جۇما, 29 ناۋرىز 2024
ساياسات 5223 8 پىكىر 16 مامىر, 2019 ساعات 11:11

ەقىۇ/اقديب قازاقستان پرەزيدەنتتىگىنەن ۇمىتكەرلەرمەن كەزدەسۋگە نيەتتى

ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) ادام قۇقىقتارى جانە دەموكراتيالىق ينستيتۋتتار بيۋروسى (اقديب) ميسسياسىنىڭ باسشىسى قازاقستان پرەزيدەنتتىگىنەن ۇمىتكەرلەرمەن كەزدەسۋگە نيەتتى. وسىلاي دەپ ۋرشۋلا گاتسەك سىرتقى ىستەر ءمينيسترى بەيبىت اتامقۇلوۆپەن كەزدەسۋ بارىسىندا ايتتى.

ءسىم ءباسپاسوز قىزمەتىنىڭ حابارلاۋىنشا، ۋرشۋلا گاتسەك ءوزى باسقاراتىن ميسسيا (قۇرامىندا 22 ۇزاقمەرزىمدى باقىلاۋشى جانە 300 قىسقامەرزىمدى باقىلاۋشى بار) سايلاۋ پروتسەسىن اۋقىمدى قاداعالاۋىنا مۇمكىندىك الاتىنىنا ءۇمىت ءبىلدىردى.

قازىر ەلدىڭ سىرتقى ىستەر مينيسترلىگى قازاقستاندا 9 ماۋسىمدا وتەتىن پرەزيدەنت سايلاۋىن باقىلايتىن حالىقارالىق ۇيىمدارمەن بەلسەندى جۇمىس جۇرگىزىپ جاتقانىن جەتكىزدى. «ەقىۇ-دان باسقا قازاقستاندا تمد، شىۇ، تۇرىكپا سەكىلدى ت.ب. ۇيىمداردىڭ باقىلاۋ ميسسياسى كەلەدى»،- دەپ حابارلادى ءسىم ءباسپاسوز قىزمەتى.

ەقىۇ/اقديب باقىلاۋشىلارى قازاقستاندا پرەزيدەنت سايلاۋى اياقتالعانعا دەيىن بولىپ، ارالىق جانە قورىتىندى ەسەپ جاسايدى.

قازاقستاندا مەرزىمىنەن بۇرىن پرەزيدەنت سايلاۋى 9 ماۋسىمدا وتەدى.

Abai.kz

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3558