جۇما, 29 ناۋرىز 2024
2740 0 پىكىر 13 اقپان, 2018 ساعات 09:30

ۋكراينادان شىعارىلعان ميحايل سااكاشۆيليدى ۆارشاۆاعا جەتكىزگەن

كيەۆتە ۇستالعان "جاڭا كۇشتەر رۋحى" قوزعالىسىنىڭ ليدەرى ميحايل سااكاشۆيليدى 12 اقپاندا پولشاعا دەپورتاتسيالاعان. ول ۆارشاۆاعا ۇشىپ كەلدى. چارتەرلى رەيس بوريسپول اۋەجايىنان جەرگىلىكتى ۋاقىت بويىنشا 16.00 شاماسىندا ۇشىپ شىققان.

ۋنيان اگەنتتىگى دەرەككوزىنە سىلتەمە جاساپ، ونى دەپورتاتسيالاماعانىن، تەك ەلگە قاي جاقتان زاڭسىز كىردى، سول جاققا قايتارعانىن جازادى.

راديو سۆوبودا تىلشىلەرىنىڭ حابارلاۋىنشا، ساياساتكەردى دۇيسەنبى كۇنى مەيرامحانادا وتىرعان كەزىندە، بەتپەردە كيگەن ءبىر توپ ادام ۇستاپ، بەلگىسىز باعىتقا الىپ كەتكەن.

ازىرگە سااكاشۆيليدى كىمدەردىڭ ۇستاعانى بەلگىسىز. ۋكراينا قاۋىپسىزدىك قىزمەتى بۇل ىسكە ەش قاتىسىمىز جوق دەپ مالىمدەدى. راديو سۆوبوداعا كيەۆتەگى دەرەككوز، ميحايل سااكاشۆيليدى ۋكراينا مەملەكەتتىك شەكارا قىزمەتىنىڭ قىزمەتكەرلەرى ۇستاعانىن حابارلاعان.

"ۋكراينسكايا پراۆدا" باسىلىمىنا سااكاشۆيليدىڭ ۇستاعانى جونىندە "جاڭا كۇشتەر رۋحى" ليدەرلەرىنىڭ ءبىرى يۋري دەرەۆيانكو حابارلاعان. ول سااكاشۆيليدى "Cۋلۋگۋني" مەيرامحاناسىندا "مەملەكەتتىك شەكارا قىزمەتى" دەگەن جازۋى بار كۇرتەشە كيگەن ادامداردىڭ الىپ كەتكەنىن ايتقان.

بىلتىر ۋكراينا پرەزيدەنتىنىڭ جارلىعىمەن سااكاشۆيليدى بۇل ەلدىڭ ازاماتتىعىنان ايىرعان. وعان نەگىز سەبەپ — گرۋزيانىڭ ەكس-پرەزيدەنتى ەلىندە وزىنە قارسى قىلمىستىق ءىس قوزعالعانىن حابارلاماعان. سااكاشۆيلي ميگراتسيالىق قىزمەتكە ساياسي بوسقىن مارتەبەسىن بەرۋدى سۇرادى. بىراق كيەۆ سوتى باس تارتتى.

2018 جىلدىڭ قاڭتار ايىندا تبيليسي سوتى سااكاشۆيليدى گرۋزيا پرەزيدەنتى بولىپ تۇرعىندا قىزمەتىن اسىرا پايدالاندى دەگەن ايىپپەن ءۇش جىلعا سوتتاعان.

5 اقپاندا ۋكراينا جوعارعى سوتى دا ساياساتكەرگە ساياسي بوسقىن مارتەبەسىن بەرۋدەن باس تارتتى. سول كەزدە سااكاشۆيلي كيەۆ مەنى پولشاعا دەپورتاتسيالاماق ويلارى بار دەپ مالىمدەگەن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621