جۇما, 29 ناۋرىز 2024
2811 0 پىكىر 14 اقپان, 2018 ساعات 08:52

قىرعىز دەپۋتاتتارى اشتىق جاريالاعان تۇتقىندارمەن كەزدەستى

قىرعىز پارلامەنتىنىڭ دەپۋتاتتارى يك-47 اباقتىسىندا اشتىق جاريالاعان تۇتقىندارمەن كەزدەستى دەپ حابارلادى دەپۋتات جانار اقاەۆ.

ونىڭ سوزدەرىنشە، اشتىق جاريالاۋشىلاردىڭ جاعدايى ناشارلاپ كەتكەن:

- بارىنەن دە بەكتۇر اسانوۆتىڭ ءحالى مۇشكىل. اباقتى دارىگەرلەرى ونىڭ قان قىسىمى بىردەن تومەندەپ كەتتى دەيدى. سول سەبەپتەن دارىگەرلەر ساياساتكەرگە اشتىق جاريالاۋدى توقتاتپاسا، سالدارى وتە اۋىر بولۋى مۇمكىن دەپ ەسكەرتكەن. ءبىز دە اكتسيانى توقتاتۋىن سۇرادىق. بىراق ولار مەملەكەتتىك ۇلتتىق قاۋىپسىزدىك كوميتەتى (مۇقك) باسشىسى ءابدىل سەگىزباەۆ قىزمەتىنەن الىنبايىنشا، اشتىق جاريالاۋدى توقتاتپايمىز دەپ وتىر.

جانار اقاەۆ ساياساتكەرلەردىڭ دەنساۋلىعى جايىندا پارلامەنت قابىرعاسىندا كوتەرەمىن دەيدى.

مۇقك باسشىسى ءابدىل سەگىزباەۆتىڭ وتستاۆكاسىن تالاپ ەتىپ، بەكتۇر اسانوۆ 30 قاڭتاردا، ەرنەست كارىبەكوۆ 31 قاڭتاردا، كۋبانىچبەك كادىروۆ 1 اقپاندا اشتىق جاريالاۋدى باستاعان. ولاردىڭ ءبارى 2016 جىلى «بيلىكتى كۇشپەن تارتىپ الماق بولدى» دەگەن ايىپپەن ۇستالعان.

بىشكەكتىڭ ءبىرىنشى ماي اۋداندىق سوتى ولاردى ايىپتى دەپ تانىپ، ەرنەست كارىبەكوۆتى 20 جىلعا، كۋبانىچبەك كادىروۆ پەن بەكتۇر اسانوۆتى 12 جىلعا باس بوستاندىقتارىنان ايىرۋ جازاسىن بەرگەن. داستان سارىعۇلوۆ بولسا 4 جىل شارتتى جازاعا كەسىلگەن. بۇل شەشىممەن كەلىسپەگەن ساياساتكەرلەر قايتا شاعىمدانعان. بىراق 2018 جىلدىڭ 7 اقپانىندا وتكەن كەلەسى سوت ينستانتسياسى اۋداندىق سوت شەشىمىن كۇشىندە قالدىردى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3558