جۇما, 23 اقپان 2018
351 0 پىكىر 13 اقپان, 2018 ساعات 09:24

تۇركىمەنستاندا ۇن تاپشىلىعى ورنىن تۇرعىندار ازىعىن تاركىلەۋ ارقىلى تولتىرماق

تۇركىمەنستاننىڭ سولتۇستىك ايماعىنىڭ بيلىگى جەرگىلىكتى تۇرعىنداردىڭ ارتىق ۇندارىن تاركىلەۋ ارقىلى ۇن تاپشىلىعىن جويماقشى دەپ حابارلايدى ازاتتىقتىڭ تۇركىمەن قىزمەتىنە داشوگۋز وبلىسىنىڭ تۇرعىندارى.

"ايماقتا قالىپتاسقان جاعدايعا بايلانىستى جەرگىلىكتى بيلىك داۋلەتتى ۇيلەردى تەكسەرىپ، ونداعى ارتىق ۇنداردى تاركىلەۋدى قاراستىرىپ جاتىر", - دەيدى اتى-ءجونىن جاسىرعان رۋحۋبەلەنت اۋدانىنىڭ تۇرعىنى.

ونىڭ سوزدەرىنشە، قازىرگى كەزدە ارنايى باقىلاۋ كوميسسياسى تۇرعىنداردى ارتىق ازىق-تۇلىكتى تاركىلەۋ مۇمكىندىگىن قاراستىرىپ جاتقانىن ەسكەرتكەن.

بىلتىر جەلتوقسان ايىنىڭ باسىنان بەرى وبلىستا ساۋدا نۇكتەلەرىندە ۇن بىرتىندەپ جوعالىپ، ازىق-تۇلىك قىمباتتاي باستادى.

جوعارىداعى اقپاراتتى كونەۋرگەنچ پەن بولدۋمساز اۋدانى تۇرعىندارى دا راستادى.

"وتكەن اپتادا شەنەۋنىكتەر ەگەر ۇن ۇيلەردە ساتىلاتىن بولسا، ولارعا قارسى قىلمىستىق ءىس قوزعالىنادى دەپ ەسكەرتتى", - دەيدى ازاتتىققا سۇقبات بەرۋشى.

Abai.kz

0 پىكىر