جۇما, 29 ناۋرىز 2024
بيلىك 5527 5 پىكىر 18 مامىر, 2018 ساعات 10:05

مينيستر: فورۋمعا 111 مەملەكەت، 1000 باق وكىلى، 6120 قاتىسۋشى كەلدى

كەشەلى-بەرى استانادا حالىقارالىق ەكونوميكالىق فورۋم ءوتىپ جاتقانى بەلگىلى. ونىڭ اشىلۋىنا پرەزيدەنت نازارباەۆ قاتىسىپ، العىسوز سويلەدى. ءسويتىپ، فورۋمعا قاىسۋشىلار قىزۋ جۇمىسقا كىرىسىپ كەتكەن ەدى.

قر ۇلتتىق ەكونوميكا ءمينيسترى تيمۋر سۇلەيمەنوۆ مىرزا، اەك-ءتىڭ العاشقى كۇنىن قورىتىندىلاپ، بايانداما جاسادى. سونىمەن سۇلەيمەنوۆ نە دەيدى؟ كوز جۇگىرتەيىك.

تيمۋر سۇلەيمەنوۆتىڭ بايانداماسى:

وتە ماڭىزدى كۇن بولدى. استانا ەكونوميكالىق فورۋمى رەسمي تۇردە ءوز جۇمىسىن باستادى. ستاتيستيكادان باستايىن. بىزدە 6 120 قاتىسۋشى بار، ونىڭ 1 147-ءسى – شەتەلدەن. ولار 111 ەلدەن كەلىپ وتىر. 1000-عا جۋىق باق  وكىلدەرى بار، ونىڭ 120-سى شەتەلدىك.

جاھاندىق قاتەرلەر ءسامميتىنىڭ بەلگىلىك ءىس-شاراسى – قر پرەزيدەنتى قاتىسقان پلەنارلىق سەسسيا زور تابىسپەن وتكىزىلدى.  مەملەكەت باسشىسى ءوز سوزىندە 5 ءىرى قاتەرگە ەگجەي-تەگجەيلى توقتالدى.

بىرىنشىدەن، بۇل تسيفرلاندىرۋ. مەملەكەت باسشىسى اتاپ وتكەندەي، 2030 جىلعا قاراي جاساندى ينتەللەكت الەمدىك ءجىو-گە 15% دەڭگەيىندە ۇلەس قوسادى.

ەكىنشى قاتەر – ەنەرگەتيكالىق رەۆوليۋتسيا، الەمنىڭ تازا ەنەرگياعا قاراي قوزعالىسى. سوڭعى 30 جىلدا جەك پايدالانۋ 13 ەسە ۇلعايدى. كۇن پانەلدەرىنىڭ قۇنى سوڭعى 5 جىلدا 2 ەسە تومەندەدى.

ءۇشىنشى – ۇزاق ءومىر ءسۇرۋ. بارلىق الەمدە سوڭعى 70 جىلدا قول جەتكىزىلۋى ءتيىس 48 جاستان 71 جاسقا دەيىنگى ءومىر ءسۇرۋ ۇزاقتىعى ۇلعايۋدا. 2050 جىلعا قاراي، 10 ملرد. حالىقتى قامتاماسىز ەتۋ ءۇشىن بىزگە ازىق-تۇلىكتى 60%-عا ارتتىرۋ قاجەت.

ءتورتىنشى قاتەر – ۋربانيزاتسيا قارقىنى. بۇۇ بولجامى بويىنشا، 2050 جىلعا قاراي، قالا حالقىنىڭ ۇلەسى 70%-دى قۇرايدى. اتالعان ماسەلەنىڭ ماڭىزدىلىعىن ەسكەرە كەلىپ، استانا قالاسىنىڭ 20 جىلدىعى اياسىندا ءبىز جىبەك جولى باعىتى بويىنشا ءىرى قالالار فورۋمىن ۇيىمداستىرۋدامىز.

بەسىنشى قاتەر – بۇل الەمدىك ەڭبەك نارىعىنىڭ تەندەنتسيالارى. بارلىق جەردە جۇرگىزىلىپ جاتقان اۆتوماتتاندىرۋ مەن روبوتتاندىرۋ جۇمىس ورىندارىن بوساتۋعا الىپ كەلەدى. بولاشاقتا، جۇمىسشىلاردىڭ 80%-ى روبوتتارمەن اۋىستىرىلادى.

بۇدان باسقا، ءبىز اسا قىزىقتى ىسكەر ادامداردىڭ، ساياساتكەرلەردىڭ، عالىمداردىڭ پىكىرىن ەستىدىك. جاساندى ينتەللەكتتىڭ اداممەن سالىستىرعانداعى مۇمكىندىكتەرى تۋرالى ومىردەن الىنعان مىسالدار كەلتىرىلدى.

ميتيو كاكۋدىڭ بولاشاقتاعى 100 جانە 30 جىلعا كوزقاراسى اسا قىزىقتى. ول جاناسپالى لينزانىڭ ينتەرنەتكە قوسىلۋعا بولاتىن چيپتەرى، اقىلدى ويىنشىقتار، ادام قانىنداعى ۆيرۋستى تاباتىن جانە ولاردى جوياتىن ميكرويمپلانتتار ءتارىزدى قۇرالدار تۋرالى ايتتى. بۇرىن بۇلاردىڭ ءبارى قيال-عاجايىپ سەكىلدى كورىنەتىن.

ستيۆ ۆوزنياك كومپيۋتەردىڭ پايدا بولۋى جانە ونىڭ ادامنىڭ دوسىنا اينالۋ تاريحى تۋرالى اڭگىمەلەدى.

دزين ليتسيۋن ەلدەردىڭ بايلانىستىلىعىن، تابيعي، ەكونوميكالىق جانە الەۋمەتتىك ەكوجۇيەنى جاقسارتۋ، بەلدەۋ جانە جول باستاماسى تۋرالى باياندادى.

دجيم و'نيل اقش-پەن بىرگە الەمدىك ءجىو-گە 84% ۇلەس قوسقان قىتاي ەكونوميكاسى تۋرالى ايتتى. ونىڭ ايتۋىنشا، قىتايدا 260 ملن. حالىق (ۇلىبريتانياعا قاراعاندا، 4 ەسە كوپ) جىلىنا 30 مىڭ اقش دولل. جالاقى تابادى. ءبىزدىڭ فورۋمنىڭ العاشقى كۇنىنىڭ قورىتىندىلارى وسىنداي.

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3596