جەكسەنبى, 22 ءساۋىر 2018
364 1 پىكىر 16 ءساۋىر, 2018 ساعات 08:56

الەۋمەتتىك جەلىلەردە قىرعىز پرەزيدەنتىنىڭ جولاۋشىلار ۇشاعىمەن ۇشقانى تالقىلانىپ جاتىر

الەۋمەتتىك جەلىلەردە قىرعىزستان پرەزيدەنتى سوورونباي جەەنبەكوۆتىڭ 14 ساۋىردە وشقا جولاۋشىلار ۇشاعىمەن ۇشىپ بارعانى كەڭىنەن تالقىلانىپ جاتىر.

مەملەكەت باسشىسىنىڭ ءباسپاسوز حاتشىسى تولعاناي ستاماليەۆا سوورونباي جەەنبەكوۆتىڭ وشقا "جەكە وتباسىلىق جاعدايمەن" ۇشقانىن راستادى. «ول اعاسىنىڭ قازا بولعانىنا ءبىر جىل تولۋىنا وراي وتكىزىلگەن اسقا باردى»، - دەپ ءتۇسىندىردى ءباسپاسوز حاتشىسى.

"قىرعىزستان پرەزيدەنتى نەگە وزىنە ارنالعان جەكە ۇشاقپەن ۇشپاي، جولاۋشىلار ۇشاعىمەن ۇشتى؟" دەگەن سۇراققا تولعاناي ستاماليەۆا "ونىڭ ساپارى جەكە وتباسىلىق جاعدايعا بايلانىستى بولدى" دەپ جاۋاپ بەردى.

الەۋمەتتىك جەلى قولدانۋشىلار پرەزيدەنتتىڭ بۇل قادامىن قۇپتاپ جاتىر. ولار باسقا شەنەۋنىكتەردى پرەزيدەنتتەن ۇلگى الۋعا شاقىردى.

ال كەيبىر قولدانۋشىلار بولسا، سوورونباي جەەنبەكوۆ پرەمەر-مينيستر بولىپ تۇرعان كەزدە دە جولاۋشىلار ۇشاعىمەن بىرنەشە رەت ۇشقانىن ايتادى.

Abai.kz

1 پىكىر