بەيسەنبى, 24 مامىر 2018
500 0 پىكىر 13 ءساۋىر, 2018 ساعات 08:33

جەەنبەكوۆ: قىرعىزستان پارلامەنتتىك دەموكراتياعا وتەدى

قىرعىزستان پرەزيدەنتى سوورونباي جەەنبەكوۆ ەۋروپالىق وداقتىڭ ليدەرلەرىمەن كەزدەسۋ وتكىزىپ جاتىر. ەۋرو كوميسسياداعى قىرعىزستاننىڭ تۇراقتى وكىلى ءارى ەۋروپا مەملەكەتتەرىنىڭ ەلشىسى اسەين يساەۆ كەلىسسوزدەردىڭ كەيبىر تۇستارىن ايتىپ بەردى.

"ەڭ باستىسى – پرەزيدەنت پارلامەنتتىك دەموكراتياعا وتەمىز دەدى. بۇل ءجايت وتە قىزىقتى، نەگىزىندە وسىعان ەكپىن سالىپ جاتىر. ەۋروپالىق ەلدەر پرەزيدەنتتىڭ ەكونوميكانى ەمەس، ساياساتتى ءبىرىنشى كەزەككە قويۋىن قولداپ جاتىر. ەگەر ساياسي ماسەلەلەر شەشىلەتىن بولسا، ەكونوميكا دا شەشىمىن تابادى. قازىر جاڭا كەلىسىمدەر قارالىپ جاتىر. جاڭا قۇجاتتار ءبىزدىڭ ەۋروپامەن ىنتىماقتاستىقتى جاڭا دەڭگەيگە كوتەرەدى،" - دەپ مالىمدەدى يساەۆ.

كەزدەسۋلەر بارىسىندا جەەنبەكوۆ دەموكراتيا جولىنان تايقىپ كەتپەيتىنىن جەتكىزگەن.

Abai.kz

0 پىكىر