جۇما, 29 ناۋرىز 2024
جاڭالىقتار 4733 0 پىكىر 15 مامىر, 2018 ساعات 13:27

قۇلىباەۆ بالتىق تەڭىزىنەن پورت سالاتىن بولدى

رەسەيدىڭ شەتەلدىك ينۆەستيتسيا جونىندەگى ۇكىمەتتىك كوميسسياسى قازاقستاندىق بيزنەسمەن، پرەزيدەنت نۇرسۇلتان نازارباەۆتىڭ كۇيەۋ بالاسى تيمۋر قۇلىباەۆقا بالتىق تەڭىزىنىڭ ۆىبورگسك شىعاناعىنداعى ۆىسوتسك پورتىن رەسەيلىك اكتسيونەرلەردەن ساتىپ الۋعا رۇقسات بەردى.

بۇل تۋرالى 28 ءساۋىر كۇنى رەسەيدىڭ فەدەرالدىق انتيمونوپوليالىق قىزمەتىنىڭ باسشىسى يگور ارتەمەۆ وسى ەل پرەمەرى دميتري مەدۆەدەۆ قاتىسقان ۇكىمەت ءماجىلىسىنىڭ قورتىندىسى بويىنشا بريفينگتە ايتتى. ونىڭ ايتۋىنشا، قۇلىباەۆ رەسەي-فينليانديا شەكاراسىنان 50 كيلومەتر، ال سانكت-پەتەربۋرگتەن 90 كيلومەتر جەردەگى ۆىسوتسك پورتىن باقىلاۋ قۇقىعىنا يە بولادى. الايدا پورتتىڭ ساتىلۋىنا قاتىستى قارجى مولشەرى ايتىلماعان.

رەسەي ۇكىمەتىنىڭ رەسمي سايتى "بۇل كەدەندىك وداق اياسىنداعى جۇمىستاردىڭ جالعاسى جانە قازاق وكىلىنىڭ بالتىقتاعى سالماقتى اكتيۆتەردى ساتىپ الۋى ءبىزدى قۋانتادى" دەگەن ​يگور ارتەمەۆتىڭ ءسوزىن كەلتىرگەن. بۇل تۇستا رەسەيلىك شەنەۋنىك قۇرامىنا رەسەي باستاعان بەلارۋس، قازاقستان، ارمەنيا جانە قىرعىزستان كىرەتىن ەۋرازيا ەكونوميكالىق وداعىن مەڭزەسە كەرەك.

 

بالتىق تەڭىزى پورتتارى سايتىندا ۆىسوتسك ماڭىندا كومىر تەرمينالى، مۇناي ونىمدەرىن تاراتۋ-جۇكتەۋ تەرمينالى، سىعىمدالعان تابيعي گاز جۇكتەۋ تەرمينالى جانە قاشىقتان جاسالعان تەڭىز تەرمينالى بار ەكەندىگى ايتىلادى.تەرمينالداردىڭ ورتاق شەكاراسى جوق، كومىر تەرمينالىنا اۆتوموبيل جانە تەمىرجول توسەلگەن.

امەريكالىق Forbes جۋرنالى تيمۋر قۇلىباەۆتىڭ داۋلەتىن 3,2 ميلليارد دوللار دەپ باعالاعان. جۋرنالدىڭ مالىمەتىنشە، ونىڭ جۇبايى، پرەزيدەنت نازارباەۆتىڭ قىزى دينارا قۇلىباەۆا ەكەۋىنىڭ داۋلەتىن قوسقاندا 6,4 ميلليارد دوللاردان اسادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594