بەيسەنبى, 18 قاڭتار 2018
366 0 پىكىر 12 قاڭتار, 2018 ساعات 12:24

قاراعاندى وبلىسىندا 45 جولاۋشىسى بار اۆتوبۋس اۋدارىلىپ قالدى

قاراعاندى وبلىسىنداعى كۇرە جولدا 45 جولاۋشىسى بار اۆتوبۋس اۋدارىلىپ قالدى. اۆتوبۋس ەگىندىبۇلاق - قاراعاندى باعىتىمەن كەلە جاتقان.

جول اپاتىنان ءۇش ادام زارداپ شەكتى، ولار بوتاقارا قىستاعىنداعى اۋرۋحاناعا جەتكىزىلدى. قالعان جولاۋشىلار شەشەنقارا اۋىلىنا ورنالاستى.

توتەنشە جاعدايلار جونىندەگى كوميتەتتىڭ رەسمي وكىلى رۋسلان يمانقۇلوۆتىڭ حابارلاۋىنشا، جول اپاتى قاراعاندى-اياگوز-بۇعاز كۇرە جولىندا بولعان، Setra ماركالى اۆتوبۋس اۋدارىلىپ قالعان.

جول اپاتىنا نە سەبەپ بولعانى بەلگىسىز، بىراق 11 قاڭتاردا رەسپۋبليكانىڭ التى ايماعىندا، سونىڭ ىشىندە قاراعاندى وبلىسىندا اۋا رايىنىڭ بۇزىلۋىنا بايلانىستى قوزعالىس شەكتەلگەن ەدى.

Abai.kz

0 پىكىر