جۇما, 29 ناۋرىز 2024
46 - ءسوز 9532 16 پىكىر 19 ناۋرىز, 2018 ساعات 09:29

قازاق تويىنىڭ جاڭا فورماتى

قازاق ۇلتتىق ادەت-عۇرىپ، سالت-ءداستۇر اكادەمياسى ۇسىنادى:

قازاق تويىنىڭ جاڭا فورماتى

قازاقتىڭ بۇگىنگى تويى جۇرتتى ابدەن مەزى ەتىپ بولدى. ول بۇدان 60,70 ءتىپتى 100 جىل بۇرىنعى تويلاردان مۇلدە بولەكشە ءوتىپ جۇرگەنى ءمالىم. ول كەزگە قايتىپ ورالمايتىنىمىز تاعى ايقىن. قازاقتىڭ بۇگىنگى تويىندا ۋاقىت پەن تاماق – ىسىراپ، دەتسيبيللدەردىڭ جوعارىلىعىنان قوناقتاردىڭ ءوزارا اڭگىمەلەسۋىنە مۇمكىندىك – تاپشى، ۇزدىكسىز توست پەن اراق ءىشۋ – جيىركەنىشتى. وسىلاردى ازايتۋ ءۇشىن قازاق تويىنىڭ جاڭا فورماتى نازارلارىڭىزعا ۇسىنىلىپ وتىر!

1. ەڭ الدىمەن توي ۋاقىتىن قازىرگى 5-6 ساعاتتان 1,5-2 ساعاتقا قىسقارتۋ ءۇشىن تويدىڭ كرەاتيۆتى فۋرشەتتىك ءتاسىلى ۇسىنىلادى.

2. توي تۋرا شاقىرۋ بيلەتىندە كورسەتىلگەن ۋاقىتتا باستالادى. بەتاشاردىڭ قىسقارتىلعان نۇسقاسى ورىندالادى. ەڭ جاقىن 5-6 ادام عانا تانىستىرىلادى.

3. تويدا جاسى ۇلكەن كەيبىر ادامدارعا، قۇدالارعا ۇستەل قويۋعا بولادى، جالپى قوناقتار تۇرەگەپ ءجۇرىپ، ءوزى قالاعان اداممەن سۇقباتتاسادى.

4. توست بولمايدى. ونىڭ ورنىنا جاس جۇبايلار نەمەسە مەرەيتوي يەسى ساعات ءتىلى بويىنشا اينالىپ، ءار توپقا نەمەسە ءار ۇستەلگە كەلىپ ايالداپ، ءوزىنىڭ العىسىن ارنايدى. ەشكىمگە ميكروفون بەرىلمەيدى. توپتاعى قوناقتار وزدەرىنىڭ ىزگى تىلەگىن تىكەلەي ءبىلدىرىپ، سىيلىعىن ۇسىنىپ جاتادى. تىلەك-تىلدەسۋ 2-3 مينۋتتان اسپايدى.

5. اسابانىڭ قىزمەتى ەندى توست بەرۋ ورنىنا كەلگەن قوناقتاردىڭ ابىروي-اتاعىن تانىستىرۋعا، ولاردىڭ سىڭىرگەن ەڭبەگىن مالىمدەۋگە باعىتتالادى.

6. توي تاماعى حالال تۇردە فۋرشەتتىك قازانداردا جاسالادى، اركىم نە جەگىسى كەلسە، تابەتى نەگە تارتسا سونى وزدەرى بارىپ قالاعانىن الىپ جەيدى. قۇرمەتتى قوناقتارعا ۇسىنىلاتىن جىلىكتەر الدىن الا ارالانىپ، شاعىندالىپ، ارنايى تارەلكەلەرمەن اكەلىنىپ تارتىلادى. ونى قالاسا تۇرىپ، قالاسا وتىرىپ جەۋىنە بولادى.

7. سۋسىن مەن ىشىمدىكتەر داياشىلار تاراپىنان رازنوسپەن ۇسىنىلادى.

8. تويدىڭ العاشقى بولىگىندە باقىرىپ-شاقىرعان قاتتى مۋزىكا بولمايدى، تەك جانعا جايلى جۇمساق مۋزىكالىق فون عانا بولادى (دومبىرا، قوبىز، سكريپكا)

9. تويدىڭ ەكىنشى بولىگى بيگە ارنالادى. ءانشى جۇلدىزدار شاقىرۋ مىندەتتى ەمەس. بي رەپەرتۋارى تەك قازاق ەستراداسىنان جاساقتالادى. داياشىلار سۋسىندار مەن ت.ب. ارنايى تاباقتارمەن ءۇش رەت قانا ۇسىنادى.

10. «تويباستار» داستۇرىندە قوناقتاردىڭ ءبىرى ءان ايتادى، توي يەلەرى جاس جۇبايلاردىڭ ارنايى ەستەلىك كادەسىيلارىن ۇسىنادى.

11. توي ۇلكەن اقساقالدىڭ باتا بەرۋىمەن، توي يەلەرىنىڭ العىس ايتۋىمەن اياقتالادى. اسا سالتاناتتى ۇيىمداستىرىلعان توي 120 مينۋتتا، ءارى كەتسە 150 مينۋتتا اياقتالادى.

تويدىڭ بۇل جاڭا ءتاسىلى ارقىلى تويعا كەشىگۋ جويىلادى، توي ۋاقىتى قىسقارادى، ۋاقىتتى باعالاۋ ارتادى، ادامدار ءبىر-بىرىنە جاقىن بولا تۇسەدى، توست ايتۋدان قۇتىلامىز، اراق-شاراپ تۇتىنۋ ازايادى، جۇلدىزدارعا تاۋەلدىلىك كەميدى، پونت جوعالادى، مىندەت ورىندالادى!

ستسەناري اۆتورى مارات توقاشباەۆ

Facebook-تەگى پاراقشاسىنان

16 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564