بەيسەنبى, 24 مامىر 2018
719 1 پىكىر 13 ءساۋىر, 2018 ساعات 08:31

تۇركىمەنستان پرەزيدەنتى ءۇش بىردەي ۆيتسە-پرەمەردى قىزمەتىنەن الدى

تۇركىمەنستان پرەزيدەنتى گۋربانگۋلى بەردىمۋحامەدوۆ كەزەكتى رەت كادرلىق وزگەرىستەر جاساپ، ءۇش بىردەي ۆيتسە-پرەمەردى قىزمەتىنەن الدى. بەس وبلىستىڭ باسشىسىنا سوگىس جاريالادى.

ءبىر جىل بويىندا مۇنايگاز كەشەنىن باقىلاپ كەلگەن ماقسات باباەۆ پەن كولىك سالاسىنا جەتەكشىلىك ەتكەن بايرام اننامەرەدوۆ ۇكىمەت باسشىسى ورىنباسارلارى قىزمەتىنەن الىندى. سونىمەن بىرگە ساۋدا سالاسىن قاداعالاپ كەلگەن ۆيتسە-پرەمەر ورازمىرات گۋرباننازاروۆ تا قىزمەتىنەن الىنىپ، ساۋدا-ءوندىرىس پالاتاسىنىڭ جەتەكشىسى بولىپ تاعايىندالعان.

جەرگىلىكتى مەملەكەتتىك ءباسپاسوزدىڭ حابارلاۋىنشا، ۇكىمەت وتىرىسى كەزىندە بەردىمۇحامەدوۆ بىرقاتار شەنەۋنىكتەردىڭ جۇمىسىنا كوڭىلى تولمايتىنىن ايتقان. ءبىر اپتا وتكەننەن كەيىن، سوگىس جاريالاعان شەنەۋنىكتەر قىزمەتتەرىنەن الىنعان.

بىراق سوعان قاراماستان 11 ساۋىردە ۇكىمەتتىڭ كەزەكتى وتىرىسىندا "ەلدە ەكونوميكا دامىپ، بارلىق سالادا جوعارى كورسەتكىشكە جەتىپ جاتقانى" ايتىلعان.

Abai.kz

1 پىكىر