جۇما, 29 ناۋرىز 2024
دەپ جاتىر 7316 24 پىكىر 21 اقپان, 2018 ساعات 12:25

ەلباسى ۇسىنعان لاتىن ءالىپبيى نۇسقاسىن ۇستازدار دا قولدايدى

قر پرەزيدەنتى نۇرسۇلتان نازارباەۆ لاتىن قارىپىنىڭ نەگىزىندەگى قازاق ءالىپبيىنىڭ جاڭا نۇسقاسىن بەكىتتى. قازاق ءتىل عالىمدارى ۇسىنعان بۇل نۇسقا قازىر كوپشىلىك قاۋىمنىڭ قولداۋىنا يە بولىپ جاتىر. 

ءبىز لاتىن قارپىنە كوشۋ ارقىلى اعىلشىن تىلىنە قاراي ينتەگراتسيالانامىز. الەمدىك وركەنيەتكە ۇمتىلامىز. سوندىقتان بۇل ماڭىزدى قادامنىڭ اعىلشىن ءتىلىن ۇيرەنۋ ءۇشىن دە وتە ۇلكەن ءمانى بار. وسى رەتتە لاتىن ءالىپبيى جاستارىمىز ءۇشىن ەشقانداي قيىندىق تۋدىرمايدى. سەبەبى، جاس بۋىن لاتىن ارىپتەرىن ينتەرنەت، ۇيالى تەلەفون جانە كومپيۋتەردى قولدانۋ كەزىندە كەڭىنەن پايدالانادى.

قازاق ءتىلىن جاڭعىرتۋ قاجەتتىلىگى ونىڭ بارلىق الەۋەتىن تەك كوممۋنيكاتسيا قۇرالى رەتىندە عانا اشىپ قويماي، ۇلتتىق سايكەستىكتى نىعايتۋ، ۇلتتىق جاندانۋدىڭ قۋاتتى فاكتورى رەتىندە تانىتۋدا. ءالىپبيدىڭ رەفورماسى تاريحي العىشارتتارعا نەگىزدەلگەن. ول قازاقستاننىڭ جاھاندىق باسەكەلەستىگىن جوعارىلاتۋعا، الەمنىڭ عىلىمي-تانىمدىق، تەحنولوگيالىق جانە كوممۋنيكاتسيالىق كەڭىستىگىنە قارقىندى بىرىگۋگە باعىتتالعان.

لاتىن قارپىنە كوشۋ ارقىلى مەملەكەتىمىز الەمنىڭ كوپتەگەن ەلدەرىنە اشىعىراق جانە جاقىنىراق بولادى، ويتكەنى قازىرگى زاماندا مەملەكەتتەردىڭ 75%-دان استامى لاتىن گرافيكاسىن قولدانادى.

قازىرگى تاڭدا الەمدە 6 تۇركى مەملەكەتى بار. قازاقستان لاتىن قارپىن قولداناتىن بەسىنشى مەملەكەت بولادى. قازاقستاننىڭ ءازىربايجان، تۇركيا، وزبەكستان مەن تۇرمەنىستان سياقتى ورتا ازيا جانە كاسپي تەڭىزى اۋماعىنىڭ مەملەكەتتەرىمەن ودان ءارى جاقىنداسۋى مەن قارىم-قاتىناستارىنىڭ كۇشەيۋى، بۇل – ينتەگراتسيا مەن كورشىلەس قارىم-قاتىناستاردىڭ كۇشەيۋى بولىپ تابىلادى.

لاتىن قارپىنە كوشۋدىڭ بارلىق العى شارتتارى بار. بىزدە 100% جاپپاي ساۋاتتىلىق، كۇندەلىكتى ومىردە ۇيالى تەلەفوندى، ينتەرنەتتى قولدانۋ بارىسىندا ءاربىر قازاقستاندىق دەرلىك ءىس جۇزىندە  لاتىنشا جازادى جانە وقيدى.

وتانداستارىمىزدىڭ باسىم كوپشىلىگى ەلباسىنا قولداۋ بىلدىرۋدە جانە لاتىن قارىپنە كوشۋ ءۇردىسىن قاجەت دەپ ەسەپتەيدى. ءبىز دە ۇستازدار قاۋىمى بولاشاق ۇرپاق ءۇشىن ەلباسىنىڭ بۇل باستاماسىن، قولدانىسقا ەنگىزۋگە ۇسىنعان ءالىپبي نۇسقاسىن قولدايمىز.

ا.الماتىقىزى، الماتى وبلىسى، تالعار اۋدانى، پانفيلوۆ اۋىلى №33 ورتا مەكتەپتىڭ مۇعالىمى

Abai.kz

 

 

24 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621