بەيسەنبى, 14 قاراشا 2019
جاڭالىقتار 3096 26 پىكىر 23 قازان, 2019 ساعات 15:32

ەكس-پرەزيدەنتتىڭ اتاق-ماراپاتتارى. پليۋس 3

ەلىمىزدىڭ ەكس-پرەزيدەنتى نۇرسۇلتان نازارباەۆ كۇنى كەشە جاپون يمپەراتورى نارۋحيتونىڭ تاققا وتىرۋ راسىمىنە قاتىسىپ قايتتى. وسى ساپارىندا نازارباەۆقا تسۋكۋبا ۋنيۆەرسيتەتىنىڭ قۇرمەتتى دوكتورى اتاعى بەرىلىپتى. بۇل تۋرالى ونىڭ ءباسپاسوز حاتشىسى ايدوس ۇكىباي Twitter-دەگى پاراقشاسىندا جازدى. 

قازاقستاننىڭ تۇڭعىش پرەزيدەنتى وتكەن اپتادا عانا تۇركى الەمىنىڭ وردەنىمەن ماراپاتتالعان ەدى. بۇل وردەن 15 قازاندا ازەربايجان استاناسى باكۋدە وتكەن تۇركىتىلدەس ەلدەردىڭ ىنتىماقتاستىق كەڭەسىنىڭ سامميتىندە تابىستالدى. ءدال وسى جينالىستا نازارباەۆقا «تۇركىتىلدەس ەلدەردىڭ كەڭەسىنىڭ ءومىر بويعى قۇرمەتتى توراعاسى» اتاعى دا بەرىلگەن بولاتىن.

وسىلايشا، نۇرسۇلتان نازارباەۆ ون كۇنگە تولمايتىن ۋاقىتتا ەكى بىردەي قۇرمەتتى اتاققا يە بولىپ وتىر. بىراق بۇنداي اتاقتار مەن وردەندەر ەكس-پرەزيدەنت ءۇشىن دە، ەل-جۇرت ءۇشىن دە تاڭسىق ەمەس. الەمنىڭ ءار تۇكپىرىنەن العان قۇرمەتتى پروفەسسور، قۇرمەتتى دوكتور، قۇرمەتتى توراعا سىندى اتاقتار تۇڭعىش پرەزيدەنتتە بۇرىن دا بولعان.

نۇرسۇلتان نازارباەۆتىڭ قازىرگى قىزمەتتەرى:

ول بيىل ناۋرىزدا پرەزيدەنت وكىلەتىن توقتاتاتىنىن مالىمدەگەن. بىراق «نۇر وتان» پارتياسىنىڭ ليدەرى جانە قاۋىپسىزدىك كەڭەسىنىڭ توراعاسى قىزمەتىندە قالدى.

- قازاقستان رەسپۋبليكاسىنىڭ قاۋىپسىزدىك كەڭەسىنىڭ توراعاسى،

- «Nur Otan» پارتياسىنىڭ توراعاسى،

- قازاقستان حالقى اسسامبلەياسىنىڭ توراعاسى،

- قازاقستان رەسپۋبليكاسى ۇلتتىق ءال-اۋقات قورىن باسقارۋ جونىندەگى كەڭەستىڭ توراعاسى،

- نازارباەۆ ۋنيۆەرسيتەتى، زياتكەرلىك مەكتەبى جانە قوردىڭ جوعارى قامقورشىلىق كەڭەسى توراعاسى،

- دۇنيەجۇزى قازاقتارى قاۋىمداستىعىنىڭ توراعاسى.

نۇرسۇلتان نازارباەۆتىڭ اتاقتارى مەن ماراپاتتارى:

- «ەلباسى» ستاتۋسى،

- «قۇرمەتتى سەناتور» اتاعى،

- «ەۋرازيا ەكونوميكالىق وداعىنىڭ قۇرمەتتى توراعاسى» اتاعى،

- «تۇركىتىلدەس مەملەكەتتەردىڭ ىنتىماقتاستىعى كەڭەسىنىڭ عۇمىر بويعى قۇرمەتتى توراعاسى» مارتەبەسى،

بۇلاردان بولەك:

- رەزەرۆ پەن زاپاستاعى وفيتسەرلەر ۇيىمدارىنىڭ حالىقارالىق كەڭەسشiلەر كوميتەتi بەرگەن «№1 رىتسار» اتاعى،

- قازاقستان عالىمدارى بەرگەن «عاسىر عۇلاماسى» اتاعى،

- رەسەيدە «حالىقارالىق قاتىناس» اتالىمى بويىنشا بەرىلەتىن «جىل ادامى» اتاعى(ۇش مارتە 2012, 2014, 2015),

- «حيروسيما قالاسىنىڭ ايرىقشا قۇرمەتتى ازاماتى» سىندى ارناۋلى اتاقتارى دا بار.

نۇرسۇلتان نازارباەۆتىڭ عىلىمي دارەجەلەرى مەن اتاقتارى:

- ءال-فارابي اتىنداعى قازاق مەملەكەتتىك ۋنيۆەرسيتەتىنىڭ قۇرمەتتى دوكتورى،

- قوجا احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ قۇرمەتتى پروفەسسورى،

- حالىقارالىق ينجەنەرلىك اكادەمياسىنىڭ اكادەميگى (رەسەي),

- بەلارۋس رەسپۋبليكاسى عىلىم اكادەمياسىنىڭ شەتەلدىك مۇشەسى (بەلارۋس),

- قوجا احمەت ياساۋي سىيلىعىنىڭ لاۋرەاتى،

- م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ ەسكەرتكىش تاڭباسى (رەسەي),

- م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قۇرمەتتى پروفەسسورى (رەسەي),

- رۋمىنيا عىلىم اكادەمياسىنىڭ قۇرمەتتى ەكونوميكا اكادەميگى (رۋمىنيا),

- «نۇري حۋدجانت» حالىقتىق اكادەمياسىنىڭ قۇرمەتتى اكادەميگى (تاجىكستان),

- رۋمىنيا ەكونوميكا عىلىمدارى اكادەمياسىنىڭ قۇرمەتتى ەكونوميكا دوكتورى (رۋمىنيا),

- حالىقارالىق ينجەنەرلىك اكادەمياسىنىڭ اكادەميگى (رەسەي),

- بەلارۋس رەسپۋبليكاسى عىلىم اكادەمياسىنىڭ شەتەلدىك مۇشەسى (بەلارۋس),

- قوجا احمەت ياساۋي سىيلىعىنىڭ لاۋرەاتى،

- م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ ەسكەرتكىش تاڭباسى (رەسەي),

- م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قۇرمەتتى پروفەسسورى (رەسەي),

- رۋمىنيا عىلىم اكادەمياسىنىڭ قۇرمەتتى ەكونوميكا اكادەميگى (رۋمىنيا),

- «نۇري حۋدجانت» حالىقتىق اكادەمياسىنىڭ قۇرمەتتى اكادەميگى (تاجىكستان),

- رۋمىنيا ەكونوميكا عىلىمدارى اكادەمياسىنىڭ قۇرمەتتى ەكونوميكا دوكتورى (رۋمىنيا),

- حالىقارالىق ينجەنەرلىك اكادەمياسىنىڭ جۇلدەسى (رەسەي),

- حالىقارالىق شىعارماشىلىق اكادەمياسىنىڭ قۇرمەتتى اكادەميگى (رەسەي),

- حالىقارالىق تەحنولوگيالار عىلىمدارى اكادەمياسىنىڭ اكادەميگى (رەسەي),

- موڭعول مەملەكەتتىك ۋنيۆەرسيتەتىنىڭ قۇرمەتتى دوكتورى (موڭعوليا),

- حالىقارالىق شىعارماشىلىق اكادەمياسىنىڭ قۇرمەتتى مۇشەسى (رەسەي),

- پلاتوننىڭ التىن مەدالى،

- ل.ن.گۋميلەۆ اتىنداعى سىيلىقتىڭ لاۋرەاتى (رەسەي),

- رەسەي فەدەراتسياسىنىڭ پرەزيدەنتى جانىنداعى رەسەي مەملەكەتتىك قىزمەت اكادەمياسىنىڭ قۇرمەتتى دوكتورى (رەسەي),

- «قۇرمەتتى پروفەسسور» ەستەلىك مەدالى،

- ەرەۆان مەملەكەتتىك ۋنيۆەرسيتەتىنىڭ قۇرمەتتى دوكتورى (ارمەنيا),

- عىلىمعا ۇلكەن ۇلەس قوسقانى ءۇشىن - قر ۇلتتىق عىلىم اكادەمياسى،

- انا تiلدiڭ ايبارى،

- يسلام الەمى عىلىمدارى اكادەمياسىنىڭ قۇرمەتتى مۇشەسى (يوردانيا),

- ءتىل جاناشىرى،

- م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قۇرمەتتى دوكتورى (رەسەي),

- كەمبريدج ۋنيۆەرسيتەتىنىڭ قۇرمەتتى پروفەسسورى (ۇلىبريتانيا),

- تاجىك ۇلتتىق مەملەكەتتىك ۋنيۆەرسيتەتىنىڭ قۇرمەتتى دوكتورى (تاجىكستان),

- د.كانتەمير اتىنداعى حريستيان ۋنيۆەرسيتەتىنىڭ قۇرمەتتى دوكتورى (رۋمىنيا),

- «وكان» ۋنيۆەرسيتەتىنىڭ قۇرمەتتى دوكتورى (تۇركيا),

- ت.گ.شەۆچەنكو اتىنداعى كيەۆ ۇلتتىق ۋنيۆەرسيتەتىنىڭ قۇرمەتتى دوكتورى (ۋكراينا),

- كورەي ۋنيۆەرسيتەتىنىڭ قۇرمەتتى دوكتورى (كورەيا),

- ۆەتنام مەملەكەتتىك ۋنيۆەرسيتەتىنىڭ قۇرمەتتى دوكتورى (ۆەتنام سوتسياليستىك رەسپۋبليكاسى),

- تسۋكۋبا ۋنيۆەرسيتەتىنىڭ قۇرمەتتى دوكتورى (جاپونيا),

- «ەنسەي» ۋنيۆەرسيتەتىنىڭ قۇرمەتتى عىلىم دوكتورى (كورەيا),

- ەۋرازيا ۇلتتىق ۋنيۆەرسيتەتىنىڭ قۇرمەتتى دوكتورى،

- قازان فەدەرالدى ۋنيۆەرسيتەتىنىڭ قۇرمەتتى دوكتورى (رەسەي).

شەت مەملەكەتتەردىڭ اتاقتارى، تيتۋلدارى مەن ناگرادالارى:

– تاريحي ادىلەتتىلىكتى قالپىنا كەلتىرۋ – پراۆوسلاۆتىك شىركەۋدىڭ كيەسىن قايتارۋداعى پايدالى قىزمەتى ءۇشىن 1 دارەجەلى اۋليە تاقۋا ماسكەۋلىك كنياز ءدانيلدىڭ وردەنى (ورىس پراۆوسلاۆتىك شىركەۋى، 13 قاراشا 1996 ج.).

– «يتاليا رەسپۋبليكاسىنا سىڭىرگەن ەڭبەگى ءۇشىن» ۇلكەن لەنتامەن كومكەرىلگەن ۇلكەن كرەستىڭ يەگەرى وردەنى (يتاليا رەسپۋبليكاسى، 5 مامىر 1997 ج.).

– ۋكراينا مەن قازاقستان رەسپۋبليكاسى اراسىنداعى دوستىق پەن ىنتىماقتاستىقتى دامىتۋعا قوسقان اسا زور ۇلەسى ءۇشىن I دارەجەلى كنياز ياروسلاۆ مۋدرىي وردەنى (ۋكراينا، 14 قازان 1997 ج.).

– «بۋيۋك حيزماتلاري ۋچۋن» وردەنى (وزبەكستان رەسپۋبليكاسى، 31 قازان 1998 ج.) وزبەكستان رەسپۋبليكاسى مەن قازاقستان رەسپۋبليكاسى اراسىنداعى دوستىق پەن ءتيىمدى ىنتىماقتاستىق قارىم-قاتىناستاردى دامىتۋعا، تاريحي قالىپتاسقان وزبەك-قازاق مادەني، رۋحاني جانە ەكونوميكالىق بايلانىستاردى ودان ءارى تەرەڭدەتۋگە، ەكى ەلدىڭ حالىقتارى اراسىنداعى تاتۋكورشىلىك دانەكەرلىكتى نىعايتۋعا قوسقان اسا زور ۇلەسى ءۇشىن.

– اۋليە اندرەي پەرۆوزۆاننىي وردەنى (رەسەي فەدەراتسياسى، 12 قازان 1998 ج.) – رەسەي مەن قازاقستان حالىقتارى اراسىنداعى دوستىق پەن ىنتىماقتاستىقتى نىعايتۋعا قوسقان زور ۇلەسى ءۇشىن.

– «رۋمىنيا جۇلدىزى» وردەنى («ستياۋا رومىنيەي») (رۋمىنيا، 11 قاراشا 1999 ج.) – رۋمىنيا مەن قازاقستان رەسپۋبليكاسى اراسىنداعى ىنتىماقتاستىق پەن بەيبىتشىلىكتى، ءوزارا تۇسىنىستىكتى دامىتۋعا قوسقان ايرىقشا ەڭبەگى ءۇشىن.

– «اۆستريا رەسپۋبليكاسىنا سىڭىرگەن ەڭبەگى ءۇشىن ۇلكەن قۇرمەت جۇلدىزى» وردەنى (اۆستريا رەسپۋبليكاسى، ناۋرىز 2000 ج.) – اۆستريا مەن قازاقستان اراسىنداعى ەكونوميكا، ساياسات جانە مادەنيەت سالالارىنداعى دوستىق بايلانىستاردى نىعايتۋ ىسىنە سىڭىرگەن زور ەڭبەگى ءۇشىن.

– «ۇلى ۆيتاۋتاس ۇلكەن كرەست» وردەنى (ليتۆا رەسپۋبليكاسى، 11 مامىر، 2000 ج.) – ليتۆا مەن قازاقستان اراسىنداعى مەملەكەتارالىق قاتىناستاردى دامىتۋ ىسىنە قوسقان جەكە ۇلەسى مەن ەڭبەگى ءۇشىن.

– يسمويلي سوموني وردەنى (تاجىكستان رەسپۋبليكاسى، 6 شىلدە 2000 ج.) – تاجىكستان مەن قازاقستان حالىقتارى اراسىنداعى ءداستۇرلى تۋىسقاندىق بايلانىستاردى، دوستىق پەن ءوزارا تيىمدى ىنتىماقتاستىقتى تەرەڭدەتۋگە سىڭىرگەن ۇلكەن ەڭبەگى، تاجىكستاندا بەيبىتشىلىك ورناتۋعا قوسقان ماڭىزدى ۇلەسى، سونداي-اق تاۋەلسىز مەملەكەتتەر دوستاستىعىنىڭ حالىقتارىن جاقىنداستىرۋ جونىندەگى قاجىماس كۇش-جىگەرى ءۇشىن.

– اۋليە ميحايل مەن اۋليە گەورگي وردەنىنىڭ ۇلكەن كرەسى (ۇلىبريتانيا، 15 قاراشا 2000 ج.) – يادرولىق قارۋسىزدانۋ ىسىنە قوسقان زور ۇلەس، ءۇشىن.

– قۇتقارۋشى وردەنى (گرەكيا رەسپۋبليكاسى، 16 شىلدە 2001 ج.).

– ۇلكەن جۇلدىزى بار لەنتاداعى توميسلاۆ كورول وردەنى (حورۆاتيا، 18 شىلدە 2001 ج.) – حورۆاتيا رەسپۋبليكاسى مەن قازاقستان رەسپۋبليكاسى اراسىنداعى دوستىق بايلانىستاردى دامىتۋعا قوسقان ۇلەسى ءۇشىن.

– IX پي وردەنى (ۆاتيكان، 11 قازان 2001 ج.) – مەملەكەتتى باسقارۋداعى شەبەرلىگى مەن تالانتتىعى ءۇشىن، سونىمەن بىرگە استاناداعى قابىلداۋدا كورسەتىلگەن قۇرمەتكە ريزالىق بەلگىسى رەتىندە.

– بوستاندىق التىن وردەنى (سلوۆەنيا رەسپۋبليكاسى، 22 مامىر 2002 ج.) – سلوۆەنيا رەسپۋبليكاسى مەن قازاقستان رەسپۋبليكاسى اراسىنداعى دوستىق قارىم-قاتىناستاردى نىعايتۋداعى سىڭىرگەن ەڭبەگىن مويىنداعانى ءۇشىن.

– اق قىران وردەنى (پولشا رەسپۋبليكاسى، 24 مامىر 2002 ج.)

– پولشا رەسپۋبليكاسى مەن قازاقستان رەسپۋبليكاسى اراسىنداعى دوستىق پەن ىنتىماقتاستىقتى دامىتۋعا قوسقان اسا زور ۇلەسى ءۇشىن.

– «ۇلى بادر القاسى» وردەنى (ساۋد اراۆياسى كورولدىگى، 3 ناۋرىز 2004 ج.).

– I لەوپولد وردەنى (بەلگيا كورولدىگى، 5 جەلتوقسان 2006 ج.).

– «تاۋەلسىزدىك» وردەنى (كاتار مەملەكەتى، 11 ناۋرىز 2007 ج.).

– احمات كادىروۆ وردەنى (شەشەنستان رەسپۋبليكاسى، 4 ماۋسىم 2007 ج.)

– I دارەجەلى قوسارلى اق كرەست وردەنى (سلوۆاكيا رەسپۋبليكاسى، 21 قاراشا 2007 ج.).

– «رۋمىنيا پارلامەنتى سەناتىنا 140 جىل» مەرەكەلىك مەدالى (رۋمىنيا، 22 قاراشا 2007 ج.).

– «القالى ۇلكەن كرەست» وردەنى (ۆەنگريا، 23 قاراشا 2007 ج.).

– «ۇلى ءنىل» وردەنى (مىسىر، 17 مامىر 2008 ج.).

– قۇرمەتتى لەگيون وردەنىنىڭ ۇلكەن كرەسى (فرانتسيا رەسپۋبليكاسى، 11 ماۋسىم 2008 ج.).

– «ۇلكەن لەنتاداعى حريزانتەما» وردەنى (جاپونيا، 19 ماۋسىم 2008 ج.).

– «ەمەن ءتاجى» وردەنى (ليۋكسەمبۋرگ ۇلى گەرتسوگتىگى، 27 ماۋسىم 2008 ج.).

– «ەردەنە وچير» وردەنى (موڭعوليا، 6 تامىز 2008 ج.).

– «ءۇش جۇلدىز» وردەنى (لاتۆيا رەسپۋبليكاسى، 3 قازان 2008 ج.).

– «زايد» وردەنى (بىرىككەن اراب امىرلىكتەرى، 16 ناۋرىز 2009 ج.).

– فينليانديانىڭ اق راۋشانگۇل وردەنى (فينليانديا، 24 ناۋرىز 2009 ج.).

– «مۋگۋنحۆا» وردەنى (ماڭگى گۇلدەيتىن راۋشانگۇل) (كورەيا رەسپۋبليكاسى، 13 مامىر 2009 ج.).

– ءبىرىنشى دارەجەلى تۇركيا رەسپۋبليكاسىنىڭ وردەنى (تۇركيا رەسپۋبليكاسى، 22 قازان 2009 ج.).

– اتاق پەن ابىروي وردەنى (ورىس پراۆوسلاۆتىك شىركەۋى، 18 قاڭتار 2010 ج.) – دىنيارالىق سەرىكتەستىكتى حالىقتار اراسىنداعى بەيبىتشىلىك پەن دوستىقتى نىعايتۋ ىسىنە قوسقان ۇلكەن ەڭبەگى ءۇشىن.

– بوستاندىق وردەنى ()ۋكراينا، 6 شىلدە 2010 ج. – ۋكرايندىق-قازاقستاندىق سەرىكتەستىكتى دامىتۋعا قوسقان جەكە ۇلەسى ءۇشىن.

– ماريا جەرى كرەسىنىڭ وردەنى (ەستونيا رەسپۋبليكاسى، 18 ءساۋىر 2011 ج.) – ەستونيا رەسپۋبليكاسى الدىنداعى ەرەشە ەڭبەگى ءۇشىن.

دايىنداعان قۋانىش قاپپاس

Abai.kz

26 پىكىر