جەكسەنبى, 15 جەلتوقسان 2019
ەكونوميكا 2729 4 پىكىر 31 مامىر, 2019 ساعات 13:39

سىر جاستارى جەمقورلىققا قارسى قوزعالىس قۇردى

بيىل وبلىستا تۇڭعىش رەت جاستار سلەتى ۇيىمداستىرىلىپ وتىر. سلەتتە قىزىلوردا وبلىسىندا سىبايلاس جەمقورلىققا قارسى ارنايى جاستار قوزعالىسى قۇرىلدى،- دەپ حابارلايدى اباي-اقپارات.

شارانى وتكىزۋگە قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى جانە وبلىستىق جاستار ساياساتى ماسەلەلەرى باسقارماسى مۇرىندىق بولعان.

– سلەتتىڭ باستى ماقساتى – قوعامدا ادالدىق، شىنشىلدىق، يگىلىك سىندى قۇندىلىقتاردى قالىپتاستىرۋعا، قوعامدىق سانانى تاربيەلەۋگە جاستاردى كەڭىنەن تارتۋ. سىبايلاس جەمقورلىقتىڭ الدىن الۋ شارالارى ادامزاتتىڭ وسىنداي ىزگى قۇندىلىقتارىن دارىپتەۋگە، ناسيحاتتاۋعا باعىتتالۋى ءتيىس. ءبىز، بۇل باعىتتاعى جۇمىستارعا جاستاردىڭ الەۋەتىن پايدالانۋىمىز كەرەك، - دەدى دەپارتامەنت باسشىسى ابزال مۇحيموۆ.

شاراعا ايماقتىڭ بارلىق اۋداندارى مەن شالعاي اۋىلدارىنان دەلەگاتتار قاتىسقان. جيىنىندا اگەنتتىكتىڭ قىزىلوردا وبلىسى بويىنشا دەپارتامەنتى جانىنان «جەمقورلىقتى جويامىز» ۇرانىمەن «جاستار قوزعالىسى» جاستار قاناتى قۇرىلدى.

– جاستار قوزعالىسى» جاستار قاناتىنىڭ ماقساتى - تۇرمىستىق جەمقورلىقتى جويۋعا اتسالىسۋ، كەز كەلگەن سىبايلاس جەمقورلىق تاۋەكەلدەرىنە توزبەۋشىلىك قاعيداتىن قالىپتاستىرۋ. العاشقى كەزەكتە، بەلسەندى جاستار قاتارىنان سپيكەرلەر توبىن قۇرىپ، جوو مەن كوللەدج ستۋدەنتتەرى اراسىندا تۇسىندىرمە جۇمىستارىن جۇرگىزەمىز جانە جەمقورلىقتى بىرلەسىپ جەڭۋ ءۇشىن زامانداستارىمىزدى قاتارىمىزعا تارتامىز»، - دەيدى «نۇر وتان» پارتياسى جانىنداعى «جاس وتان» جاستار قاناتى وبلىستىق فيليالىنىڭ توراعاسى تالعات تىلەس.

سونداي-اق، سىربويىلىق جاستار «اقمەشىت - ادالدىق الاڭى» جوباسىنا قولداۋ بىلدىرە وتىرىپ قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆقا اشىقحات جولدادى.

Abai.kz

4 پىكىر