بەيسەنبى, 24 مامىر 2018
446 1 پىكىر 13 ءساۋىر, 2018 ساعات 08:55

يلحام اليەۆ پرەزيدەنتتىك سايلاۋدا جەڭىسكە جەتتى

ءاءزىربايجان پرەزيدەنتى يلحام ءاليەۆ كەزەكتەن تىس پرەزيدەنتتىك سايلاۋدا جەڭىسكە جەتتى. سايلاۋعا نەگىزگى وپپوزيتسيالىق پارتيالار بويكوت جاريالاعان.

ءازىربايجان ورتالىق سايلاۋ كوميسسياسىنىڭ حابارلاۋىنشا، سايلاۋشى داۋىستارىنىڭ 94 پايىزى ەسەپتەلگەن ۋاقىتتا، يلحام اليەۆكە سايلاۋشىلاردىڭ 86 پايىزى داۋىس بەرگەنى انىقتالدى. وسك مالىمەتى بويىنشا، سايلاۋشىلاردىڭ 74,5 پايىزى داۋىس بەرۋگە قاتىسقان. وسىلايشا ءازىربايجاندا 2003 جىلى بيلىك باسىنا كەلگەن يلحام اليەۆ ءتورتىنشى پرەزيدەنتتىك مەرزىمىنە سايلاندى.

اليەۆ بيلىك باسىنداعى "جاڭا ءازىربايجان" پارتياسى اتىنان سايلاۋعا ءتۇستى. حالىقارالىق Human Rights Watch (HRW) ۇيىمى سايلاۋشىلاردىڭ "شىنايى تاڭداۋ" جاساۋعا مۇمكىندىگى بولمادى دەپ مالىمدەدى.

"مەن حالقىمنىڭ جەتىستىكتەرىمىز بەن جەڭىستەرىمىز ءۇشىن داۋىس بەرگەنى ءۇشىن العىسىمدى بىلدىرەمىن. حالىق تۇراقتىلىق، قاۋىپسىزدىك جانە دامۋ ءۇشىن داۋىس بەردى", - دەدى اليەۆ.

ازىربايجانداعى باستى وپپوزيتسيالىق پارتيالار سايلاۋ ناتيجەلەرى بۇرمالانادى دەپ قاۋىپتەنىپ، وعان بويكوت جاريالاعان.

Abai.kz

1 پىكىر