جۇما, 23 اقپان 2018
جاڭالىقتار 2043 15 پىكىر 22 قاڭتار, 2018 ساعات 10:56

نۇرلان نوعاەۆ: دەپۋتاتتار سايلانعان وكرۋگتەرىندە تۇرۋى كەرەك

19  قاڭتاردا وبلىستىق ءماسليحاتتىڭ كەزەكتەن تىس سەسسياسىندا وبلىس اكىمى نۇرلان نوعاەۆ دەپۋتاتتاردىڭ ءجۇمىسىن سىنعا الدى. ايماق باسشىسىنىڭ پىكىرىنشە، حالىق قالاۋلىلارى قىزمەتتىك مىندەتتەرىن تولىق ورىندامايدى.
-سىزدەردى وبلىس حالقى سايلادى. سايلاۋشىلار اۋداندارىنىڭ ءال-اۋقاتىن جاقسارتۋ باعىتىندا بەلسەندى  جۇمىس جۇرگىزىپ، ۇسىنىس ايتۋلارىڭىزدى كۇتەدى. پرەزيدەنتتىڭ تاپسىرمالارىن،    حالىقتى تولعاندىرعان ماسەلەلەردىڭ شەشىمىن تابۋ  ءۇشىن جۇمىستانۋ كەرەك. وكىنىشكە قاراي، جىلىوي، ماقات اۋداندارى اكىمدەرىنىڭ جىلدىق ەسەپ بەرۋ جيىندارىندا بولعانىمدا وبلىستىق، اۋداندىق ءماسليحات دەپۋتاتتارىنىڭ جۇمىستارىن كورمەدىم. 
27  وبلىستىق دەپۋتاتتاردىڭ 15-ءى اۋدانداردان  سايلانعان،  سونىڭ بىرەۋى عانا اۋداندا تۇرادى، قالعاندارى قالادا. سايلاۋشىلارىن جىلىنا ءبىر-ەكى رەت قانا كورەدى. حالىقپەن سويلەسپەسەڭىزدەر، ورتاسىندا بولماساڭىزدار جاعدايدى قايدان بىلەسىزدەر؟ ەلدىڭ جاعدايىن بىلمەسەڭىزدەر شەشىم قابىلداپ،پروبلەمالاردى شەشۋ بويىنشا ناقتى شارالاردى قالاي ۇسىناسىزدار، - دەدى وبلىس اكىمى.
ايماق باسشىسى جەرگىلىكتى اتقارۋشى ورگاندار ازاماتتاردىڭ  ومىرلەرىن جاقسارتۋعا باعىتتالعان ساياساتتى جۇرگىزىپ وتىرعانىن،  وسى رەتتە دەپۋتاتتىق كورپۋس كومەك كورسەتۋى كەرەكتىگىن اتاپ ءوتتى.
-ءماسليحاتتاردىڭ قىزمەتىنە كۇن سايىن ارالاسا المايمىز،  تىس قالۋعا دا قۇقىمىز جوق. 27 دەپۋتاتتىڭ 25-ءى «نۇر وتان» پارتياسىنان  ۇسىنىلعان. مەنىڭ پارتيانىڭ وبلىستىق فيليالىنىڭ توراعاسى رەتىندە دەپۋتاتتاردىڭ جۇمىستارىنا،  مىندەتتەرىنە دەگەن قارىم-قاتىناستارىنا كوڭىلىم  تولمايدى. سايلاۋشىلار دا قاناعاتتانبايتىنىنا سەنىمدىمىن،-دەدى ن.نوعاەۆ.
-وبلىس اكىمى دەپۋتاتتاردى سول وكرۋگتەردە تۇراتىن ادامداردان تاڭداۋدى ۇسىندى. ەلدىمەكەننىڭ  مۇڭ-مۇقتاجىن  بىلەتىن، سايلاۋشىلارمەن كۇن سايىن سويلەسەتىن، بولىپ جاتقان وزگەرىستەرگە باعا بەرىپ،  ماسەلەلەردىڭ شەشىلۋىنە ناقتى يدەيا بەرە الاتىن ادام دەپۋتات بولۋى كەرەك. پارتيا الاڭىندا دەپۋتاتتاردىڭ جۇمىستارىن تىڭداۋدى ۇسىنامىن. الدا ءبىزدى ۇلكەن جۇمىستار كۇتىپ تۇر. مەملەكەت باسشىسىنىڭ تاپسىرمالارىن بىرگە ورىنداۋىمىز كەرەك. ءبۇل جۇمىستار نەمقۇرايلى  بولماۋى ءتيىس،-دەدى اكىم مىرزا ءوز سوزىندە.
وبلىستىق ءماسليحاتتىڭ كەزەكتەن تىس سەسسياسىندا دەپۋتاتتار ەرسايىن دۇيسەماليەۆ پەن ءبورىحان بەركىمباەۆ وكىلەتتىلىكتەرىنەن ءوز ەرىكتەرىمەن بوساتۋعا ءوتىنىش جاسادى. اتىراۋ وبلىستىق سايلاۋ كوميسسياسىنىڭ توراعاسى اساۋ يبراشەۆ دەپۋتاتتار باسقا وبلىستارعا كوشۋلەرىنە بايلانىستى وسىنداي شەشىمگە كەلگەندەرىن ايتتى.
Abai.kz
15 پىكىر