جۇما, 22 قاراشا 2019
46 - ءسوز 1865 9 پىكىر 10 شىلدە, 2019 ساعات 14:50

"ۋاقىتىندا ورىن بوساتۋ دا ليدەرلىككە جاتادى"

سينگاپۋردى وتىز ءبىر جىل باسقارعان لي كۋان يۋ 1990 جىلى الپىس جەتى جاسىندا قىزمەتتەن كەتۋىنىڭ سەبەبىن وسىلاي تۇسىندىرگەن:

"تىزگىندى تاعى ءبىر ون جىل ەشكىمگە بەرمەگەنىمدە الدىمىز – اپات، ارتىمىز وپات بولار ەدى"

ەگەر ءسىز ءوز ارىڭىزدىڭ الدىندا تازا بولساڭىز، ەگەر ءسىز ءوز جاۋاپكەرشىلىگىڭىزدى بيلىكتىڭ قۇرالى دەپ ەسەپتەسەڭىز، ەرتە مە، كەش پە، اي̆تەۋىر، ءبىر كۇنى ءبارىبىر كەتۋگە تۋرا كەلەدى. ۋاقىتىندا ورىن بوساتۋ دا ليدەرلىككە جاتادى. دين ۋيليامس "ناعىز ليدەرلىك" كىتابىندا وتىز ءبىر جىل باسقارعان لي كۋان يۋ مىرزانى مىسالعا كەلتىرەدى. ول 1990 جىلى الپىس جەتى جاسىندا قىزمەتىمەن قوش اي̆تىستى. كىتاپ اۆتورىنا بەرگەن سۇحباتىندا لي ءوزىنىڭ قيىن تاڭداۋ الدىندا بولعانىن اي̆تقان: «بىلاي̆ عوي̆، بيلىكتە تاعى بەس جىل وتىردىم دەلىك... ونىمەن نە دالەلدەمەكپىن؟ كۇش-قۋاتىمنىڭ ءالى دە بولسا مول ەكەنىن بە؟ قابىلەتىمنىڭ ءالى دە جەتكىلىكتى ەكەنىن بە؟

ودان نە شىعادى الدە بيلىكتەن كەتىپ، جۇي̆ەنىڭ بۇراندالارىن بوساتىپ، ەلدى جاڭا ليدەرگە تاپسىرىپ، ۇكىمەتتى قاي̆تا قۇرىپ، باسشىلىق ورىنداردى قاي̆تا قاراپ، قالىپتاسقان جۇي̆ەنىڭ ءمۇل- تىكسىز جۇمىس اتقارۋىنا جاردەمدەسسەم بە ەكەن؟ ءبىرىنشى جول تەك دەنساۋلىعىمنىڭ مىقتى ەكەنىن دالەلدەمەك. ەكىنشى جول وزىمە دە، ەلىمە دە، ۇكىمەتكە دە وراسان پاي̆دا كەلتىرىپ، مەنسىز دە جۇمىس ىستەي̆تىن ۇكىمەت بار ەكەنىن دالەلدەمەك. جاڭا ليدەرلەر بۇگىنگى اي̆نىمالى، تەز وزگەرىپ جاتقان تەحنولوگيالى زاماندا جاس ۇرپاققا نە قاجەت ەكەنىن جاقسى بىلەدى. ءبارى دە باسقاشا بولۋعا ءتيىس. اي̆تالىق، تىزگىندى تاعى ءبىر ون جىل ەشكىمگە بەرمەدىم دەلىك. ولاي̆ ەتسەم، الدىمىز – اپات، ارتىمىز وپات بولار ەدى».

ۆاشينگتوننىڭ قوشتاسۋ xاتى

قۇراما شتاتتاردىڭ حالقى العاشقى پرەزيدەنتى دجوردج ۆاشينگتوننىڭ وتستاۆكاعا كەتكەنىن قالامادى. جۇرت ۆاشينگتوننىڭ پرەزيدەنت مىندەتىن جالعاستىرا بەرگەنىن قالادى، ءتىپتى كەي̆بىرى ونىڭ پاتشا بولعانىن قۇپ كوردى. وزىنە دەگەن زالالدى تاۋەلدىلىك پەن باعىنىشتىلىقتى بولدىرماۋ ءۇشىن ۆاشينگتون ەكىنشى مەرزىمى بىتكەن سوڭ وكىلەتتىگىن جالعاستىرۋدان باس تارتىپ، امەريكا حالقىنا قوزعاۋ سالار حات جازىپ قالدىردى. بۇل حات تاريحتا «ۆاشينگتوننىڭ قوشتاسۋ حاتى» دەگەن اتپەن بەلگىلى. ءوز حاتىندا ۆاشينگتون جاقىندا عانا قۇرىلعان قۇراما شتاتتاردىڭ قۇندىلىقتارى جونىندە، وسى قۇندىلىقتار مەن پرينتسيپتەردى ساقتاۋ جانە قۇرمەتتەۋ قاجەتتىگىن اي̆تقان. ول زاڭمەن بەلگىلەنگەن ۋاقىتتا قىزمەتتەن كەتىپ، جالپى جۇرتتىڭ نازارىن جەكە باسىنا ەمەس، ىرگەسىن ءوزى قالاعان يدەالداردى ساقتاپ قالۋعا اۋداردى.

شىڭعىس مۇقاننىڭ facebook پاراقشاسىنان

Abai.kz

9 پىكىر