باسىلىمنىڭ كومپانياداعى دەرەككوزىنىڭ ايتۋىنشا، سوققى جاسالعان سوڭ-اق 23 ادامنىڭ، ال بىرنەشە كۇننەن سوڭ 50 ادامنىڭ قازا تاپقانى بەلگىلى بولعان. دەرەككوزى دەگەنمەن وققا ۇشقانداردىڭ جالپى سانى سيريالىق ساربازداردى قوسا العاندا 100 ادامعا دەيىن جەتۋى مۇمكىن ەكەنىن ايتادى. پەنتاگون وكىلى دە اۋە سوققىلارى جاسالعان سوڭ ودان 100 شاقتى ادام وققا ۇشقانىن ايتقان ەدى.

سيريادا اقش باستاعان حالىقارالىق كواليتسيانىڭ شابۋىلىنان رەسەيلىك جالدامالىلاردىڭ كوزى جويىلعانىن پەنتاگونداعى دەرەككوزىنە سىلتەمە جاساعان امەريكالىق CBS تەلەارناسى حابارلاعان ەدى. جالدامالىلار حيشام ەلدى مەكەنى اۋماعىندا اراب-كۇرد جاساقتارىنان قۇرالعان «سيريا دەموكراتيالىق كۇشتەرى» باقىلايتىن مۇناي وڭدەۋ زاۋىتىن باسىپ الماق بولدى دەلىنگەن. ارقيلى مالىمەتتەر بويىنشا، شابۋىلدان «ۆاگنەر جەكەمەنشىك سوعىس كومپانياسىنىڭ» ونداعان رەسەيلىك جالدامالى ساربازى قازا تاپقان. رەسەي سىرتقى ىستەر مينيسترلىگى دەير-ەز-زور تۇبىندە ارى كەتسە رەسەيلىك بەس ازامات قازا تاپقانىن مويىنداعان. بىراق مينيسترلىك ونداعان ادام قازا تاپقانى تۋرالى اقپاراتتى «دەزينفورماتسيا» دەپ اتاعان.

16 اقپانعا دەيىن جۋرناليستەر مەن تاۋەلسىز زەرتتەۋشىلەر الەۋمەتتىك جەلىلەردەگى جازبالار نەگىزىندە وققا ۇشقان توعىز ادامدى انىقتاعان. رەسەي مەملەكەتتىك دۋماسىنىڭ قورعانىس ىستەرى كوميتەتى توراعاسى ۆلاديمير شامانوۆ سيريادا تەك بەس رەسەيلىكتىڭ قازا تاپقانىن راستاعان.

Abai.kz