جۇما, 29 ناۋرىز 2024
3083 1 پىكىر 22 تامىز, 2019 ساعات 11:52

رەسەيلىك باق: ۋكراين تەڭىزشىلەرىن بوساتادى

رەسەي مەن ۋكراينا قاماۋداعى تۇتقىنداردى الماستىرۋعا دايىندالىپ جاتىر. بۇل تۋرالى سارسەنبىدە "كوممەرسانت", ربك جانە "ينتەرفاكس" باسىلىمدارى سەنىمدى دەرەككوزدەرىنە سىلتەمە جاساپ حابارلادى.

"كوممەرسانت" پەن ربك مالىمەتىنە قاراعاندا، بىلتىر قاراشا ايىندا رەسەيلىك شەكاراشىلار تارابىنان كەرچ تۇبەگىندە ۇستالعان ۋكراين تەڭىز اسكەرلەرى وسى ايدىڭ اياعىنا دەيىن بوساتىلادى.

21 تامىزدا ماسكەۋ قالالىق سوتى ولاردىڭ قاماۋ مەرزىمىن قازان ايىنىڭ سوڭىنا دەيىن ۇزارتقان. 16 تامىزدا سوت ۋكراين اسكەرلەرىنىڭ قامالۋىن زاڭدى دەپ تانىعان.

"ينتەرفاكس" اگەنتتىگىنىڭ مالىمەتىنە قاراعاندا، بۇدان تىسقارى كيەۆكە رەسەيدە ءتۇرلى قىلمىستارمەن ايىپتالىپ سوتتالعان بەس ۋكراين ازاماتى (ۆلاديمير بالۋح، ستانيسلاۆ كلىح، الەكساندر كولچەنكو، پاۆەل گريب جانە نيكولاي كارپيۋك) قالعان جازا مەرزىمىن ۋكراينادا وتەۋ شارتىمەن بەرىلۋى مۇمكىن.

"كوممەرسانت" مالىمەتىنشە، ماسكەۋگە "ريا نوۆوستي — ۋكراينا" اگەنتتىگىنىڭ باس رەداكتورى كيريلل ۆىشينسكي بەرىلۋى مۇمكىن. كيەۆتە ول مەملەكەتكە تىڭشىلىق جاسادى دەپ ايىپتالىپ جاتىر.

ۋكراينا رەسەيدە 150 ازاماتىنىڭ زاڭسىز قامالىپ وتىر دەپ ەسەپتەيدى. ولاردىڭ اراسىندا تانىمالدارى — تەرروريزم ايىبى بويىنشا سوتتالعان رەجيسسيور ولەگ سەنتسوۆ، شەشەن جىكشىلدەرىنىڭ قۇرامىندا سوعىستى دەپ ايىپتالعان نيكولاي كارپيۋك پەن ستانيسلاۆ كلىح جانە ورىس شەكاراشىلارى تارابىنان ۇستالعان تەڭىز اسكەريلەرى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544