جۇما, 29 ناۋرىز 2024
بيلىك 4153 0 پىكىر 24 قىركۇيەك, 2019 ساعات 11:39

نۇرلان نىعماتۋلين مۋن حي سانمەن كەزدەستى

ءماجىلىس توراعاسى نۇرلان نىعماتۋلين ەۋرازيا ەلدەرى پارلامەنتتەرى سپيكەرلەرىنىڭ 4-كەڭەسىنە قاتىسۋعا كەلگەن كورەيا رەسپۋبليكاسى ۇلتتىق اسسامبلەياسىنىڭ توراعاسى  مۋن حي سانمەن الداعى فورۋم جايىن اڭگىمەلەدى.

ن. نىعماتۋلين اتاپ وتكەندەي، بۇل فورۋم قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ ەۋرازيالىق يدەياسىنىڭ 25 جىلدىعىمەن سايكەس كەلدى. مۇنداي اۋقىمدى ءارى بەدەلدى پارلامەنتتىك فورۋم قازاقستاندا العاش رەت ۇيىمداستىرىلدى.

مارتەبەلى مەيمان ءوز كەزەگىندە قازاقستاننىڭ ەۋرازيا جۇرەگىندە ورنالاسقانىن جانە بۇل يدەيانى قازاقستاننىڭ تۇڭعىش پرەزيدەنتىنىڭ جاريالاۋى زاڭدىلىق ەكەنىن ايتتى.

مۋن حي سان ءبىزدىڭ ەلىمىزدى كورەيانىڭ ماڭىزدى ارىپتەسى دەي وتىرىپ، جان-جاقتى ىنتىماقتاستىقتى دامىتۋعا ىنتالى ەكەنىن جەتكىزدى.

بيىل ەكى ەل اراسىندا ستراتەگيالىق ارىپتەستىكتىڭ ورناعانىنا 10  جىل تولدى. وسى ۋاقىتتار ىشىندە، ءبىزدىڭ ەلدەرىمىز ءوزارا قاتىناستىڭ جوعارى دەڭگەيىنە كوتەرىلدى.

كەزدەسۋ سوڭىندا نۇرلان نىعماتۋلين 4-كەڭەس پارلامەنتارالىق ءىس-قيمىلدىڭ ءتيىمدى تەتىگىن قۇرۋعا، ەۋرازيا كەڭىستىگىندەگى زاڭنامالىق ورگاندار اراسىندا كوپجاقتى ديالوگ ورناتۋعا ىقپال ەتەتىنىنە سەنىم ءبىلدىردى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610