بەيسەنبى, 17 قازان 2019
1185 1 پىكىر 6 قىركۇيەك, 2019 ساعات 11:57

پۋتين ۋكراينامەن تۇتقىندار الماسۋ جايىندا پىكىر ءبىلدىردى

رەسەي پرەزيدەنتى ۆلاديمير پۋتين ۆلاديۆوستوكتا شىعىس ەكونوميكالىق فورۋمىندا ماسكەۋ مەن كيەۆتىڭ تۇتقىندار الماسۋ تۋرالى كەلىسسوزىنە بايلانىستى پىكىر ءبىلدىردى.

پۋتين تۇتقىندار الماسۋدى "كولەمدى جوبا" ەكەنىن ايتىپ، بۇل ەكى ەلدىڭ قارىم-قاتىناسىنىڭ جاقسارۋىنا "جاقسى قادام" بولادى دەپ اتاپ ءوتتى.

بىراق تۇتقىندار الماساتىن ۋاقىتتى ناقتى ايتپادى. "ينتەرفاكس" اگەنتتىگى مالىمەتىنە قاراعاندا، الماسۋ 7 قىركۇيەكتە ءوتۋى مۇمكىن.

ۋكراينا پرەزيدەنتى ۆلاديمير زەلەنسكي جاقىن ارادا كەلىسسوزدەردىڭ العاشقى ناتيجەسى بولاتىنىنا ءۇمىت ارتتى.

30 تامىزدا رەسەي مەن ۋكراينا تۇتقىنداردى الماستىرۋ بويىنشا ءبىر-بىرىنە كەرەعار اقپاراتتار تاراي باستاعان. كەيىن بۇل مالىمەتتەر تەرىستەلدى.

وتكەن ايدان باستاپ ەكى ەل تۇتقىندار الماستىرۋ بويىنشا ءجيى كەلىسسوزدەر وتكىزە باستادى.

Abai.kz

1 پىكىر