جۇما, 29 ناۋرىز 2024
دەپ جاتىر 11671 83 پىكىر 18 قاڭتار, 2018 ساعات 10:35

جۇبايىمىزدى "جولداسىم" دەپ اتاۋ دۇرىس پا؟

سوڭعى جىلدارى ءسوز قادىرىن بىلەتىن ازاماتتاردىڭ كوڭىلىنە قاياۋ تۇسىرەتىن، ءبىر قاراعاندا ءوزى ەلەۋسىزدەۋ كورىنگەنمەن، ءبىزدىڭ قازاقي بولمىسىمىزعا جات ءبىر ادەت قالىپتاستى. ول – جانىنداعى اياۋلى جان-جارىن، جۇبايىن، زايىبىن، قۇداي قوسقان قادىرمەندى قوساعىن «جولداسىم» دەپ تانىستىرۋ نەمەسە ايتۋ.

بۇنى ءبىزدىڭ حالىقتىڭ كوپ ەلىكتەيتىن، ىرگەمىزدەگى كورشى ەلدىڭ «توۆاريشش» ءسوزىنىڭ تىكەلەي اۋدارماسى دەسەك تە بولادى. ول كەزدە بۇكىل 15 رەسپۋبليكانىڭ حالقى تۇگەلىمەن ءبىرىن-ءبىرى جولداس دەپ اتادى، بىزدە دە سولاي قالىپتاستى. الايدا، ونى ورىستاردىڭ ءوزى دە قابىلدامادى. سول كەزدەن «ساعان تامبوۆ «قاسقىرى» جولداس» دەگەن كەكەسىن ءسوز تىركەسى قالدى. ال، قازاقتا «جولداس» ءسوزى ۋاقىتشا سەرىك دەگەن ماعىنا بەرەدى. مىسالى، جولعا بىرگە شىقتىڭ، بارار جەرىڭە جەتكەسىن جونىڭە كەتەسىڭ. جۇمىستاس ارىپتەستەر مەن بىرگە وقيتىندار دا ءبىر-بىرىنە جولداس. ولار بۇگىن بار، ەرتەڭ جوق. سەبەبى، جۇمىس ورىندى ءجيى اۋىستىرۋ تۇك ەمەس، وقۋ دا ساعىزداي سوزىلمايدى. بىتىرگەن سوڭ اركىم ءوز جونىمەن كەتەدى. ال، جۇبايىڭ (قۇداي قوسقان قوساعىڭ، جان-جارىڭ، بالالارىڭنىڭ اناسى، وتباسىڭنىڭ قامقورشىسى) - وزىڭمەن بىرگە ءومىر جولىنا جۇپتاسا اتتانىپ، ولە-ولگەنشە جانىڭدا بولۋعا سەرتتەسكەن ادام. سوندا ول ساعان قالايشا «جولداس» بولادى.

بۇل كەڭەس زامانىنان بەرى كەلە جاتقان ساناداعى سارقىنشاق. ول كەزدە، «جاڭا قوعام ورناتامىز» دەپ تەكتىلىكتى بىلدىرەتىن «مىرزا»، «حانىم» دەگەن سوزدەردى جويىپ، ءبارىن بىرىڭعاي سۇپ-سۇر توبىرعا «جولداسقا» اينالدىرعان.

قازاقستان اجىراسۋدان العاشقى وندىققا كىردىك دەپ باق جارىسا جازىپ جاتىر. تاعى ءبىر گازەت «مۇسىلمان ەلدەرى اراسىندا كوش باستاپ تۇرمىز» دەپ جازىپتى.

اتام قازاقتىڭ «جاقسى ءسوز، جارىم ىرىس» دەگەنى وسى بولسا كەرەك. اللانىڭ قالاۋى: نە ويلاپ، نە ايتساڭ سول بولادى. اللا  جاقسىلىقتى دا، جاماندىقتى دا ادامداردىڭ پيعىلىنا قاراي  بەرەمىن دەگەن. وزدەرىڭىز كورىپ وتىرعانداي، «قۇداي قوسقان قوساعىم» كەزىندە ەشكىم اجىراسقان جوق، «جولداس» بولدىق اجىرادىق.

مۇحامبەتكارىم قوجىربايۇلى، ماڭعىستاۋ

Abai.kz

83 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3602