سەيسەنبى, 22 مامىر 2018
جاڭالىقتار 1273 1 پىكىر 15 مامىر, 2018 ساعات 12:38

قانات يسلامنىڭ كەزەكتى جەكپە - جەگى بەلگىلى بولدى

ءبىرىنشى ورتا سالماقتا باق سىنايتىن قازاقستاندىق كاسىپقوي بوكسشى قانات يسلامنىڭ قاشان جانە كىممەن جۇدىرىقتاساتىنى بەلگىلى بولدى، دەپ حابارلايدى قازاقپارات ءتىلشىسى.

Vesti.kz پارتالى تاراتقان مالىمەتتەرگە سۇيەنسەك، وتانداسىمىز 14 تامىزدا جاپون بوكسشىسى يوشيحيرو كامەگايمەن (27-4-2, 24 كو) جۇدىرىقتاسپاق. جەكپە-جەك اقش-تىڭ كاليفورنيا شتاتىندا وتەدى. الايدا، كەزدەسۋدىڭ ناقتى قاي ارەنادا بولاتىنى ازىرگە بەلگىسىز.

يوشيحيرو كامەگاي كاسىپقوي بوكستا 33 جەكپە-جەك وتكىزگەن. 27 رەت جەڭىسكە جەتكەن. 24 قارسىلاسىن نوكاۋتپەن ۇتقان. 4 رەت جەڭىلىپ، 2 رەت قارسىلاسىمەن تەڭ تۇسكەن. ال قانات يسلام وسىعان دەيىن 25 جەكپە-جەك وتكىزىپ بارلىعىندا جەڭىسكە جەتكەن. ونىڭ 20-سىن نوكاۋتپەن ۇتقان بولاتىن.

ايتا كەتەيىك، قانات يسلام اقپان ايىندا تانىمال مەنەدجەر ەگيس كليماسپەن كەلىسىمگە كەلىپ، اقش-تاعى جاتتىعۋىن باستاعان ەدى. ول سوڭعى كەزدەسۋىن 2017 جىلدىڭ 9 قىركۇيەگىندە استانا قالاسىندا وتكىزىپ، كانادالىق برەندون كۋكتى (18-1, 11 كو) توعىزىنشى راۋندتا تەحنيكالىق نوكاۋتپەن جەڭگەن ەدى. وسىلايشا وتانداسىمىز WBO NABO جانە WBA Inter-Continental چەمپيوندىق بەلبەۋلەرىن ساقتاپ قالعان.

مۇرات راحىمجانوۆ

Abai.kz

1 پىكىر