بەيسەنبى, 28 ناۋرىز 2024
4717 1 پىكىر 18 قىركۇيەك, 2019 ساعات 11:27

«اق جول» پارتياسى «ححI عاسىرداعى الاشتىڭ اق جولى» جالپىۇلتتىق بايقاۋىن جاريالايدى

بايقاۋدىڭ باستى ماقساتى – الاش قوزعالىسىنىڭ ساياسي تاجىريبەسىن، ەكونوميكالىق ۇستانىمىن جانە رۋحاني مۇراسىن قازىرگى قازاقستان قوعامىن جاڭعىرتۋ كونتەكسىندە زەردەلەۋ مەن ناسيحاتتاۋ.

بايقاۋعا الاش قوزعالىسى تاقىرىبىندا زەرتتەۋلەرمەن اينالىسىپ جۇرگەن 18-35 جاس ارالىعىنداعى قازاقستان جانە شەتەل ازاماتتارى قاتىسا الادى.

بايقاۋ جۇمىستارى قازاق، ورىس جانە اعىلشىن تىلدەرىندە قابىلدانادى.

بايقاۋ كەلەسى  نوميناتسيالار بويىنشا وتكىزىلەدى:

1. الاش قايراتكەرلەرىنىڭ مەملەكەتتىلىك تۋرالى يدەيالارىنىڭ قازىرگى قازاقستان قوعامى ءۇشىن وزەكتىلىگى مەن ماڭىزدىلىعى:

–          الاش جانە پارلامەنتاريزم;

–          الاش جانە ديپلوماتيا;

–          الاش جانە ساياسي پارتيالار;

–          الاش جانە مەملەكەتتى باسقارۋ فورماسى;

–          الاش جانە دەموكراتيالىق قۇندىلىقتار،

–          الاش جانە قۇقىقتىق سانا، ت.ب.

2. الاش ۇستانىمى جانە بۇگىنگى ۇلتتىق ەكونوميكامەن الەۋمەتتىك سالانى جەتىلدىرۋ ماسەلەلەرى:

–          الاش قايراتكەرلەرىنىڭ كوشپەلى جانە وتىرىقشى شارۋاشىلىق تۋرالى پىكىرتالاستارى;

–          قازاقستاننىڭ شيكىزات قورى جانە ونەركاسىپتى دامىتۋ;

–          الاش جانە ەڭبەك قوعامىن قالىپتاسىرۋ;

–          الاش جانە نارىق;

–          الاش جانە سالىق ماسەلەسى، ت.ب.

3. ۇلى دالا جەتىستىكتەرىنزەردەلەۋدەگى الاشتىڭ رۋحاني مۇراسىنىڭ ورنى:

–          الاش قايراتكەرلەرىنىڭ تۇركى الەمىنىڭ گەنەزيسى تۋرالى زەرتتەۋلەرى;

–          الاش قالامگەرلەرى شىعارماشىلىنداعى «التاي»، «تۇركىستان»، ت.ب. كيەلى ۇعىمداردىڭ بەينەسى;

–          الاش جانە مادەني كود;

–          الاش يدەيالارى جانە ۇلتتىق برەند، ت.ب.

باق جۋرناليستەرى ءۇشىن ارنايى نوميناتسيا

4. بۇگىنگى زامان كونتەكسىندەگى الاش:

–          پۋبليتسيستىك ماقالالار;

–          دەرەكتى فيلمدەر;

–          حابارلار;

–          رەپورتاجدار;

–          جۋرناليستىك زەرتتەۋلەر;

–          سۇحباتتار;

–          توك-شوۋ شىعارىلىمى.

بايقاۋ ءۇش كەزەڭنەن تۇرادى:

1-كەزەڭدە  بايقاۋعا كەلىپ تۇسكەن جۇمىستارعا قازىلار القاسى ساراپتاما جاساپ، ىرىكتەۋدەن وتكىزەدى.

2-كەزەڭدە  ۇزدىك 40 جۇمىستىڭ اۆتورلارى تاقىرىبى بويىنشا بايانداما جاساپ، ءوز نوميناتسياسىنداعى قارسىلاس ۇمىتكەرلەرمەن پىكىرتالاسقا تۇسەدى.

3-كەزەڭ الاشوردا ۇكىمەتىنىڭ قۇرىلعان كۇنى قارساڭىندا، جەلتوقسان ايىندا وتكىزىلەدى. بايقاۋدىڭ اقتىق سىنىنا قاتىسۋشىلار ءوز جۇمىستارىن قورعاپ، قازىلار القاسىنىڭ شەشىمىمەن جەڭىمپازدار مەن جۇلدەگەرلەر انىقتالادى.

بايقاۋ شارتتارى:

  1. جۇمىس ءبىر ادامنىڭ (جەكە ۇمىتكەردىڭ) اتىنان  جانە ءوزى كورسەتكەن نوميناتسيا بويىنشا ۇسىنىلادى;
  2. جۇمىستا الاش قايراتكەرلەرى كوزقاراستارىنىڭ بۇگىنگى داۋىرمەن ساباقتاستىعى مىندەتتى تۇردە قامتىلۋى ءتيىس;
  3. پلاگياتقا (باسقا اۆتورلاردىڭ دايىن جۇمىستارىن كوشىرىپ ۇسىنۋعا) جول بەرىلمەيدى;
  4. شىعارما باستاقىرىبىنىڭ ونىڭ مازمۇنىنا سايكەس كەلگەنى جانە تاپقىر دا جيناقى قويىلعانى ماقۇلدانادى;
  5. جۇمىستا سىلتەمە جاسالعان دەرەككوزدەر ءدال، ناقتى جانە شىنايى بولۋى قاجەت;
  6. تالاپقا ساي بەزەندىرىلمەگەن جانە مەرزىمىنەن كەش جولدانعان جۇمىستار قابىلدانبايدى.
  7. وسىعان دەيىنگى جەڭىمپازدار بايقاۋعا قاتىسا المايدى.

ماقالانى (ەسسەنى) راسىمدەۋ تالاپتارى:

ءماتىن 14 ولشەمدى Times New Roman قارپىمەن تەرىلەدى; جولارالىق ينتەرۆال – 1; ابزاتس شەگىنىسى – 1,25 سم; بەتتىڭ وڭ جاعىنان – 3 سم، ۇستىڭگى جانە استىڭعى جاعىنان –  2 سم، سول جاعىنان 1,5 سم كەڭىستىك قالدىرىلادى.

بايقاۋعا قاتىسۋ تۋرالى وتىنىشتە جۇمىس اۆتورىنىڭ تولىق اتى-ءجونى، تۋعان جىلى، تۇرعىلىقتى مەكەن-جايى، قىزمەت (وقۋ) ورنى، عىلىمي دارەجەسى (بار بولسا), ۇيالى بايلانىس تەلەفونى مەن ەلەكتروندى پوشتاسى تولىق كورسەتىلەدى.

ماقالانىڭ (ەسسەنىڭ) كولەمى 10 بەتتەن اسپاۋى ءتيىس.

بايقاۋعا ۇسىنىلاتىن جۇمىستار  2019 جىلدىڭ 1 قازانىنا دەيىن قابىلدانادى.

بايقاۋدىڭ جۇلدە قورى – 4 ميلليون تەڭگە. ول كەلەسى ءتارتىپ بويىنشا بولىنەدى:

2-كەزەڭگە جولداما العان ۇمىتكەرلەردىڭ ارقايسىسىنا (اقتىق سىنعا وتەتىن 12 قاتىسۋشىدان باسقاسىنا) 25 مىڭ تەڭگەدەن قارجىلاي سىيلىق بەرىلەدى.

اقتىق سايىس قورىتىندىسى بويىنشا نوميناتسيانىڭ جەڭىمپازدارى مەن جۇلدەگەرلەرىنە بەرىلەتىن قارجىلاي سىيلىق كولەمى:

ءبىرىنشى ورىن – 300 000 ء(ۇش ءجۇز مىڭ) تەڭگە;

ەكىنشى ورىن – 200 000 (ەكى ءجۇز مىڭ) تەڭگە;

ءۇشىنشى ورىن – 100 000 ء(جۇز مىڭ) تەڭگە.

جەڭىمپازدار  مەن جۇلدەگەرلەرگە جالپىۇلتتىق «الاشتىڭ اق جولى بايقاۋىنىڭ لاۋرەاتى» توسبەلگىسى تابىستالادى.

بايقاۋ جەڭىمپازدارى (1-ورىن) مەن جۇلدەگەرلەرىنىڭ (2,3-ورىندار) ماقالالارى جەكە جيناق تۇرىندە جارىق كورەدى.

بايقاۋدىڭ 2 جانە 3-كەزەڭدەرىنە قاتىسۋشىلاردىڭ ءىسساپار جانە جاتىن ورىن شىعىندارى «اق جول» قدپ  تاراپىنان تولەنەدى.

بايقاۋ جۇمىستارى «ءححى عاسىرداعى الاشتىڭ اق جولى» بەلگىسىمەن «اق جول» قازاقستاننىڭ دەموكراتيالىق پارتياسى ورتالىق اپپاراتىنىڭ مەكەن-جايىنا (نۇر-سۇلتان قالاسى، ماڭگىلىك ەل، 30, «اق جول» قدپ كەڭسەسىنە) نەمەسە alash_akzhol@mail.ru; akzholpress@mail.ru ەلەكتروندىق پوشتاسىنا جولدانادى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532