سەيسەنبى, 22 مامىر 2018
244 0 پىكىر 16 مامىر, 2018 ساعات 10:02

وزبەكستاندا وقۋشىلاردىڭ ماڭدايىنا "ەكى" قويعان مۇعالىم تەرگەلدى

وزبەكستانداعى بەكاباد قالالىق پروكۋراتۋراسى مەن تاشكەنت وبلىستىق حالىققا ءبىلىم بەرۋ باسقارماسى №5 ورتا مەكتەپتە ءتورت وقۋشىنىڭ ماڭدايىنا "ەكى" قويعان مۇعالىمنىڭ ءىسىن تەكسەرە باستادى.

بۇل تۋرالى تاشكەنت وبلىستىق حالىققا ءبىلىم بەرۋ باسقارماسى باسشىسىنىڭ ورىنباسارى شۋكۋر بۋرحانوۆ حابارلادى. "وسى ايدا №5 ورتا مەكتەپتەگى باستاۋىش سىنىپ وقىتۋشىسى ءبىرىنشى سىنىپتا ۇلگەرىمى تومەن وقۋشىلارعا شارا قولدانعان، پروكۋراتۋرا ونى "پسيحولوگيالىق ازاپتاۋ" دەپ باعالادى", - دەدى باسقارما وكىلى.

بەكاباد قالالىق ءبىلىم بەرۋ ءبولىمىنىڭ مەڭگەرۋشىسى مۇحيددين كۋزيباەۆتىڭ مالىمدەۋىنشە، وقۋشىلاردى جازالاعان مۇعالىم ۋاقىتشا جۇمىستان شەتتەتىلدى.

"قازىر ءبىرىنشى سىنىپ وقۋشىسى پروكۋراتۋرادا تۇسىنىك بەرىپ ءجۇر. بۇعان قوسا، پروكۋراتۋرا تەرگەۋشىلەرى ماڭدايلارىنا مۇعالىم "ەكى" قويعان بالالاردىڭ اتا-انالارىنان تۇسىنىكتەمە الدى. مۇعالىم ءىسىن كامەلەت جاسقا تولماعانداردىڭ ىستەرى جونىندەگى مەكەمەارالىق كوميسسيا قارايدى", - دەدى مۇحيددين كۋزيباەۆ.

بەكابادتا ماڭدايىنا "ەكى" دەگەن باعا قويىلعان ءبىرىنشى سىنىپ وقۋشىلارىنىڭ سۋرەتتەرى 11 مامىردا Instagram مەن Facebook جەلىسىندە تارادى. الەۋمەتتىك جەلى قولدانۋشىلارى بۇل تاقىرىپتى قىزۋ تالقىلادى. Instagram'عا بۇل سۋرەتتى سالعان قولدانۋشى وقيعانىڭ 7 مامىردا بولعانىن جازعان.

"مۇعالىم ماڭدايلارىنا ەكى قويىپ بەرگەن بالالار ۇيلەرىنە جىلاپ ورالعان. اشۋلانعان اتا-انا بالاسىن سۋرەتكە ءتۇسىرىپ، ماعان جولدادى. مەن ونى ينستاگرامعا سالدىم. سول ارقىلى باق پەن قوعامنىڭ نازارىن اۋدارعىم كەلدى. دەگەنىمە جەتتىم. وزبەكستاننىڭ حالىققا ءبىلىم بەرۋ ءمينيسترىنىڭ ورىنباسارى الىشەر سادۋللاەۆ جاعدايدى ءوز باقىلاۋىنا العانىن ەستىدىم", - دەدى جەلى قولدانۋشىسى.

مينيسترلىك شەنەۋنىگى ناموز رۋزيكۋلوۆتىڭ ايتۋىنشا، "مۇنداي پسيحولوگيالىق جانە فيزيكالىق زورلىق قولدانىپ، كوپشىلىك الدىندا مازاق ەتۋ" - ەلدىڭ ءبىلىم بەرۋ ساياساتىنا قايشى كەلەدى". ء"بىز مىندەتتى تۇردە شارا قولدانامىز. جازا قاتاڭ، بىراق ءادىل بولادى", – دەدى ناموز رۋزيكۋلوۆ.

Abai.kz

0 پىكىر