بەيسەنبى, 28 ناۋرىز 2024
2724 10 پىكىر 10 شىلدە, 2019 ساعات 17:45

قورعانىس ءمينيسترى ارىستاعى جارىلىسقا قاتىستى «تابيعي قۇبىلىس» دەگەن سوزىنە تۇسىنىكتەمە بەردى

قر قورعانىس ءمينيسترى نۇرلان ەرمەكباەۆ ارىستاعى جارىلىس تۋرالى قوعامدىق رەزونانس تۋدىرعان پىكىرگە تۇسىنىكتەمە بەردى.

«جاعدايدى ءادىل باعالاۋ ءۇشىن جاۋاپكەرشىلىك پەن كىنانى شاتاستىرماعان ءجون. مەن جاۋاپكەرشىلىكتەن قاشپايمىن. ال كىنانى سوت انىقتايدى. بۇعان دەيىن بىرنەشە رەت ءوز اتىمنان، اسكەريلەر اتىنان ارىس تۇرعىندارىنا جاعدايعا بايلانىستى وكىنىش ءبىلدىردىم. قارالى ۇيگە كوڭىل ايتتىم، كەشىرىم سۇرادىم. ءالى دە زارداپ شەككەندەرمەن جۇزبە-ءجۇز كەزدەسىپ، كەشىرىم سۇراۋعا دايىنمىن»، - دەدى مينيستر ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.

ونىڭ ايتۋىنشا، اسكەري ادامنىڭ مىندەتى - ادەمى ءسوز سويلەپ، پوپۋليزممەن اينالىسۋ ەمەس، ناقتى ىستەر ارقىلى جاعدايدى تۇزەتۋ.

«بەيتانىس جىگىت كەلىپ، امانداسپاي، ءوزىن تانىستىرماي، ەكونوميكاعا نۇقسان كەلتىردىڭ دەپ ايىپتاسا جانە كامەرا الدىندا كەشىرىم سۇراۋدى تالاپ ەتسە، ءار ادام ءارتۇرلى جاۋاپ قاتار ەدى. مەن دە بەيتانىس ادامعا كەشىرىم سۇراۋدىڭ نەگىزى جوق دەپ جاۋاپ بەردىم. قايتالاپ ايتامىن، مەن كامەرا الدىندا ەمەس، زارداپ شەككەن تۇرعىنداردان كەشىرىم سۇرادىم جانە تاعى سۇراۋعا دايىنمىن»، - دەدى ن. ەرمەكباەۆ.

سونىمەن بىرگە، مينيستر قوعامدىق رەزونانس تۋدىرعان «تابيعي نارسە» ءسوزى تۋرالى تۇسىنىكتەمە بەردى.

«مەن ورىس مەكتەبىن بىتىرگەنمىن. 1 سىنىپتان 10 سىنىپقا دەيىن قازاق تىلىندە بىردە-ءبىر ساباق الماعانمىن. سوندىقتان، قازاق ءتىلىن مۇلتىكسىز بىلەمىن دەپ ايتا المايمىن. بىراق، ەلىمىزدە قازاق ءتىلىن جەتىك بىلەتىن ادامدار «تابيعي نارسە» ءسوزىن ورىسشاعا دۇرىس اۋدارمادى. سوزدىكتە «تابيعي» ءسوزى ەڭ الدىمەن «ەستەستۆەننىي» دەپ اۋدارىلادى. ايتقىم كەلگەنى، ءبولىم كومانديرىن كىنالى دەپ ايتۋعا بولمايدى. سەبەبى، ءاربىر اسكەري نىساندا قاۋىپ-قاتەر بولادى. مۇندا سالعىرتتىق نەمەسە نەمقۇرايلىق، ادەيى جاسالعان نەمەسە تەحنيكالىق سەبەپتەر بولۋى مۇمكىن. ونى ارنايى كوميسسيا انىقتايدى»، - دەپ ءوز ءسوزىن تۇيىندەدى قورعانىس ءمينيسترى.

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3500