جۇما, 29 ناۋرىز 2024
ءوز ءسوزى 9099 15 پىكىر 30 مامىر, 2019 ساعات 11:00

پىكىرسايىستا قازاق ءتىلى شىنايى ساياسي تىلگە اينالدى

بۇل پىكىرسايىستىڭ بۇعان دەيىنگى باسقا پىكىرسايىستاردان ءجونى بولەك. ويتكەنى، ەلىمىزدىڭ سايلاۋ تۋرالى زاڭىنا سۇيەنەر بولساق، سايلاۋالدى پىكىرسايىس مىندەتتى تۇردە وتۋگە ءتيىس ەمەس بولاتىن. ياعني، سايلاۋ الدىندا پىكىرسايىس ءوتۋ مىندەتتى ەمەس. دەگەنمەن، ەلىمىزدىڭ ساياسي مەنەدجمەنتى وسىناۋ پىكىرسايىستى كۇن تارتىبىنە قويىپ، بەلگىلى ءبىر دارەجەدە وتكىزدى. وسى قادام ارقىلى بيلىك ەلىمىزدە دەموكراتيا، ساياسي ۇردىستەردى ليبەراليزاتسيا جاساۋعا مۇددەلى ەكەنىن كورسەتتى.

سوندىقتان، بۇل ديسكۋسسيا ەلىمىزدىڭ ساياسي مادەنيەتىن جاڭا ساپالى بەلەسكە شىعارۋدىڭ العىشارتى سانالادى.

مەنىڭ ءبىرىنشى تۇيگەنىم، كەشەگى پىكىرتالاستا قازاق ءتىلى فورمالدى مەملەكەتتىك ءتىل ەمەس، شىنايى ساياسي تىلگە اينالىپ ۇلگەرگەنىن كوردىك. ياعني، انا ءتىلىمىز ءوزىنىڭ اسەمدىگى، اۋەندىگى، ىرعاعى، تەرەڭ ءتۇپ تامىرى ارقاسىندا ەلىمىزدىڭ بارشا حالقىنىڭ جۇرەگىنەن ناقتى جانە ماڭگىگە ورىن تاپتى.

بۇل ۇلكەن جەڭىس!

ال پىكىرسايىستىڭ وزىنە كەلەتىن بولساق، ەلىمىزدىڭ جالپى كۇن ءتارتىبى الەۋمەتتىك ورلەۋ، رۋحاني كەمەلدەنۋ، ەكونوميكالىق ءوسىم ەكەنىن كورسەتتى. ۇمىتكەرلەر اۋىل ماسەلەسىنە ءجىتى ءمان بەرە وتىرىپ، اۋىلدىڭ تىنىس-تىرشىلىگى، اۋىلدى دامىتۋ، ونىڭ ينفراقۇرىلىمىن جەتىلدىرۋگە كوپ ءمان بەردى. وتە دۇرىس. قازىر اۋىل مەن قازاق اجىراماس ۇعىم، اۋىل دامىسا، ەل وركەندەيدى.

سونىمەن بىرگە، دەموكراتيا، قوعامدىق پروتسەسسەردى ءارتاراپتاندىرۋ، مەملەكەت پەن قوعام اراسىنداعى قارىم-قاتىناستىڭ تەپە-تەڭدىگىن ساقتاۋ ماسەلەلەرى وتە وزەكتەنىپ، ۋشىعىپ تۇرعانى انىق بايقالدى.

ۇمىتكەرلەر دە، بيلىك تە وسى ماسەلەنى ەسكەرسە، ساياسي جۇيە ەۆوليۋتسيالىق جولمەن دامۋىنا بارلىق مۇمكىندىك بار.

كەشەگى وتكەن پىكىرسايىستى ەلىمىزدىڭ ساياسي جۇيەسىن جەتىلدىرۋگە جاسالعان ناقتى قادام دەپ ايتا الامىز. مەملەكەتتىڭ ساياسي مەنەدجمەنتى قوعامدىق ءپۋلستى انىق باسىپ، دەموكراتيا ستاندارتتارىن بىرتە-بىرتە ەنگىزۋگە قۇلقى بار ەكەنىن اڭعارتتى.

ارينە، پىكىرسايىستىڭ "اتتەگەن-ايلارى دا" جوق ەمەس، قوعامنىڭ ءبىر بولىگى ۇمىتكەرلەردىڭ وزدەرى دەباتقا كەلۋى كەرەك، دەباتتىڭ فورماتى بولەك بولۋى كەرەك دەگەن وي ايتۋدا. مۇنىڭ ءبارى راس. دەسە دە، "كوش جۇرە تۇزەلەدى". بۇگىنگى الەۋمەتتىك جەلىدەگى ەسكەرتپەلەر بولاشاقتا ەسكەرىلەدى دەپ ويلايمىز.

سايلاۋ ناۋقانى ءالى اياقتالعان جوق. ەگەر دە ۇمىتكەرلەردىڭ ءبىرازى ءوزىنىڭ ويىن اۋديتورياعا قوسىمشا جەتكىزەمىن دەسە، ولارعا قوي دەيتىن ەشكىم بولمايتىنى تاعى انىق. 

ەرلان سايروۆ، ساياساتتانۋشى

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564