بەيسەنبى, 24 مامىر 2018
267 0 پىكىر 17 مامىر, 2018 ساعات 09:56

ۇكىمەت باسشىسى دسۇ باس ديرەكتورىنىڭ ورىنباسارى الان ۆۋلفپەن كەزدەستى

استانادا قر پرەمەر-ءمينيسترى باقىتجان ساعىنتاەۆ قازاقستان ەلورداسىنا XI استانا ەكونوميكالىق فورۋمىنا قاتىسۋ ءۇشىن كەلگەن دۇنيەجۇزىلىك ساۋدا ۇيىمىنىڭ (دسۇ) باس ديرەكتورىنىڭ ورىنباسارى الان ۆۋلفپەن كەزدەسۋ وتكىزدى. بۇل تۋرالى primeminister.kz سايتى جازدى.

كەزدەسۋ بارىسىندا قازاقستاننىڭ دسۇ-مەن ىنتىماقتاستىعىن ودان ءارى نىعايتۋ، ساۋدا-ساتتىق راسىمدەرىن جەڭىلدەتۋ بويىنشا دسۇ-نىڭ كەلىسىمىن ءتيىمدى ىسكە اسىرۋ، سونىمەن قاتار كوپجاقتى ساۋدا جۇيەسىنە ورتالىق ازيا ايماعىن بەلسەندى ىقپالداستىرۋ ماسەلەلەرى تالقىلاندى. بۇدان وزگە، ەلەكتروندىق ساۋدا-ساتتىقتى دامىتۋ، ينۆەستيتسيالاردى ىنتالاندىرۋ، شاعىن جانە ورتا كاسىپورىنداردى حالىقارالىق ساۋدا-ساتتىققا ينتەگراتسيالاۋ ماسەلەلەرى قارالدى.

 

انىقتاما: دسۇ قۇرىلۋىنىڭ رەسمي كۇنى — 1995 جىلعى 1 قاڭتار. ۇيىمنىڭ شتاب-پاتەرى جەنەۆا قالاسىندا (شۆەيتساريا كونفەدەراتسياسى) ورنالاسقان. 2017 جىلعى 1 قىركۇيەكتەن باستاپ دۇنيەجۇزىلىك ساۋدا ۇيىمىنىڭ باس ديرەكتورى بولىپ روبەرتو ازەۆەدو تاعايىندالدى، ول ەكىنشى 4 جىلدىق مەرزىمگە قايتا سايلاندى. 2013 جىلعى 1 قىركۇيەكتە ر. ازەۆەدو دۇنيەجۇزىلىك ساۋدا ۇيىمىنىڭ التىنشى باس ديرەكتورى بولدى.

2017 جىلعى 1 قازانداعى جاعداي بويىنشا 164 مەملەكەت دسۇ-نىڭ تولىق قۇقىقتى قاتىسۋشىسى بولىپ تابىلادى، ولاردىڭ ۇلەسىنە الەمدىك تاۋار اينالىمىنىڭ 98% تيەسىلى.

قازاقستان رەسپۋبليكاسى 2015 جىلعى 30 قاراشادا دۇنيەجۇزىلىك ساۋدا ۇيىمىنىڭ تولىققاندى مۇشەسى بولدى. 21 مەملەكەت دسۇ-عا باقىلاۋشى مارتەبەسىنە يە جانە ولاردىڭ كوپشىلىگى وسى ۇيىمعا قوسىلۋ تۋرالى كەلىسسوزدەردى جۇرگىزىپ جاتىر. 60-تان استام حالىقارالىق ۇيىم دسۇ ءتۇرلى قۇرىلىمدارىندا باقىلاۋشى مارتەبەسىنە يە.

قازاقستاننىڭ دسۇ-عا مۇشەلىك ەتۋىنىڭ العاشقى 2,5 جىلىندا ەلىمىزدىڭ ۇيىم جۇمىسىنا بەلسەندى قاتىسۋى بايقالادى. 2017 جىلى ساۋدا جانە قورشاعان ورتا جونىندەگى دسۇ كوميتەتىنىڭ توراعالىعىن ءساتتى اياقتاعاننان كەيىن قازاقستان 2018 جىلى دسۇ-نىڭ ساۋدا-ساتتىق قىزمەتتەرى بويىنشا ارنايى سەسسياسىنىڭ توراعاسى رەتىندە سايلاندى، بۇل ەلىمىزگە دەگەن مۇشە ەلدەردىڭ سەنىمى مەن قازاقستاننىڭ جوعارى بەدەلىن كورسەتەدى.

Abai.kz

0 پىكىر