن عالىم قازاقستاننىڭ تاۋەلسىزدىگىن جاريالاعاننان كەيىن 1996 جىلى قازاقستان رەسپۋبليكاسىنىڭ مەملەكەتتىك سىيلىعىنا لايىق تابىلدى.

ونىڭ ءومىرى مەن تاعدىرى – تۋعان ەلگە قىزمەت ەتۋ مەن ادام بويىنداعى رۋحتىڭ اسقاقتىعىنا، ار-نامىستىڭ تازالىعىنا مىسالى بولىپ تابىلادى.

Abai.kz

 

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576