جۇما, 29 ناۋرىز 2024
3609 0 پىكىر 24 تامىز, 2019 ساعات 15:02

قىزىلوردا وبلىسىندا ەگىن جيناۋ ناۋقانى باستالدى

«دالا كۇنى» ءداستۇرلى ءىس-شاراسىندا ءوڭىردىڭ اگروونەركاسىپ كەشەنىن دامىتۋ ماسەلەلەرى تالقىلانىپ، كۇرىشكە وراق ءتۇستى.

جالاعاش اۋدانىندا "تان لتد" جشس ەگىس القابىندا جىل سايىنعى "دالا كۇنى" سەمينار-كەڭەسى ءوتتى.

شارا اياسىندا ءوڭىردىڭ اۋىل شارۋاشىلىعى ونىمدەرى مەن ارنايى تەحنيكالار كورمەسى ۇيىمداستىرىلدى.

وبلىس اكىمى قۋانىشبەك ىسقاقوۆ ءوڭىر شارۋالارىن قۇتتىقتاپ، ەگىن جيناۋ جۇمىستارىن باستاۋ  راسىمىنە قاتىستى.

«وزدەرىڭىز بىلەتىندەي، ايماعىمىزدى 6 جىلدان استام ۋاقىت باسقارعان بۇرىنعى وبلىس اكىمى ق.ە.كوشەرباەۆتىڭ تىكەلەي قولداۋىمەن وبلىستىڭ اۋىل شارۋاشىلىعى سالاسىن 2020 جىلعا دەيىن دامىتۋدىڭ اگروكارتاسى قابىلدانىپ، جۇزەگە اسىرىلۋدا. سوڭعى 5 جىلدا وبلىستىڭ جالپى وڭىرلىك ونىمدەگى اۋىل شارۋاشىلىعىنىڭ ۇلەسى 2,6 پايىزدان 3,7 پايىزعا ۇلعايدى. ايماقتىڭ ەكسپورتتىق الەۋەتى دە ارتتى: ەگەر 2013 جىلى ءبىز تەك 3 ءونىم ءتۇرىن ەكسپورتتاعان بولساق، قازىر ولاردىڭ سانى 18-گە جەتتى", - دەپ اتاپ ءوتتى ايماق باسشىسى.

اگروونەركاسىپ كەشەنىن دامىتۋ ماسەلەلەرى جونىندەگى سەميناردا وبلىستىق اۋىل شارۋاشىلىعى باسقارماسى باسشىسىنىڭ م. ا. سەيىلبەك نۇرىمبەتوۆ 2019 جىلعى اۋىل شارۋاشىلىعى سالاسىنىڭ نەگىزگى كورسەتكىشتەرى تۋرالى باياندادى.

"اعىمداعى جىلى وبلىس بويىنشا 183,1 مىڭ گا اۋىىلشارۋاشىلىق داقىلدارى ەگىلدى، ونىڭ ىشىندە نەگىزگى داقىل كۇرىش – 87,9 مىڭ گا. وتكەن جىلمەن سالىستىرعاندا كۇرىشتەن باسقا ءداندى داقىلداردىڭ ەگىستىك القابى 2,4 مىڭ گا، مال ازىقتىق داقىلدارى – 3,4 مىڭ گا، كارتوپ، كوكونىس جانە باقشا داقىلدارى-639 گا ارتتى. وبلىستا العاش رەت سويا جانە قانت قۇمايى ەگىلدى. ايماقتاعى شارۋاشىلىقتار مينەرالدى تىڭايتقىشتار، گەربيتسيدتەر مەن اۋىل شارۋاشىلىق تەحنيكالارىن دايىندادى، مەتەورولوگيالىق بولجام قولايلى، ءونىمدى جيناۋ جوسپارلانعان مەرزىمدە اياقتالادى دەپ كۇتىلۋدە", - دەدى باسقارما باسشىسىنىڭ مىندەتىن اتقارۋشى.

سونداي-اق، سەميناردا ءوڭىردىڭ اۋىل شارۋاشىلىعى مەكەمەلەرىنىڭ باسشىلارى، جالاعاش، شيەلى جانە قارماقشى اۋداندارىنىڭ اكىمدەرى بايانداما جاسادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610