جۇما, 29 ناۋرىز 2024
جاڭالىقتار 4655 2 پىكىر 22 اقپان, 2018 ساعات 09:40

قازاقستان جەمقورلىق يندەكسىندە توعىز ورىن جوعارىلادى

Transparency International (TI) حالىقارالىق ۇيىمىنىڭ جىل سايىن جاريالايتىن جەمقورلىقتى قابىلداۋ يندەكسىندە قازاقستان 2017 جىلى توعىز ورىنعا جوعارىلاپ، 122-ورىنعا شىقتى.

قازاقستان 180 مەملەكەت قامتىلعان يندەكستە ايماق بويىنشا قىرعىزستان (135), رەسەي (135), وزبەكستان (157), تاجىكستان (161) جانە تۇركىمەنستاننان (167) وزىپ تۇر.

قازاقستان 2016 جىلعى ەسەپتە يران، نەپال، رەسەي جانە ۋكراينامەن بىرگە 131-ورىندا تۇرعان ەدى.

چەحيا (42), گرۋزيا (46), حورۆاتيا (57), رۋمىنيا (59), چەرنوگوريا (64) جانە بەلارۋستىڭ (68) يندەكس بويىنشا كورسەتكىشتەرى قازاقستانمەن سالىستىرعاندا الدەقايدا جاقسى.

يندەكستە الدىڭعى بەستىكككە جاڭا زەلانديا، دانيا، فينليانديا، نورۆەگيا جانە شۆەيتساريا ەنگەن. ەڭ تومەنگى ورىنداردا سومالي، وڭتۇستىك سۋدان، سيريا، اۋعانستان جانە يەمەن تۇر.

زەرتتەۋ بويىنشا، ورتاشا ەسەپپەن 66 بالل جيناعان باتىس ەۋروپا ايماقتار بويىنشا العا شىققان. شىعىس ەۋروپا مەن ورتالىق ازيانىڭ ورتاشا بالى 34-ءتى قۇرايدى.

«ناتيجەگە جاسالعان ساراپتاما ۇكىمەتتىك ەمەس ۇيىمدار مەن باق-تى باسىپ-جانىشتاۋ جەمقورلىق دەڭگەيىنىڭ جوعارى بولۋىمەن بايلانىستى ەكەنىن كورسەتىپ وتىر. بۇكىل الەمدە جەمقورلىقپەن كۇرەسپەككە تالپىنىس بار بولعانىمەن، كوپ ەلدە بۇل پروبلەمانى شەشۋدە العا ىلگەرىلەۋ وتە باياۋ ءجۇرىپ جاتىر» دەلىنگەن Transparency International ەسەبىندە.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576