بەيسەنبى, 28 ناۋرىز 2024
2491 0 پىكىر 14 مامىر, 2018 ساعات 09:53

پرەزيدەنت الماتى وبلىسىنا جاساعان ساپارىن قورىتىندىلاپ، بريفينگ وتكىزدى

مەملەكەت باسشىسى وتاندىق باق وكىلدەرى ءۇشىن بريفينگ وتكىزىپ، ءوڭىردى دامىتۋدىڭ نەگىزگى باعىتتارى جانە جۇمىس ساپارىنىڭ قورىتىندىلارى بويىنشا وبلىس باسشىلىعىنا بەرىلگەن تاپسىرمالار جونىندە ايتتى. بۇل تۋرالى اقوردانىڭ ءباسپاسوز قىزمەتى حابارلادى.

– مەنىڭ تاپسىرمالارىمنىڭ ءبارى وبلىستا تولىق ورىندالۋدا. بۇل وڭىردەگى جۇمىستاردىڭ باستاماسى جاقسى دەپ سانايمىن. ءۇش جىلدا 3 ميلليون شارشى مەتردەن استام تۇرعىن ءۇي پايدالانۋعا بەرىلدى. تەك بىلتىردىڭ وزىندە 35 مەكتەپ سالىندى، – دەدى ەلباسى.

سونىمەن قاتار قازاقستان پرەزيدەنتى «بەس الەۋمەتتىك باستامانىڭ» وڭىردەگى ىسكە اسىرىلۋ بارىسىنا وڭ باعا بەرىپ، وبلىستىڭ تۋريستىك الەۋەتىن دامىتۋ قاجەتتىگى تۋرالى ايتتى.

– جۇمىس ساپارىم بارىسىندا الاكولگە بارىپ، ونىڭ تۋريستىك كلاستەرىمەن تانىستىم. بارشا قازاقستاندىقتارعا بىزدە تاماشا دەمالىس ورنى بار ەكەنىن ايتقىم كەلەدى. بۇل جەر وسىعان دەيىن يگەرىلمەگەن بولاتىن. ونىڭ ينفراقۇرىلىمى دا، قوناق ۇيلەرى دە بولماعان ەدى. بۇگىندە بۇل وڭىردە بيزنەس وكىلدەرى بەلسەندى تۇردە جۇمىس ىستەۋدە. كولدىڭ جاعاسىندا الەمدىك ستاندارتتارعا ساي كەلەتىن بەس جۇلدىزدى قوناق ءۇي سالىندى، – دەدى ەلباسى.

نۇرسۇلتان نازارباەۆ وڭىردەگى ينفراقۇرىلىمدىق جوبالاردى ىسكە اسىرۋدىڭ قازىرگى ناتيجەلەرى مەن الداعى جوسپارلارى جونىندە اڭگىمەلەدى.

– مەملەكەت كەرەمەت جايلى «الماتى – تالدىقورعان» جولىن سالىپ بەردى. بۇل الاكول ارقىلى شىعىس قازاقستانعا اپاراتىن وتپەلى جول بولادى. جول سالۋدىڭ ارقاسىندا كوپ جۇمىس ورنى اشىلادى، – دەدى مەملەكەت باسشىسى.

سونداي-اق، ەلباسى ءوڭىردىڭ نەگىزگى ەكونوميكالىق كورسەتكىشتەرى وڭ قارقىن الىپ وتىرعانىن اتاپ ءوتىپ، وبلىستىڭ دامۋ بارىسىنا توقتالدى.

– الماتى وبلىسى، اسىرەسە اگرارلىق سالادا، بارىنە ۇلگى بولىپ وتىر. ءوڭىر ەكونوميكاسى 4,2 پايىزعا ءوستى، بۇل ەلىمىزدەگى ورتاشا كورسەتكىشتەن جوعارى. اۋىل شارۋاشىلىعى مەن قۇرىلىس سالالارى وركەندەپ، ىسكە قوسىلعان الەۋمەتتىك نىساندار كوبەيىپ كەلەدى، – دەدى نۇرسۇلتان نازارباەۆ.

سونىمەن بىرگە قازاقستان پرەزيدەنتى وبلىس باسشىلىعى تاراپىنان ەرەكشە نازار اۋدارۋدى قاجەت ەتەتىن مىندەتتەرگە توقتالدى.

– وبلىستىڭ بۇكىل ەكونوميكاسى 3-4 اۋداندا شوعىرلانعان. ونىڭ ءوزى تەك ونەركاسىپتى قامتيدى. وسى اۋداندار ءوڭىر ەكونوميكاسىنىڭ 70 پايىزىن قامتاماسىز ەتىپ وتىر. باسقا اۋداندار باياۋ دامۋدا، وسى ماسەلەگە نازار اۋدارۋ كەرەك، – دەدى ەلباسى.

سونىمەن قاتار نۇرسۇلتان نازارباەۆ وسى وڭىردە مال شارۋاشىلىعى مەن اۋىل شارۋاشىلىعى ونىمدەرىن قايتا وڭدەۋ سەكتورىن دامىتۋ قاجەتتىگى جونىندە ايتتى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522