Seysenbi, 31 Naurız 2020
Qoğam 2820 0 pikir 8 Aqpan, 2017 sağat 11:08

"MÄÑGİLİK EL" IDEYASI KOMMUNIZMNİÑ ELESİ EMES

Qazirgi qoğamda bolıp jatqan keleñsiz qwbılıstarmen qılmıstıq is-äreketterdiñ, atap aytqanda, jemqorlıq, paraqorlıq, jalaqorlıq, zinaqorlıq jäne maskünemdik siyaqtı näpsiqwmarlıqtıñ bäri –  bilimsizdiktiñ belgisi. Bilimdiliktiñ birinşi belgisi jan tazalığı, jan tazalığınıñ joqtığı biliminiñ joqtığı. Olay bolsa qoğamdıq qatınasta qalıptasqan bilimsizdikti joyu üşin, otandıq bilim berudi ruhani twrğıdan tübirinen özgertuge tura keledi.

Oğan sebep, täuelsiz elimizdin konstituciyasında, QR-sı özin zayırlı memleket dep jariyalauına baylanıstı, din memleketten jäne mektep dinnen bölingen – degen ateistik qağidanıñ zañdıq küşi joyılğan.  

Öytkeni, zayırlı memleket degenimiz – dünieniñ tüp negizi «materiya» bastapqı, al «Ruh» onıñ tuındısı dep, ruhani dünieni joqqa şığarıp, materialdıq düniege artıqşılıq beretin ateistik memleket emes.

Zayırlı memleket degenimiz – hristian äleminde dünieniñ tüp negizi «ruh» alğaşqı, al «materiya» soñğı tuındı dep, ruhani dünieni joqqa şığarmay, kerisinşe ruhani dünieni qasterleytin memleket.

Olay bolsa, din memleketten jäne mektep dinnen bölingen dep, ruhani dünieni joqqa şığaratın, materialistik bilim beru jüyesi, täuelsiz elimizdin konstituciyasına qayşı kelgendikten, onı byudjetten qarjılandıru zañsızdıq, yağni qılmıs bolıp tabıladı.

Oğan sebep, Keñes Odağınan mwra bolıp qalğan materialistik bilim beru jüyesi, yağni ruhani dünieni joqqa şığaratın materializm – şınayı ğılım emes, jalğan ğılım bolğandıqtan, kommunizm ideyasımen birge, bäsekege qabiletsiz jalğan bilim retinde, älemdik örkeniette özin-özi masqara etip, tarih sahnasınan birjola ketti.

Sonımen birge, din memleketten jäne mektep dinnen bölingen dep, ruhani dünieni joqqa şığaratın, materialistik bilim beru jüyesi, konstituciyada bayandı etilgen «Adamdardıñ qadir-qasietine qol swğılmaydı» jäne «Zañ men Sot aldında jwrttıñ bäri teñ» degen  azamattardıñ konstituciyalıq qwqıqtarımen bostandıqtarına nwqsan keltirip, dindarlardı dinsizderge täueldi etip, olardıñ ar-namısın qorlaydı.

Sonday-aq, jetpis jıl sanamızğa berik ornıqqan materializmniñ «Teriske şığarudı teriske şığaru» zañı boyınşa, zañ belgili bir jağdayğa baylanıstı payda boladı, ol jağday özgerse zañda özgeredi,  joyıladı dep, eski ataulınıñ jañağa sabaqtastığın wdayı joyıp otıradı.

Sondıqtan, materialistik bilim beru jüyesi, wrpaqtar sabaqtastığın wdayı jalğastıratın Mäñgilik el ideyasınıñ is-jüzine asuına kedergi, tosqauıl boladı.

Al mäñgilik – Jaratuşığa tän, Jaratuşınıñ bir sipatı, oğan küdik keltiru bilimsizdik.

Mäñgilik el ideyası Qazaqstandı kezip jürgen kommunizm siyaqtı eles emes. Mäñgilik el ideyası – wrpaqtar sabaqtastığın wdayı jalğastıratın täuelsiz elimizdiñ jasampaz halqınıñ mäñgi – baqi ömir süretin ölmes ruhı.

Endigi jerde wrpaqtar sabaqtastığın wdayı jalğastıratın Mäñgilik El ideyasın is jüzine asıru üşin, bilim berude dünieniñ tüp negizi «Materiya» nemese «Ruh» dep talas tudırmay, olardı tuındı retinde qarastırıp, dünieniñ tüp negizi jalpı adamzatqa ortaq senim bir Jaratuşı dep, materialdıq dünie men ruhani dünieni bir-birinen bölinbes birlik retinde qarastıru arqılı, Ükimet Qazaqstan halqına ruhani negizdegi ğılımi bilim berudi qamtamasız etui tiis.

Ondağı maqsat, keler wrpaqtıñ sanasın materialistik bilimmen ulamay, täuelsiz elimizdiñ qauipsizdigine qater töndirip otırğan jemqorlıq, paraqorlıq, jalaqorlıq siyaqtı las qılıqtarmen birge, dini ekstremizm, terrorizm siyaqtı zorlıq – zombılıqqa qarsı, adamdardıñ sanasına ğılımi immunitet qalıptastıru bolıp tabıladı.

Ğılım-Jaratuşınıñ bir sipatı oğan küdik keltiru imansızdıq. Ğılımi bilim – materialdıq dünie men ruhani dünieni taldap zertteuden tuadı.

Öytkeni, ğılım adam qızmetiniñ jemisi emes, Jaratuşınıñ isi bolğandıqtan, adam balası janınan ğılım jarata almaydı, adam jaralıp, jasalıp qoyğan narselerdi sezip-körip, taldap-zertteu arqılı aqılmen tanıp biledi. Bükil älemniñ iesi de, tärbieşisi de bir Jaratuşı. Bilik te, Üstemdik te bir Jaratuşıda.

Olay bolsa, ĞILIMI BİLİM – Jaratuşını tanu, öziñdi tanu, dünieni tanudan twradı. Jaratuşını tanu üşin senim ilimin, öziñdi-öziñ tanu üşin ahlaq ilimin, dünieni tanu üşin jaratılıstanu ğılımdarın oqıp üyrenu kerek.

Olardı qasietti Qwran men Hadisten Äbu Nasır Äl-Farabi men Abaydıñ, Ibıray men Şäkärimniñ jäne N.Ä.Nazarbaevtıñ ğılımi tanımdıq eñbekterinen oqıp biluge boladı.     

Materialdıq dünie – bizdi qorşağan «Barlıq» jäne ädebiet, tarih, öner, än-küy, muzıka desek, ruhani dünie – adamnıñ sanasınan tıs ğayıpqa senim. Din – Jaratuşınıñ tuındısı. Din qoğamdıq sana, adami sipat. Adami sipattağı din köp. Ärkimnin sanası – öziniñ dini. Jaratuşınıñ adamzatqa jibergen dini bireu – ol Islam. Islam – tolıqtırılğan din, ğılımdı qwlşılıqtan joğarı qoyadı. Ğılımsız ahirette joq, dünie de joq. Ğılımsız  oqığan namaz, twtqan oraza, qılğan qaj, eşbir ğibadat ornına barmaydı degen hakim Abay.  Adamzattı biriktiretin ğılım, din emes.

Adamzat balasınıñ tärbiesiniñ ğılımi negizi ruhani bilim. Ruhani bilimniñ qaynar közi Jaratuşınıñ janınan kelgen kitaptar: Taurat, Zabur, İnjil jäne Qasietti Qwran men Hadis. Ğılım men Dinniñ negizi bir Jaratuşığa senim bolğandıqtan, materialdıq dünie men ruhani dünieni bir-birinen bölek qarastıruğa bolmaydı.

Osığan baylanıstı, balağa tärbieli bilim beru üşin memlekettik bilim standarttarınıñ ğılımi közqarasın jäne jeke pänder boyınşa zertteu nısandarın ruhani twrğıdan tübirinen özgertu qajet.

Qısqarta aytqanda, Egemen elimizdiñ kommunistik formaciyadan kapitalistik formaciyağa köşkende, qoğamdıq ekonomikalıq bazisine säykes qondırmada da tönkeris jasalıp, memlekettik qwqıq, sayasat, ğılımi, dini, ahlaq (moral') jäne filosofiyalıq, estetikalıq közqarastar özgerui tiis bolatın. Biraq Ükimet öziniñ ämirşil-äkimşil jüyesin saqtap qalu üşin, eski qondırmanı sol küyinde qaldırıp, töñkeris jasamadı.

Sondıqtan qazirgi qoldanıstağı materialistik tanımdağı memlekettik bilim standarttarı, täuelsiz elimizdiñ konstituciyasınıñ talaptarı men halıqaralıq bilim standarttarınıñ ğılımi közqarastarına qayşı keledi.

Osığan baylanıstı, Qazaqstan halqına halıqaralıq bilim standarttarına say, ğılımi közqarastağı ruhani negizdegi ğılımi bilim beru üşin, ğılımi wğımdarımızben senimderimizdi qayta jüyelep, otandıq bilim berudi ruhani twrğıdan tübirinen özgertuge bilik basındağı ruhani bilimi joq materialist-şeneunikter oğan qarsılıq bildirip otır.

Qorıta aytqanda, wrpaqtar sabaqtastığın wdayı jalğastıratın Mäñgilik El ideyasın is jüzine asıru üşin, täuelsiz elimizdiñ konstituciyasında bayandı etilgen zayırlı memleket retinde, ğılımi wğımdarımızben senimderimizdi qayta jüyelep, halıqaralıq bilim standarttarınıñ ğılımi közqarastarına say, otandıq bilim berudi ruhani twrğıdın tübirinen özgertu turalı keler wrpaqtın enşisine amanat etip qaldırdıq.

Ondağı maqsatımız adamdardıñ sanasın materializmniñ bodandığınan azat etip, qoğamdıq qatınasta ruhani negizi joq meterialistik bilimniñ üstemdigin emes, ruhani negizdegi ğılımi bilimniñ üstemdigin qamtamasız etip, qoğamdıq qatınasta materialist-şeneunikterdiñ biligin emes, HÄKİMDERDİÑ biligin qamtamasız etu bolıp tabıladı.

«Mäñgilik El» Qoğamdıq birlestiginiñ atınan Keles Şäkibaev

Abai.kz

 

0 pikir