Jeksenbi, 15 Qırküyek 2019
Jañalıqtar 2260 0 pikir 30 Mausım, 2009 sağat 21:39

Bolat Ayuhanov, Qazaqstannıñ halıq ärtisi: Aqtöbede baletti bağalay biletinder köp

 

Ötken aptanıñ senbi, jeksenbi künderi gastrol'dik saparmen Aqtöbege at basın tiregen Qazaqstan Respublikası memlekettik akademikalıq «Almatınıñ jas baleti» bi teatrı jwrtşılıqtı ayşıqtı önermen susındattı. Balet önerin süyip tamaşalaytındar eki kün qatarınan Studentter sarayında Qazaqstannıñ eñbek siñirgen qayratkeri , Qazaqstannıñ halıq ärtisi, osı önerdiñ maytalmanı Bolat Ayuhanovtıñ basşılığımen dayındalğan erekşe qoyılımdardıñ kuäsi boldı.

Alğaşqı küni Çaykovskiydiñ «Aqqu köli» qoyılımı men Jorj Bizeniñ «Karmenin» tamaşalağan köpşilikke teatr bişileri ekinşi küni «Qız Jibek» eposınıñ 500 jıldığına oray jasalğan qoyılımdı tartu etti. «Gakku-aqqu üni» dep atalatın bwl qoyılımdağı Qız Jibek rolin Gülnar Kamalova, Tölegendi Erkin Ötepov, al Bekejannıñ rölin memlekettik «Serper» jastar sıylığınıñ laureatı Erik Ospanov somdadı. Qazaqtıñ kiiz üyiniñ mañayında süygenin kütken Qız Jibekti, Tölegenniñ kele jatqanınan süyinşi swray kelgen Dariyanı, köñildi Şegeni, baqıttı şaqtı bıt-şıt etip, Tölegenge qanjar swqqan Bekejandı joğarı deñgeyde somday bilgen teatr önerpazdarı körermenniñ ıstıq ıqılasına bölendi. «Aqtöbelikter bizdi qaşan da osılay jılı qabıldaydı», - deydi Bolat Ayuhanov.

 

Ötken aptanıñ senbi, jeksenbi künderi gastrol'dik saparmen Aqtöbege at basın tiregen Qazaqstan Respublikası memlekettik akademikalıq «Almatınıñ jas baleti» bi teatrı jwrtşılıqtı ayşıqtı önermen susındattı. Balet önerin süyip tamaşalaytındar eki kün qatarınan Studentter sarayında Qazaqstannıñ eñbek siñirgen qayratkeri , Qazaqstannıñ halıq ärtisi, osı önerdiñ maytalmanı Bolat Ayuhanovtıñ basşılığımen dayındalğan erekşe qoyılımdardıñ kuäsi boldı.

Alğaşqı küni Çaykovskiydiñ «Aqqu köli» qoyılımı men Jorj Bizeniñ «Karmenin» tamaşalağan köpşilikke teatr bişileri ekinşi küni «Qız Jibek» eposınıñ 500 jıldığına oray jasalğan qoyılımdı tartu etti. «Gakku-aqqu üni» dep atalatın bwl qoyılımdağı Qız Jibek rolin Gülnar Kamalova, Tölegendi Erkin Ötepov, al Bekejannıñ rölin memlekettik «Serper» jastar sıylığınıñ laureatı Erik Ospanov somdadı. Qazaqtıñ kiiz üyiniñ mañayında süygenin kütken Qız Jibekti, Tölegenniñ kele jatqanınan süyinşi swray kelgen Dariyanı, köñildi Şegeni, baqıttı şaqtı bıt-şıt etip, Tölegenge qanjar swqqan Bekejandı joğarı deñgeyde somday bilgen teatr önerpazdarı körermenniñ ıstıq ıqılasına bölendi. «Aqtöbelikter bizdi qaşan da osılay jılı qabıldaydı», - deydi Bolat Ayuhanov.

- Mwnıñ sebebi, Aqtöbede balet önerin bağalay biletinder köp. Balet öneri tüsine bilgenge önerlerdiñ işindegi eñ wlısı bop tabıladı. Näziktik pen ädemiliktiñ simvolı ispetti bwl önerge, şının aytu kerek, bwrınıraqta qazaqtar köp qızığa bermeytin. Degenmen,  aqtöbelikterdiñ ıqılasına riza bolıp otırmın. Eki künde de zalğa lıq tolğan körermenderdiñ barlığı osı önerdi süyip tamaşalaytındar dep bilemin. Batıs öñirindegi saparımızdı osı qaladan bastauımızdıñ da sebebi osı.

- Siz üşin jas bişilermen jwmıs jasau, gastrol'dik saparlarğa şığu qiındıq tuğızbay ma?

-Balet - meniñ ömirimniñ mäni. Meniñ qolımnan bileuden özge öleñ jazu, özbektiñ palauın jasau, tağı sol siyaqtı şarualar keledi. Biraq, meniñ süyikti käsibim balet bi öneri bolıp qaladı. Men üşin jaqsı şıqqan qoyılımnıñ özi bir baqıt. Ädemi bilegen bişiniñ ärbir qimılı janımdı tınıştandırıp, birneşe jasqa jasartıp otıradı. Al teatrdıñ jetistikteri meniñ wzaq jılğı eñbegimniñ jemisi bop sanaladı. Osınday kieli önerdi bağalay biletin aqtöbelikterge ömirleri balettegidey ädemi bolsın degen tilek aytqım keledi,- deydi halıq ärtisi.

Eki kün qatarınan baletti tamaşalauğa kelgen Aqmaral Aytbaeva kişkene küninen Bolat Ayuhanovtıñ önerine tänti bolğanın aytadı.

-Bala kezimde onınşı sınıpta oqitın äpkeme erip teledidardan balet bi önerin tamaşalaytınmın. Keyinnen Almatığa köştik, onda da qay jerde balettiñ sıbısın estisem, qalmay barıp jürdim. Qazir osında twramın. Üyde säbiimdi bağıp otırmın. Ötkende avtobus ayaldamasınan Bolat Ayuhanovtıñ osında keletinin oqıp, quanıp qaldım. Eki kün qatarınan keldim. Tamaşa ötti.

Bolat Ayuhanovtıñ jetekşiligimen balet önerin janına serik etken bişiler tobı jeksenbi küni Hromtau qalasında boldı. Onda da önerpazdardı  jwrtşılıq  jılı qabıldağan körinedi.

 

 

Laura MÜLKAMAN.

«Aqtöbe» oblıstıq gazeti 30 mausım 2009 jıl

 

 

0 pikir