جۇما, 29 ناۋرىز 2024
3427 0 پىكىر 9 ناۋرىز, 2018 ساعات 12:03

الماتى وبلىسىندا جاڭا ينۆەستيتسيالىق جوبالار اشىلادى

اعىمداعى جىلى ەسكەلدى اۋدانى ينۆەستورلاردىڭ كومەگىمەن كوپتەگەن جوبالاردى ىسكە اسىرماقشى. بۇل تۋرالى وڭىرلىك كوممۋنيكاتسيالار قىزمەتى الاڭىندا ەسكەلدى اۋدانىنىڭ اكىمى تانەكەنوۆ باعلان باياندادى.

بيىلعى جىلدىڭ ناۋرىز ايىنان باستاپ «اسپمك-519» جاۋاپكەرشىلىگى شەكتەۋلى سەرىكتەستىگى چاجا وزەنىندە قاۋتتىلىعى 29 مۆتتىق، قۇنى 7 ميلليارد تەڭگە قۇرايتىن 15 جاڭا جۇمىس ورنىمەن گەس-2 قۇرىلىسىن باستاۋدى جوسپارلاپ وتىر.

سونىمەن قاتار، اكتاستى ءوندىرىپ جانە وڭدەيتىن «كومان» جانە گيگيەنالىق قاعاز ونىمدەردى وندىرەتىن «پريما-ت» جشس-تەرى وندىرىستەرىن كەڭەيتىپ، مودەرنيزاتسيالاۋدى جوسپارلاپ وتىر.

«بۇگىنگى كۇنى «ءسۇت ماستەر-م» جشس-گى اۋدان اۋماعىندا قۇنى 1 ميلليارد تەڭگەنى قۇرايتىن، 28 جاڭا جۇمىس ورىندارىمەن 256 ءسۇت-تاۋارلى فەرما سالۋدى جوسپارلاپ وتىر. اتالعان جوبا ينۆەستيتسيالىق دەپ تانىلىپ، جەر ۋچاسكەسىنە جانە قۇرىلىس جۇمىستارىن جۇرگىزۋگە رۇقسات قۇجاتىن الۋ ساتىسىندا تۇر. كىرمە جولى سالىنىپ، بەتون جۇمىستارى جۇرگىزىلۋدە»، – دەدى باعلان تانەكەنوۆ.

سونداي-اق، قارابۇلاق اۋىلدىق وكرۋگىنە قاراستى ەشكىولمەس اۋىلىندا «سالەم قۇس» جشس-گى 10 مىڭ باسقا بودەنە جۇمىرتقاسىن جانە ەت ءوندىرۋ ءۇشىن قۇس فەرماسىن اشتى. اتالعان فەرما كۇنىنە 5 مىڭ دانا جۇمىرتقا، ايىنا 360 كگ ەت ءوندىرىپ، 7 ادامدى تۇراقتى جۇمىسپەن قامتاماسىز ەتۋدە. اعىمداعى جىلى اتالعان فەرماعا 100 ميلليون تەڭگە ينۆەستيتسيا تارتىلىپ، 100 مىڭ باسقا دەيىن كەڭەيتىلۋى جوسپارلانۋدا. قازىرگى تاڭدا قۇرىلىس جۇمىستارىن جۇرگىزۋ ءۇشىن رۇقسات الۋ جۇمىستارى جۇرگىزىلۋدە.

وسىمەن بىرگە، تولەنگىت اۋىلدىق وكرۋگىنە قاراستى جەندىك اۋىلىندا «بالىق قاراتال» جشس-گى قۋاتتىلىعى جىلىنا 50 توننا بالىق شارۋاشىلىعىن اشىپ، فورەل ءوسىرىپ جاتىر. ول 3 ادامدى جۇمىس ورنىمەن قامتاماسىز ەتىپ وتىر. بيىل شارۋاشىلىقتىڭ قۋاتتىلىعىن جىلىنا 150 تونناعا دەيىن جەتكىزىپ، بالىق وڭدەيتىن تسەح سالۋدى جوسپارلاۋدا.

«اتالعان جوبالاردىڭ ىسكە اسۋى ونەركاسىپ ونىمدەرىنىڭ جانە ينۆەستيتسيا كولەمىنىڭ ارتۋىنا ۇلەس قوساتىن بولادى»، – دەپ قورىتىندىلادى باعلان ساعىندىقۇلى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610