جەكسەنبى, 15 جەلتوقسان 2019
قوعام 2079 0 پىكىر 15 تامىز, 2019 ساعات 13:16

سەل قاۋپىنەن سوڭ الماتىنىڭ ءۇش شاعىن اۋدانى سۋسىز قالدى

الماتىنىڭ ناۋرىزباي اۋدانىنداعى سەل قاۋپىنەن سوڭ قالاداعى ءۇش شاعىن اۋدان - قاراعايلى، تاۋ سامالى جانە قۇرامىس شاعىن اۋداندارى اۋىزسۋسىز قالدى. بۇل تۋرالى بۇگىن، 15 شىلدەدە ناۋرىزباي اۋدانى اكىمدىگىنە سىلتەپ، قازاقستاندىق باسىلىمدار حابارلادى.

"قاراعايلى وزەنى - ءۇش شاعىن اۋدانداعى اۋىزسۋدىڭ نەگىزگى كوزى. تاسقىن مەن وزەن سۋى لايلانىپ كەتكەن سوڭ قاراعايلىدان سۋ جىبەرۋدى توقتاتتىق" دەدى ناۋرىزباي اۋدانىنىڭ اكىمدىگى. بيلىك حابارىنا قاراعاندا، سۋ بەرىلگەنشە ۇيلەرگە اۋىزسۋ كولىكپەن جەتكىزىلەدى.

جەرگىلىكتى اكىمدىك سۋدىڭ قاشان قوسىلاتىنىن ايتپاعان.

كەشە، 14 تامىزدا الماتى قالالىق توتەنشە جاعداي دەپارتامەنتى الماتىنىڭ ناۋرىزباي اۋدانىنا قارعالى وزەنىندە سەل ءجۇرۋ قاۋپى ءتونىپ تۇرعانىن حابارلاپ، دابىل جاريالاعان. "قارعالى وزەنى اعاتىن ناۋرىزباي اۋدانىندا سەل ءجۇرۋ قاۋپى بار، سەبەبى سۋ دەڭگەيى كۇرت تومەندەگەن. بوگەتتى كەز كەلگەن ساتتە بۇزىپ كەتۋى مۇمكىن" دەگەن ەدى. بىراق سول كۇنى تۇستەن سوڭ بيلىك "ەشقانداي سەل قاۋپى جوق" دەپ، تۇرعىنداردىڭ قاۋىپسىز جەرگە كوشىرىلمەيتىنىن ايتتى.

2015 جىلى شىلدەدە الماتىنىڭ ناۋرىزباي اۋدانى اۋماعىندا سەل جۇرگەن. توتەنشە وقيعادان مىڭنان استام ادام ەۆاكۋاتسيالاندى. رەسمي دەرەك بويىنشا، قازا تاپقاندار جوق. بيلىك دەرەگىنشە، سەلدەن 450-دەن استام ءۇي زارداپ شەككەن. رەسمي ورىندار سەلگە الماتى ماڭىنداعى قارعالى وزەنى باسسەينىندەگى 8-مۇزدىق استىندا ورنالاسقان، شامامەن 40 مىڭ تەكشە مەتر سۋى بولعان كولدىڭ تابانىن بۇزىپ كەتۋى سەبەپ دەيدى.

Abai.kz

0 پىكىر