بەيسەنبى, 28 ناۋرىز 2024
2506 0 پىكىر 22 مامىر, 2018 ساعات 08:14

استانادا اپاتتان قازا تاپقان وزبەكستاندىقتاردى ەسكە الىپ، 52 اعاش وتىرعىزدى

وزبەكستاننىڭ قازاقستانداعى ەلشىلىگىنىڭ جانە "التىن وردا" بيزنەس-كلۋبىنىڭ وكىلدەرى اۆتوبۋس اپاتىنان قازا تاپقان وزبەكستاندىقتاردى ەسكە الىپ، استانادا 52 اعاش وتىرعىزدى.

"قايعىلى وقيعا بولعان كۇنى قازاقستان ۇكىمەتى مەن بۇكىل حالىق كومەگىن ايامادى. قازاقستاننىڭ ءتيىستى ورگاندارى قاجەتتى شارالار قابىلدادى. بۇگىنگى شارا - ەكى ەل اراسىنداعى دوستىقتىڭ نىشانى ىسپەتتەس. ءبىز بۇل تۋرالى مارقۇمداردىڭ وتباسىلارىنا ايتۋىمىز كەرەك", - دەدى وزبەكستان ەلشىسى سايديكرام نيازحوجاەۆ.

ەسكە سالايىق، بيىل 18 قاڭتاردا اقتوبە وبلىسى ىرعىز اۋدانىنا قاراستى قالىباي اۋىلىنان 10 شاقىرىم جەردە جولاۋشى اۆتوبۋسى ورتەندى. قازاقستاندىق بيلىكتىڭ مالىمەتى بويىنشا، اۆتوبۋستا 57 ادام بولعان، سونىڭ 52-ءى قازا تاپتى. بارلىعى - وزبەكستان ازاماتتارى.

ءساۋىر ايىنىڭ سوڭىندا جولاۋشى اۆتوبۋسىنىڭ جۇرگىزۋشىسىن قاماۋدا ۇستاۋ مەرزىمى تاعى ءبىر ايعا سوزىلدى.

قازاقستاندىق بيلىك نۇسقاسى بويىنشا، قايعىلى وقيعاعا وتتى سالاق ۇستاۋدان شىققان. اۆتوبۋس سالونىن جىلىتۋ ءۇشىن دانەكەرلەيتىن شام پايدالانىلعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3510