جۇما, 29 ناۋرىز 2024
3664 11 پىكىر 13 قىركۇيەك, 2019 ساعات 10:26

مەملەكەت باسشىسى دجەك مامەن كەزدەستى

قاسىم-جومارت توقاەۆ «Alibaba Group» كومپانياسىنىڭ نەگىزىن قالاۋشى دجەك مامەن كەزدەستى.

قىتايلىق بيزنەسمەنمەن كەزدەسۋ كەزىندە الەمدىك ەكونوميكاداعى زاماناۋي جانە ماڭىزدى ماسەلەلەر، كاسىپكەرلىك پەن ەلەكتروندى كوممەرتسيانى دامىتۋ جاعدايى ءسوز بولدى.

مەملەكەت باسشىسى دجەك مانى قىتاي حالىق رەسپۋبليكاسىنىڭ 70 جىلدىق مەرەكەسىمەن جانە «Alibaba Group» كومپانياسىنىڭ قۇرىلعانىنا 20 جىل تولۋىمەن قۇتتىقتاپ، ەكى ەل اراسىنداعى ستراتەگيالىق ارىپتەستىكتە زاماناۋي تەحنولوگيا سالاسى ماڭىزدى ءرول اتقاراتىنىن ايتتى.

– مەن ءسىزدىڭ قازاقستانعا قولداۋ كورسەتەم دەگەن نيەتىڭىزدى جوعارى باعالايمىن. ءبىز قازاقستان مەن قىتايدىڭ اراسىنداعى تسيفرلىق ەكونوميكانى دامىتۋعا قاتىستى ستراتەگيالىق كەلىسىم جاسادىق. وسى ىسكە ءسىزدىڭ دە اتسالىسقانىڭىزدى قالايمىز،– دەدى قاسىم-جومارت توقاەۆ.

ءوز كەزەگىندە الەمدەگى ەڭ اۋقاتتى ادامداردىڭ ءبىرى دجەك ما قازاقستاندا بىرنەشە رەت بولعانىن، ءبىزدىڭ ەلدىڭ مادەنيەتى مەن ادامدارى ەرەكشە اسەر قالدىرعانىن جەتكىزدى. ول ءوزىنىڭ تاجىريبەسىن قازاقستاندىقتارمەن بولىسۋگە دايىن ەكەنىن مالىمدەدى.

«Alibaba Group» كومپانياسى ديرەكتورلار كەڭەسىنىڭ توراعاسى چجان يۋن مەملەكەت باسشىسىنا الەمدىك ينتەرنەت ساۋدانىڭ كوشباسشىسى سانالاتىن ۇجىمنىڭ تاريحى مەن قىزمەتى جايىندا، قالىپتاسقان وزىندىك ءداستۇرى تۋرالى، بولاشاقتاعى جوسپارلارى مەن ەلەكتروندى كوممەرتسياداعى جاڭا ترەندتەر حاقىندا باياندادى.

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610